Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 40. Diolchgarwch i Dduw am ei ddaioni i ddinion: addaw ymroi i wasanaethu Duw, ar modd i hynny: gwe∣di diolch y mae yn achwyn rhag ei elynion, ac yn mynd at Dduw am gymorth.

BUm yn dyfal ddisgwyl fy Ner, ef o'r uchelder clybu, Clustymwrandawodd ef fy llais pan lefais ar i fynu. [verse 2] Cododd syfi or pydew blin, a'r pridd tra gerwin tomlyd, A rhoes ar graig fy'nrboed i wau, a threfn fy'nghamrau hefyd.

[verse 3] A newydd gerdd i'm genau rhoes, clod iddo troes yn hylwydd,

[verse 4] Pawb ofnant pan y gwelant hyn a chredan yn yr Arglwydd. [verse 5] Pob gwr yn ddiau dedwydd yw a rotho ar Dduw ei helynt: A'r beilch, a'r ffeils a'r chwedlau tro nid edrych efo arnynt.

[verse 6] Am (o Duw) yw y gwrthiau tau. fel dy feddyliau ynny, A heb un dyn yn dysgu i ti, nac yn blaenori hynny. [verse 7] Y rhai pe y ceifiwn i drwy gred, eu rhoi ar led, a'i canu, Mwy amlach ydynt nag y gall un dyn heb pall eu traethu.

[verse 8] Ni fynnaist offrwm rhodd, na gwerth na chwaith un aberth cennyf; Er hyn fy'nghlustiau i mewn pryd, hwy a egoryd ymy. [verse 9] Hyn pan wrthodaist dwedais i Duw wele fi yn dyfod. [verse 10] Megis o honof mae gwir pur yn dy ysgrythur hynod.

[verse 11] Y rhyngwn i dy fodd yn llawn, (o Dduw) rwy 'n fodlawn ddigon, Dy ewyllys di a'th lân ddeddf sy'n greddf yn nautu'r galon. [verse 12] Mi a bregethais dy air cu ynghanol llu mawr anian. Ac nithawaf fy' Arglwydd gwyn) ti wyddost hyn dy hunan.

[verse 13] Dy iownder, iechyd, a'th air gwir ni bum chwaith hir i'w celu, Na'th drugaredd, na'th roddion da rhag un gynlleidfa meithlu.

[verse 14] Dithau (o Dduw) rhagof na chei dy dawel drugareddau, Dy nawdd a'th wir gosod ar led, bont byth i'm gwared innau.

[verse 15] Dagrau o'm hamgylch fydd uwch rhif, a throso'n llif mae pechod, Amlach ydynt nâ'm gwallt i'm brig, a'm calon ddig sy'n darfod. [verse 16] Tyred (fy Arglwydd) helpa'n rhodd, a rhynged bodd yt' hynny. Bryssia i'm gwared, na thrig yn hwy, a bydd gynhorthwy ymy.

[verse 17] A chyd wradwydder hwynt ar gais a syn drwy drais fy nifa: A throer iw hol y rhai y sy yn chwennych ymy ddirdra. [verse 11] Bont hwy annedd-wâg yn lee tâl yrhai a dyfal dafod Er gwrad wydd ym' a ddwedant hyn, ffei, ffei, ar destyn dannod.

[verse 19] Y rhai a'th geisiant di bob pryd bont lawen hyfryd hylwydd, A dweded a'th gâr di (Dduw ner) mawryger enw'r Arglwydd. [verse 20] Cofia (o Dduw) fy mod yn wan, ac yn druan, a dyred, (O Dduw fynerth) na thrig yn hir, dyrd rhag y dir i'm gwared.