¶The .xi. letter begynneth with. M.
¶Millefolio minor.
MIllefolio minor is an her∣be that is called the lesse Myl∣foyle, there is no dyfferēce of kynde nor vertue betwene myl¦foyle the lesse, and Mylfoyle the more, saue ye more groweth in gardaynes, and the lesse in wylde places they be both of one strenght. ¶The vertue of this herbe shall be declared in Mylfoyle the more folowynge by lettre.
¶Mercurialis.
MErcurialis is an herbe ye men cal Mer∣curye. ¶The vertue of this herbe is yt he is good yf a man haue akynge in his wōbe gyue hym to drynke the ioyce and he shall be hole,* 1.1 it wyll clense the stomacke, and the sede wyl do the same.* 1.2 Also the ioyce tempred with whyte wyne is good to hele sore iyes, and yf a worme or other vermyn haue bytten a man,* 1.3 take the ioyce and warme it, & wasshe it. Also yf there be any wormes cropen in to a mānes eres, take the ioyce and warme it & put it in to his eares,* 1.4 & he shall be hole, this is hote & drye.