Llyfr y Psalmau: wedi ev cyfiethu, a'i cyfansoddi ar fefur cerdd, yn gymraeg / drwy waith Edmund Prys Archdiacon Meirionnydd.

PSAL. 107. Dafydd yn cynghori y rhai a gasglodd ac a waredod Duw i diolch iddo. Yr hwn (gan roi daioni i'r cyfion) sydd yn cau safn yr enwir.

MOlwch yr Arglwydd, cans da yw moliennwch Dduw ein llywydd, O blegid ei drugaredd fry a bery yn dragywydd. [verse 2] Y gwaredigion canent fawl, i Dduw gerdd nodawl gyson: Y fawl a'achubwyd, caned hyn, o law y gelyn creulon.

[verse 3] A gasglodd o bedwar-rhan byd, dowch chwi i gyd-ganenau. O dir y dwyrain dowch mewn hedd, gorllewin, gogledd, deau. [verse 4] Drwy yr anialwch, wyrdraws hynt, y buasent gynt yn crwydro Allan o'r ffordd: heb dref na llan, lle caent hwy fan i drigo.

[verse 5] Drwy newyn, syched bu'rdaith hon, a'i calon ar lewygu: [verse 6] Ar Dduw y galwent y pryd hyn, pan oeddyn ymron trengu.

Yna eu gwared hwynt a wnaeth, o'i holl orthrym-gaeth foddion, [verse 7] Rhyd yr iawn ffordd fe'i dug mewn hedd, i dref gyfannedd dirion,

[verse 8] Addefant hwythau gar ei fron, ei fwynion drugareddau: Ac er plant dynion fel y gwnaeth yn helaeth ryfeddodau: [verse 9] Ddiwallu honaw einioes dyn, rhag newyn a rhag syched: Ac o'i fawr râs en cadw i gyd, pan oedd y byd yn galed.

[verse 10] Y rhai mewn tywyllwch a drig, ynghysgod llewyrch angau, Yn rhwym mewn nychdod, ac mewn bâr, a heyrn ar eusodlau. [verse 11] A hyn o herwydd iddynt fod, mewn anufydd-dod eithaf, A llwyr ddirmygu gair Duw lor, a chyngor y Goruchaf.

[verse 12] A thrymder calon cwympiwyd hwy nid oedd neb mwy a'i cododd. [verse 13] Ar Dduw mewn nychdod, ac mewn bâr ac yntef a'i gwaredodd. [verse 14] Ef a'i gwaredodd hwynt o'i drwg, sef o dywyllwg caeth glud, O gysgod angau eu rhyddhau, a thorri eu rhwymau hefud.

[verse 15] Addefent hwythau gar ei fron, ei fwynion drugareddau, Ac i blant dynion fel y gwnaeth yn helaeth ryfeddodau. [verse 16] Cans y pyrth pres torrodd yn chwyrn a'r barriau heyrn hefyd:

[verse 17] Am eu bai a'i camwedd yn wir, y poenir y rhai ynfyd.

[verse 18] A hwynt yn laru ar bob bwyd, fe'i dygwyd at byrth angau. [verse 19] Ar Dduw mewn ing y rhoesant lef, achubodd ef hwynt hwythau, [verse 20] Gan yrru ei air iw iachau, ac iw rhyddhau yn fuan, A hwynt â'i air tynnu a wnaeth o'i methedigaeth allan.

[verse 21] Addefant hwythau gar ei fron, ei fwynion drugareddau: Ac i blant dynion fel y gwnaeth yn helaeth ryfeddodau. [verse 22] Aberthant hefyd aberth mawl, iw ogoneddawl fowredd, A mynegant ei waith a'i wyrth, yn ei byrth mewn gorfoledd.

[verse 23] Y rhai a ânt mewn llongau i'r don, a'i taith uwch mowrion ddyfroedd, [verse 24] A welsant ryfeddodau'r Ion, a hyn mewn eigion moroedd. [verse 25] A'i air cyffroe dymestloedd gwynt, y rhai'n a godynt donnau [verse 26] Hyd awyr fry, hyd eigion llawr, ac ofn bob awr rhag angau.

[verse 27] Gan ysgwyd a phendroi, fal hyn, dull meddwyn, synnai arnynt. [verse 28] Ar Dduw mewn ing y rhoesant lef, daeth ef a chymorth iddynt, [verse 29] Gwnaeth e'r y storm yn dawel deg, a'r tonnau'n osteg gwastad. [verse 30] Yn llawen ddistaw doen i'r lan, i'r man y bai 'i dymuniaid.

[verse 31] Cyffesent hwythau gar ei fron, ei fwynion drugareddau, Ac i blant dynion fel y gwnaeth yn helaeth ryfeddodau. [verse 32] Holl gynulleidfa ei bobl ef, clod Duw hyd nef dyrchafant: Holl eisteddleydd pennaethiaid hen, yn llawen a'i moliannant.

[verse 33] Y ffrydau'n ddyrys dir a wnai, fe sychai ddwfr lle tarddo. [verse 34] A thir ffrwythlawn a wnai'n ddiffrwyth, lle trig drwg dylwyth yntho. [verse 35] Troes yr anialwch yn llyn glâs, a'r tir cras yn ffynnhonnydd, [verse 36] Lle y gwnai ef drigfan i'r gwael ddyn, i dorri ei newyn beunydd.

[verse 37] Lle yr hauasant faesydd glân, a llawer gwinllan dyner, Y rhai a rhoddant lawnder ffrwyth a chnydlwyth yn ei amser. [verse 38] Cans cynyddasant hwy gan wlith grasol fendith un Duw cun, A'i hanifeiliaid hysb a blith, rhoes yr un fendith arnun.

[verse 39] Daeth caethder gwedi hyn i gyd, a drygfyd er eu gostwng. Gadawodd eu gorthrymmu a'i plau, cawsant flinderau teilwng. [verse 40] Eu dirmyg ar y beilchion troes, ac ef a'i rhoes i grwydro Mewn drysni heb lun ffordd i'w chael, lle buant wael eu gortho.

[verse 41] Yna rhoes y tlawd i well fri, dug o'r trueni allan,

Gan llwyddo ei deulu, a'i holl blaid, fel defaid wrth y gorlan. [verse 42] Y rhai cyfiawn a welant hyn, a chanthyn bydd yn hyfryd, A'r enwir ceuir ei ddwy ên ar ei gynfigen fowlyd.

[verse 43] Pa rai sy ddoeth i ddeall hyn, fe roddir iddyn wybod Faint yw daioni f'Arglwydd yn' wrth hyn y cân gydnabod.