The martiloge in englysshe after the vse of the chirche of salisbury [and] as it is redde in Syon, with addicyons.

¶ Addicyons.

¶ The feest also of saynt Salomon / sone vnto kynge Dauid / y^t after his grete synnes & ydolatry came vnto grete repentaūce / and for a notable penaūce / he caused hymselfe to be drawen as a thefe or traytour thrugh y^e stretes of Ierusalem vnto y^e solempne temple that he hȳselfe had made / & there he brought forth .vij. roddes & charged .iiij. offycers of y^e lawe to bete hym w^t those roddes as longe as they might last / whiche to do they refused / sayenge they wold not lay violent hādes vpon the oynted man of our lord. Than he hymselfe syttyng as kyng in iudgemēt / fyrst deposed & put downe hym selfe from his kyngdom / & than he bette hymselfe na∣ked w^t the sayd roddes tyll they were spent / & after w^t

lowde voyce he sayd. Christus purgauit pctā illius et exaltauit ineternū cornu eius: & dedit illi thronū regni et sedē glorie israel. That is to saye. Chryst hath pur∣ged & clensed his synnes / & hath exalted his power for euer / & he hath gyuen vnto hym the trone of his kyng¦dom / & the sete or restynge place of the glory of israell. The feest also of saynt Iesus syrake a {pro}phete of grete sanctite & wysdom / & a doctour of the lawe & ruler of y^e people / borne in Ierusalem / & he made the boke called in scripture ecclesiasticus. The feest also of saynt Ma∣ry a virgyn / whose syrname was consolatryce or con∣forter / a mayde of hygh perfeccyon & many myracles / & lyeth at verona where she was borne. The feest also of saynt Iust a martyr / y^t was sone vnto saȳt Iustyne and had many reuelacions / & after he was heded / his tongue spake / w^t many other myracles. In englond as lyncolne y^e feest of saynt Hugh a chylde / y^t by the iewes that tyme there dwellyng / was stolen & put vnto all y^e paynes of Chryst & crucyfyed / whose holy body wolde not abyde in the erth / ne in the water / ne ony where be hydde vnto y^e tyme it was foūde & knowen / & they ex∣pelled. In englonde also the feest of saynt Kenede that was lame borne / & therfore he was cast in to a ryuer / whiche ryuer caryed hym in to y^e see / & y^e see cast hym vpon a roche in to an ylelonde / where he was fedde & brought vp by an aūgel / & he was of singuler holynes & many wonderous myracles / & in y^e tyme of saynt Da¦uid. The feest also of saynt Exsu{per} a bisshop & cōfessour that cured y^e blynde & lame / expelled euyll spirytes / w^t many other grete myracles. The feest also of saynt Io¦saphat the kynges sone of ynde / whose legende is of a grete length / & full of notable myracles. The feest also

of many other holy sayntes / martyrs / confes. & virg.