The life of the Most Reverend Father in God, James Usher, late Lord Arch-Bishop of Armagh, primate and metropolitan of all Ireland with a Collection of three hundred letters between the said Lord Primate and most of the eminentest persons for piety and learning in his time ... / collected and published from original copies under their own hands, by Richard Parr ...

LETTER CCXXXII. (Book 232)

Reverendissimo in Christo Patri, ac D. D. Jacobo Usserio Archiepiscopo Armachano, at{que} totius Hiberniae Primati, Isaacus Basirius S. D.

DA veniam interpellanti, Reverendissime in Christo Pater; Siquidem id ago impulsu Cl. Christoph. Justelli. Is inpraesentiarum apparat Codicem preciosum, qui inscribetur Geographia, Sacro-politica, &c. in quo Suburbicariae priscae, adeò{que} Dioeceseon veterum singularum Origines de∣lineantur, at{que} justi Termini figuntur. In eo opere stipulatus ego sum ab eo unum integrum Caput in honorem Dioeceseos Britannicae, & liber∣tatis ibidem Ecclesiasticae vindicias; captâ scilicet ab viii^o Canone Con∣cilii Oecumenici Ephesini 1. occasione splendidâ. Annuit huic meae Sti∣pulationi vir doctissimus, & Antiquitatis (praecipuè Ecclesiasticae) secun∣dum tuam Paternitatem callentissimus. Quinetiam, meo rogatu, Epis∣copatum ipsum asserere spospondit, & ni mutet sententiam, re ipsa im∣plevit: nam Episcopatus Natales arcessit ab ipsâ Apostolicâ Aetate. (Ae∣tate, inquam; nam de Authoritate inter nos nondum convenit.) Ad haec, (sub spe Restitutionis in integrum, quam tandem implere digne∣tur D. O. M.) eum exoravi, suum uti opus praeclarum inscribat Regi nostro Sereniss. Magnae Brit. Monarchae. Quid multa Ipsa est in parato Epistola Dedicatoria: Cui succedit Praefatio in qua tuae Reverendissimae Paternitatis mentionem inseruit planè honorificam, uti par est. Istud to∣tum

tantum non sub Praelo. Interea temporis rogavit me vir Cl. te uti suo nomine at{que} cum debitâ veneratione salutarem, simùl{que} unicum scru∣pulum à te eximi sibi efflagitarem: Scilicet, dum versabat ille tuum de Antiqu. Eccl. Britannic. datum tractatum, (quem à temet sibi trans∣missum gratus recordatur) Incidit inibi in mentionem Johan. Scholasticl Epiphaniensis cognominati; cui tu videris attribuere quandam Cano∣num Collectionem MS. in qua asseris fuisse insertos Canones Concilii Carthaginensis contra Pelagium. Ait vir doctus visos equidem à se duas Canonum 〈 in non-Latin alphabet 〉〈 in non-Latin alphabet 〉 Johan. Presbytero Antiocheno Scholastico attribu∣tas; in quibus isti Canones Carthag. neutiquam comparent. Huic suae dubitationi tuum Responsum humillimè postulat Cl. Justellus; ac insu∣per tui istius Codicis MS. (Si is fortè tibi praesto est & eundem commu∣nicare non gravaberis.) Usuram petit tantisper, at{que} eundem ad te remit∣tere incolumen in sese recipit. Ego autem, si apud te forem tanti, memet tibi supplicem adjungerem, illum uti tu digneris tuo velut Celeusmate accendere ad bonum opus, tuis{que} eundem hypomnematibus in rem prae∣sertim Britannicam, ditare. Vale, Reverendissime in C. P. ac D. & ig∣nosce 〈 in non-Latin alphabet 〉〈 in non-Latin alphabet 〉, sed & Ecclesiae vestratis Filio observantissimo, at{que} propter eandem exulanti hîc etiamnum in Patriâ. Datum Raptissime Lutetiae Parisiorum vi^o Eid. Feb. Anno ultimi temporis CLCLCCXLVIII.