A collection of acts of Parliament, charters, trials at law, and judges opinion concerning those grants to the Colledge of Physicians London, taken from the originals, law-books, and annals, commanded by Sir Edward Alston Kt., president, and the elects and censors / made by Christopher Merret ...

Coram Judice D. Jo. Popham.

APrilis die 8. Anno Dom. 1602. Compauerunt Rogerus Jinkins & Simon Read in Aedibus Primarii Angliae Justitiarii D. Johannis Popham E∣quitis Aurati: coram ipso Judice quiritantes, de In∣juria illis illata per Praesidentem & Censores Collegii Medicorum, quorum authoritate, ob illegitimam Me∣dicinae praxin, in Carcerem conjecti sunt, ibidemque jam per aliquot septimanas detenti.

Adfuerunt ex parte Collegii per Praesidentem missi Censores tres, D. Johannes Nowell. Edwardus Lyster & Johannes Argent.

Incarceratorum causam agebat quidem Magister Harris Jurisperitus.

Judex prius sedulò perlectis iis Regni statutis, quae ad medicinam faciunt: Jinkins urgebat, ut rationem redderet cur ausus sit Medicinam exercere, licenti•• non priùs impetratâ à Collegio Medicorum? Is Pri∣mùm Praxin denegavit, Postea, urgente magis Ju∣dice, haesitanter, & ambigue respondit. Tandem me∣tuens ne Jurejurando premeretur; fassus est se ali∣quando Practicasse, idque, ut putabat, non illicitè, Quid, inquit Judex: Obtinuistine unquam Collegii Commune Sigillum? Non, inquit ille; Sed quia Chirurgus sum: & in opere Chirurgico saepe necessarius est internorum Medicamentorum usus. Respondit Judex; re ita ur∣gente, advocandum esse Medicum, atque nullo modo li∣cere Chirurgo medicum agere.

Objecit Jurisperitus Praesidentis, & Censorum au∣thoritatem non eam esse, quâ possint quenquam in Car∣cerem conjicere, ideoque à Collegio, ad alios Judices causam omnem esse promovendam.

Hunc reprehendit Judex, asserebatque validam esse, maximéque legitimam, hac ex parte Collegii authori∣tatem.

Multùm tandem conquestus est Jinkins, quòd ob ra∣ram praxin, eamque ex aliorum Praescripto, tam gravis ei Mulcta sit inflicta.

Tum Libro Annalium ostenso; Compertum est eum jam antea sexties Publicè accusatum esse, & aliquoties etiam leves mulctas subiisse. Unde Judici aequissimum visum est, ut, cum clementer tractatus, incorrigibilem tamen se praebuisset, graviori tandem mulcta premere∣tur. Et eo quòd aliorum Medicorum Praescriptis ad suam Praxin saepius sit abusus, Consultissimum putavit Judex, ut omnes Medici, Praescriptis suis omnibus, & diem mensis, & Patientis nomen inscribant unde fraus iis abutentium, faciliùs deprehendi possit.

Judex, Re auditâ; Collegiique Censurâ optimè ap∣probatâ, Jinkins denuò Carceri reddendum censuit, donec Praesidenti & Censoribus satisfactum sit.

Cumque quorundam Amicorum instantiâ rogatus est Judex, ut fide-jussoribus admissis, immunitatem illi concederet à Carcere: Non est, inquit Judex, penes me, ut hoc faciam; Legibus enim Regni, illis solum da∣tur, ut istud concedant.

Quidam qui astabat, objecit; Statuto quodam regni cautum esse, ne quis liber, Civis Londinensis, per fo∣rinsecum aliquem incarceretur. Perlectis statuti verbis, nulloque modo sensum hunc ferentibus,

Hujusmodi, inquit Judex, interpretationibus, meam etiam possitis infringere authoritatem.

These words the Lord Chief Justice said in hearing this Cause.

• 1. There is no sufficient Licence without the Colledge Seal.
• 2. No Chirurgeon, as a Chirurgeon, may practise Physick, no, not for any disease, though it be the great Pox.
• 3. That the authority of the Colledge is strong and sufficient to commit to prison.
• 4. That the Censure of the Colledge, rising from lesser mulcts to greater, was equal and rea∣sonable.
• 5. That no man though never so learned a Phy∣sician or Doctor may practise in London, or with∣in seven miles, without the Colledge Licence.

Annal. l. 1. pag. 155, 156.

Read conquestus est Collegium contra regni statu∣tum ultra 20 l. paenam erogasse, verbis statuti per∣pensis pronuntiavit Judex Collegio licere quam velint mulctam infligere, custodem tamen carceris non esse astrictum ut eum detineat si sit ultra 20 l.

Read praxin suam asseruit quod statuto regni cuivis concessum est per herbas &c. aliquos saltem morbos cu∣rare: at respondit Judex nonlicere, quoniam non ad. missus erat per Collegium.

Notes

• Medicor. prae∣scriptis Dies Mensis, cum patientis No∣mine adscri∣bendus.
• Jinkins red∣ditur Carceri.