Here begynneth the first volum of sir Iohan Froyssart of the cronycles of Englande, Fraunce, Spayne, Portyngale, Scotlande, Bretayne, Flau[n]ders: and other places adioynynge. Tra[n]slated out of frenche into our maternall englysshe tonge, by Iohan Bourchier knight lorde Berners: at the co[m]maundement of oure moost highe redouted souerayne lorde kyng Henry the. viii. kyng of Englande and of Fraunce, [and] highe defender of the christen faythe. [et]c.

¶ Howe the prince made a supper to the french kyng the same day of the batayle. Cap. C .lxviii.

THe same day of the ba∣tayle at night the prince ma∣de a supper in his lodgynge to the frenche kyng and to y^e moost parte of the great lor∣des that were prisoners: the prince made the kynge and his son / the lorde James of Burbone / the lorde John̄ Darthoys / the erle of Tankernyll / therle of Stampes / therle Dampmartyne / the erle of Grauyll / and the lorde of Pertenay to syt all at one borde: and other lordes / knyghtes / and squi¦ers at other tables. And alwayes the prince ser∣ued before the king as humbly as he coude / and wolde nat syt at the kyng{is} borde / for any desyre that the kynge coulde make: but he sayd he was nat suffycient to syt at the table with so great a

prince as the kyng was / but than he sayd to the kyng: sir for goddessake make non yuell nor he∣uy there, though god this day dyde nat consent to folowe your wyll / for sir surely the kynge my father shall bere you asmoche honour and amy∣te as he may do / and shall acorde with you so re¦asonably that ye shall euer be frendes to guyder after. And sir me thynke ye ought to reioyse tho¦ugh the iourney be nat as ye wolde haue had it / for this day ye haue wonne the hygh renome of prowes / and haue past this day in valyantnesse all other of your partie. Sir I say natte this to mocke you: for all that be on our partte y^e sawe euery mannes dedes ar playnly acorded by true se〈…〉〈…〉 to gyue you the price and chapelette.

Therwith the frenchemen began to murmure and sayde among thēselfe: howe the prince had 〈◊〉〈◊〉 nobly / and that by all estimacion he shul¦de proue a noble man if god sende hym lyfe / and to perceyuer in suche good fortune.