Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 132. Y ffyddlon yn ymddiried i addewidion Duw. Dafydd yn dymuno ar Dduw sicrhau yr unrhyw.

O Cofia Ddafydd, fy Nuw Ner, a'i holl wrth flinder hefyd; [verse 2] Pa lw adduned a roes fo i Dduw Iaco, gan ddwedyd, [verse 3] Nid âf o fewn pabell fy' nhy, a'm gwely mwy nis dringaf; [verse 4] Ni roddaf i'm dau lygad hun, amrantun chwaith ni chysgaf:

[verse 5] Nes caffwyf gyfle yn ddi rus, i Arglwydd grymus Iaco. [verse 6] Wele'n Ephrata clywson fod lle o breswylfod iddo. Cawsom hi ym meusydd y coed. [verse 7] Pawb doed iw bebyll tirion, Awn, ymgrymwn, pawb ufyddhaed, wrth ei faingc draed yn union.

[verse 8] F'arglwydd, cyfod i'th esmwyth lys, a'th arch o rymmus fowredd. [verse 9] Gwisged d'offeiriaid gyfion fraint, gwisged dy Sainct wirionedd. [verse 10] Er mwyn Dafydd dy ffyddlon wâs, na thyn dy râs yn llidiog: Ac na wrthneba di er neb, mo wyneb dy enneiniog.

[verse 11] I Ddafydd rhoes yr Ion lw gwir, a chedwir hwn heb wyredd: O ffrwyth dy gorph rhof ar dy saingc, yt iraidd gaingc i eistedd.

[verse 12] Fy'neddfau a'm cyfammod i, dy feibion di os cadwant; O blan i blann o gaingc i gaingc, hwy ar dy faingc a farnant.

[verse 13] Cans fy Arglwydd, o serch a bodd, a rag-ddewisodd Seion; I drigo ynthi rhoes ei fryd, gan ddwedyd geiriau tirion; [verse 14] Hon fyth fydd fy' ngoryhysfa i, o hoffder ynthi trigaf. [verse 15] Bend••thiaf hi a bwyd di ball, a'i thlawd diwall o fara.

[verse 16] Ag iechydwriaeth, medd Duw naf y gwilgaf ei heglwyswyr, A rhoddaf yngenau pob Sanct o'i mewn, ogoniant psallwyr. [verse 17] Paraf hyn oll, ac felly y bydd, corn Dafydd yn goronog: Felly darperais, gan fy'mhwyll, brif ganwyll i'm eneiniog.

[verse 18] Am ei ely ion, o bob parth, y gwiscaf warth a gwradwydd, Paraf hefyd iw goron fo flodeuo: medd yr Arglwydd.