Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 26. Y mae Da••ydd yn dangos ei ddiniweidrwydd: ac i ddangos nâd ffug, yw ei weddi, mae fe yn crio erbyn y rhai sydd yn arfer ffug sancteiddrwydd sef ei elynion.

BArnfi (o Dduw) a'chlyw fy llais, mi a rodiais mewn perffeithrwydd Ac ni lithraf'am ym'roi 'mhwys, yn llownddwys ar yr Arglwydd. [verse 2] Prawf di fy muchedd Arglwydd da, a hola dull fy mywyd, A manwl chwilia'r galon fau, a phrawf f'arennau hefyd.

[verse 3] O flaen fy llygaid, wyf ar lêd yn gweled dy drugaredd: Gwnaeth dal ar hynny ar bob tro, y'm rodio i'th wirionedd. [verse 4] Nid cyd eistedd gydâ gwagedd, neu goegwyr yn llawn malais: [verse 5] Câs gennif bob annuwiol rith, ac yn eu plith ni 'steddais.

[verse 6] Mi olchaf fy nwy law yn lân, cans felly byddyn, f'Arglwydd, Ac a dueddaf t••a'th gor, ac allor dy sancteiddrwydd. [verse 7] Y modd hyn teilwng yw i mi, luosogi dy folyant: Sef, addas i mi fod yn lân, i ddatcan dy ogoniant.

[verse 8] Arglwydd cerais drigfan dy dy. lle'a ery'dy anrhydedd: [verse 9] N'âd f'enaid i a'm hoes ynghyd â'r gwaedlyd llawn enwiredd.

[verse 10] Eu dwylaw hwynt sy sceler iawn, y maent yn llawn maleisiau. A dehau law yr holl rai hyn, sy'n arfer derbyn gwobrau.

[verse 11] Minnau'n ddiniwed, (felly gwedd) ac mewn gwirionedd rhodiaf: Gwared fi drwy dy ymgeledd, cymer drugaredd arnaf. [verse 12] Fe saif fy nhroed i ar yr iawn, ni syfl o'r uniawn droedfedd: Mi a'th glodforaf, Arglwydd da, lle bytho mwya'r orsedd.