Of the newe la[n]des and of ye people founde by the messengers of the kynge of porty[n]gale named Emanuel Of the. x. dyuers nacyons crystened. Of pope Iohn̄ and his landes, and of the costely keyes and wonders molodyes that in that lande is.

IN our lāde be also fow∣les y^e whyche that haue the maystery of all birdes of the worlde / and haue a colour lyke y^e fyer / and his wyngis kyt lyke a rasour. and this byrdes ben called Ilerion. and in alle the worlde is nomore than two. & they lyuen .iij. skore yere & then̄e they laye eggis and sytte vpon theym .xl. dayes / & as sone as they haue yonges they flee awaye / fader and moder to the zee and ther they drowne theym self. and alle tho byrdes y^t come ayenst them do them company to the zee. and as sone as the be drowned all the other byr¦des tourne ayen to the neste there they yonge byrdes ben lefte / and gyue them mete & drinke to the tyme that the can flee and nurter them selfe. &c.

¶ Yet ben there other byrdes the whyche ben called Tygris / and they be so stronge that they wyll bere or cary in theyr neste a man sytting vpon an horse all armyd fro the hede to y^e fote.

¶ Itē In our lande is also a gre¦te

[illustration]

deserte or forest therī dweleth people bothe men & wymmen the whyche haue nomore than one eye afore. and behinde they haue .iij. or .iiij. eyen

¶ Yet is in oure lande an other maner of people the whiche ete none other than rawe fleshe. & they care not yf it were of man or woman or of beestis & also the care not of ther owne deth. and as sone as there one of them dy¦eth the ere theym alle rawe / both there one fa∣der or moeder. And they saye y^t mans fleyshe is good and naturly to ete rawe / for they saye that they doe it for parte of penaunce for there synnes And they be also cursed of god / and they be called Gog and Magog And of them be no more than one maner of people of this worlde & they shall be dystributed or parted thorough all the world whan Antechryst shall come. and these same were the people or folke the whych that hadde put in prysone or in holde the great kynge Alexander of Macedonien. But for all

that he wente his way And of this people shal∣be no iugement at the dredefull day of dome ly¦ke the prophete sayeth. ¶ Nescio quis. &c.

But neuertheles thonder and lytenynge shall come fro heuen and bourne theym all in poder And whan that we haue ony enemyes thanne gyue we theym lycence to put theym downe & ete them that be ayensse vs and then make we them to tourne ageyne into there owne lande. For if they sholde abyde longe w^t vs they shuld vndo vs all & ete vs lyke as they do there owne propre folke.

[illustration]

¶ And yet is there another ma¦nere of people / the whyche ha∣th rownde fete lyke an horse / & also they haue .iiij. sharpe cla∣wes behynde at there Heles. Wherew^t they strongely fyght that there is no manere thyng can stōde ayenste them / nether harnayse / yrone / nor stele they passe all thorowth / & this peo∣ple gyue vnto vs great trybu∣te. & they be also without dow∣te great labourers.

¶ Yet is there a nother smale lāde in a parte of that same forest aforesayde / and it is .xlij. dayes Iourneyes longe. And it is called Feminie the great. And in that same lāde there be thre Que¦nes without all other landes / thowe that holdē

there been of these quenes forsayde And whan these quenes shall goo to felde / then eche of thē hath .iij. hondered. M. wymen and all in har∣neyse / with out all the other women the whych that caray vytayle with carte horse and also w^t olyfauntes. And these women be very manly in fytynge and hardy. ¶ And in this same lan∣de may come no men but .ix. dayes in the yere and no lenger / and than they haue conuersaciō and felysshyp with the men and nomore of the hole yere. For if the men there wolde abyde the women shulde them slee all.

¶ And this same lande is closed all aboute with a water called Cyphon comynge our of para∣dyse And in this same lande may come no man without a great shyp or a great barke.