Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 36. Cwyno rhag y drygionus, eithr (drwy gydnabed daioni Duw) y mae efe yn ymgysuro.

WRth gamwedd dyn annuwiol sur mae'n eglur yn fy'nghalon, Nad oes ofn Duw, na'i farn, na'i ddrwg o flaen ei olwg trowsion. [verse 2] Mae yn cyd ddwyn â'i fai ei hun, ni wyl mo'i wrthun drosedd: Nes cael yn eglur i'r holl fyd ei gâs wyd, a'i anwiredd.

[verse 3] Os ei ymadrodd, mae heb wir, ei enau dihir hydwyll, Ni fyn wneuthur dim da ychwaith, yr adyn diffaith dibwyll. [verse 4] Ef yn ei wely ni chais hûn, ond gosod llun ar gelwydd: Os yn effro, neu yn ei waith, ni ochel daith ann edwydd.

[verse 5] Dy drugaredd (fy Arglwydd Ion) sydd hyd eithafon nefoedd: A'th wirionedd di sydd yn gwau, hyd y cymylau dyfroedd. [verse 6] Dy uniondeb fel mynydd mawr, dy farn fel llawr yr eigion.

Dy nerth fyth felly a barhâ, i gadw da, a dynion,

[verse 7] O mor werthfawr (fy Arglwydd Dduw) i bawb yw dy drugaredd! I blant dynion da iawn yw bod ynghysgod dy adanedd. [verse 8] Cyflawn o frasder yw'r ty tau, lle lenwir hwythau hefyd. Lle y cânt ddiod gennyt Ion, o flasus afon hyfryd.

[verse 9] Gyda thi mae y loywffrwd hon, a darda o ffynnon einioes: A'th deg oleuni, ac â'th râd, y cawn oleuad eisoes. [verse 10] O ystyn etto i barhau, dy drugareddau tirion: Ni a'th adwacnom di, a'th ddawn, i'r rhai sydd uniawn galon.

[verse 11] O Dduw im 'herbyn i na ddoed, na ffyrdd, na throed y balchffol, A llestair attas, fel na ddaw na gwaith, nallaw'r annuwiol, [verse 12] Fel y syrthiodd gynt, yn wir, y rhai enwir a'i drygwaith, Felly gwthiwyd i lawr hwynthwy, heb godi mwy yr eilwaith.