Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 77. Dafydd yn cofio ar amryw brofedigaethau, a'r blind••∣rau oedd arno: yn dangos mowredd Duw, ac yn ymg••••∣hau mewn ffydd.

Fy llais at Dduw, pan roddais lef, fy llais o'r nef fo'i clybu; A'm llais gweddiais ar Dduw Ner, pan oedd blinder yn tarddu. [verse 2] Y dydd y rhedai'mriw, a'r nos ni pheidia achos llafur, Mewn blin gyfyngder gwn fy mod, a'm hoes yn gwrthod cysur.

[verse 3] Yna y cofiwn Dduw a'i glod, pan syrthiai drallod enbyd: Yna gweddiwn dros fy mai, pan derfysgai fy yspryd. [verse 4] Tra fawn yn effro, ac mewn sann, heb allel allan ddwedyd,

[verse 5] Ystyriais yna'r dyddiau gynt, a'r helynt hen o'r cynsyd.

[verse 6] Cofiwn fy'ngherdd y nos fy hun, heb gael amrantun, chwiliwn A chalon effro, genau mud, â'm hyspryd ymddiddanwn: [verse 7] Ai'n dragywydd y cilia'r Ion? a fydd ef bodlon mwyach? [verse 8] A ddarfu byth ei nawdd a'i air? a gair ei addaw bellach?

[verse 9] Anghofiodd Duw drugarhau? a ddarfu cau ei galon? A baid efe byth (meddwn i) fal hyn â sorri'n ddigllon? [verse 10] Marwolaeth yw'yw'r meddwl hwn: a throis yn grwn i gofio Ei fawr nerth gynt: cofio a wnaf, waith y Goruchaf etto.

[verse 11] Cofiaf dy weithredoedd (f'Arglwydd) a'th wrthiau hylwydd cofiaf, [verse 12] Am bob rhyfeddod a phob gwaith, â myfyr maith y traethaf. [verse 13] O Dduw, pa Dduw sydd fal ti Dduw? dy ffordd di yw'n sancteiddiol: [verse 14] Dy waith dengys dy nerth i byd, pair yn' i gyd dy ganmol.

[verse 15] Dy nerth fawr hon a ro'ist ar led, wrth wared yr hen bobloedd, Iagof, a Joseph, a fu gaeth, a'i holl hiliogaeth luoedd. [verse 16] Y deifr gwelfant, ofnasant hyn, a dychryn cyn eu symmud. [verse 17] Cymylau dwfr cylch wybr yn gwau, a mell•••••••• saethau enbyd.

[verse 18] Dy daran rhuodd fry'n y nen, dy fellt gwnaent wybren olau, Y ddaiair isod a gyffrodd, ac a ddychrynodd hithau. [verse 19] Yn eigion mor m••e y ffordd dau, a'th lwybrau mewn deifr sugnedd, Ac ni adweinir byth mo'th ol, yn dy anfeidrol fowredd.

[verse 20] Dy bobloedd a dywysaist di drwy anial ddrysni efrydd, Gan law Moses, a'i frawd Aaron, fel defaid gwirion llonydd.