Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 76. Dangos gallu Duw, a'i ofal dros ei bobl. Cynghor i'r ffyddlon i fod yn ddiolchgar.

YN Juda ac Israel dir adweinir ein Duw cyfion. [verse 2] Ei babell ef yn Salem sydd, a'i breswylfydd yn Sion. [verse 3] Yno drylliod y a bwa a'r saeth, a'r frwydr a wnaeth yn ddarnau: A thorrodd ef yn chwilfriw mân bob tarian, a phob cleddau.

[verse 4] Trawsion fu cedyrn mynydd gynt, mewn yspail helynt uchel, Uwch a chryfach wyt na hwyntwy, nid rhaid byth mwy mo'i gochel. [verse 5] Pob cadarn galon a ymroes, ac ni dd••ffroes o'i gyntyn. Pawb a ddiffrwythodd pan ddaeth braw, ni chae un llaw ei dderbyn.

[verse 6] O'th waith (Duw Iagof) a'th amharch cerbyd a'r march rhoi'i huno. [verse 7] Ofnadwy wyd pwy i'th lid wg, a saif i'th olwg effro? [verse 8] Pan ddaeth o'r nefoedd dy farn di, yr wyd yn peri' i chym'ryd, Y ddaiar ofnodd, a'i holl lu, rhoist i ostegu ennyd.

[verse 9] I farnu pan gyfododd Duw i gadw yn fyw y gwirion,

A'r rhai oedd lonydd yn y tir, yr oeddyn gywir galon. [verse 10] Cans poethder dyn yw dy fawl di, felly gostegi drallod: Eu gwres, i'r da a fag gref ffydd, i'r drwg a fydd yn ddyrnod.

[verse 11] Eich rhydd i'r Arglwydd Dduw addewch, a llawn gwblhewch eich gobrwy, Pawb sydd o amgylch Sion deg, rhowch anrheg i'r ofnadwy. [verse 12] Ef a ostyngodd uchel fryd, ac yspryd gwyr rhyfelgar: Fo a yr ofn ynghanol hedd, ar holl frenhinedd daiar.