Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 85. Er mwyn nad oedd Duw yn tynnu mo 'i wialen oddiar ei Eglwys gwedi ei dyfod adref o Babel, maent hwy yn gyntaf iw goffau ef i orphen arnynt waith ei ras. Ac yn achwyn rhag eu hir gystudd, ac yn olaf, yn ymlawenychu yn eu gobaith o addewidion Duw.

DA wyd i'th dir (Jehova Ner) dychwelaist gaethder Iago: [verse 2] Maddeuaist drowsedd dy bobl di, mae'i camwedd wedi 'i guddio. [verse 3] Tynnaist dy lid oddiarnom ni, troist di ddiglloni awchlym: [verse 4] (O Dduw ein nerth) tro ninnau'n well, a'th lid bid bell oddiwrthym.

[verse 5] Ai byth y digi wrthym ni? a sorri di hyd ddiwedd? A saif dy lyd o oes i oes? Duw gwrando, moes drugaredd. [verse 6] Pam? oni throi di a'n bywhau, allawenhau yr eiddod? [verse 7] O dangos in dy nawdd mewn pryd felly cawn iechyd ynod.

[verse 8] Beth a ddywaid Duw am danaf, mi a wrandawaf hynny: Fe draetha hedd iw bobl, a'i Sainct, rhag iroi ym mraint ynfydu. [verse 9] I'r rhai a ofnant Arglwydd nef, mae i iechyd ef yn agos: Felly y caiff gogoniant hir, o fewn ein tir ni aros.

[verse 10] Ei drugaredd, a'i wirionedd, ar unwaith cyfarfuant: Ei uniondeb, a'i hedd ynghyd, dwy'r tir a'mgydgusanant. [verse 11] Gwirionedd o'r ddaiar a dardd, uniondeb chwardd o'r nefoedd: [verse 12] Duw a ddenfyn yn' ddaioni, a'n tir i roddi cnydoedd.

[verse 13] Uniondeb oedd o flaen Duw nef, a'r cyfion ef aed rhagddo: A Duw a rodia yn ei waith, fel i'r un daith ac efo.