Page 47
FOrma deam fecit Cypriam, coelo{que} locavit,
Laude pudicitiae facta Diana dea est:
Juno Jovis consors, morum gravitate celebris;
Pallas ab ingenio nobile nomen habet.
Si meruere suis coelum virtutibus illae,
Nonne Metellana est nomine digna deae?
Quam genus & genius decoravit & inclyta forma,
Promeruit{que} suâ quae pietate polum.
Nostra suas igitur conferre prioribus audent
Secula, concedant jamque priora novis.
QƲae super egressa est sexus mentemque, modumque,
Heu Metlana perit, si periisse potest.
In sua qui sperant redituras corpora mentes,
Metlanam nor ánt non potuisse mori;
Sed novus exuviis ophis ut revirescit ademptis,
Sic manet hanc posito corpore vita nova.
NAturae in pulchrâ vis ingeniosa puellâ
Cernitur, artificis grande refulget opus.
Si mentem imbutam quis religione requirit,
Hanc verâ excultam si pietate notet,
Non aliam, hunc animum, formam decuisse videbit,
Nec formae huic alium competiisse animum.
Ʋtque prius sancto capiebat pectore coelum,
Nunc capitur coelo, perfruiturque Deo.
CRescere quis sacras potuit sperare Sorores,
Aut aliquid majus post Helycona dari?
Instituisse novem fert ur Boeotia Musas,
Reddidit at numerum Scotia nostra parem.