Page 464
LETTER CLXXV.
Admodum Reverendo in Christo fratri. D. Ludovico de Dieu, Ecclesiae Lugduno-Batavae Pastori dignissimo.
Leydam.
Salutem in Christo Jesu.
COnsilium tuum de Syriacis Ephraemi in lucem proferendis valdè mihi probatur. Ad editionem illam adornandam tres codices per Hubnerum nostrum ad te deferendas curo, manu satis eleganti descriptos. In ipso primi vestibulo occurrunt, qui in publicâ vestrâ Bibliothecâ asservantur, de Humilitate & de Resipiscentiâ Tractatus: in ejusdem quo{que} libri fine repetiti: adjecto initio sermonis in festum Palmarum quem vos habetis integrum. In eodem volumine Hymnus de Monachis & Eremitis extat, qui in publica; nec non de Gog & Magog, at{que} alter de Amore doctrinae tractatus, qui in privata D. Golii habetur Bibliothecâ. Illa verò de amore doctrinae Paraenesis ordine conscripta est Alphabetico: (quod in Goliano apographo non vide∣tur à librario fuisse animadversum, qui à voce 〈 in non-Latin alphabet 〉〈 in non-Latin alphabet 〉 eam est exorsus) ac jam pridem habetur edita, non Latinè solùm, in Ephraemò Gerardi Vossii; sed Syriacè etiam, in Isaaci Sciadrenfis Rudimento Syriaco, quod Romae An∣no 1618. ex Maronitarum Collegio prodiit, in quo & hoc, & aliud Ephrae∣mi Canticum legitur, cujus initium; Lux quae orta est justis.
Tabulae Chronologicae Thesauro secretorum inserta Graecorum supputa∣tionem & ipsae sequuntur: sed annotata simul Hebraeorum diversa numerandi ratione. Aliae autem sunt à Canone illo Chronographico, qui Syriaco Pen∣tateucho subnexus est: in quo notatio illa, quae authoritatem 〈 in non-Latin alphabet 〉〈 in non-Latin alphabet 〉 Hebraicae praefert veritati, à Graecae potius quàm Latinae Ecclesiae addicto Monacho profecta fuisse videatur. Verùm de hâc annorum 〈 in non-Latin alphabet 〉〈 in non-Latin alphabet 〉 Pa∣triarcharum 〈 in non-Latin alphabet 〉〈 in non-Latin alphabet 〉, in Chronologicis nostris (Deo favente) plenius diffe∣rendi aliquando dabitur occasio. Ad Gotteschalchum verò nostrum quod attinet: novam illius editionem tantisper differendam censeo, dum subsidia ad eam locupletandam ex Gallia mihi promissa accepero.
Doctissimum Salmasium sedem inter vos fixisse gaudeo. Scripsisse eum ad∣versus Joh. Morini exercitationes, literis superiore Februario Lutetia ad me datis significatum est. Sed neque illius (si qua edita) ne{que} ipsius Simeonis de Muys Responsionum adhuc videre contigit: quanquam desiderii nostri impatientiam aliquantum hîc linierint eruditissimae tuae in aliquot Samaritani Pentateuchi loca Observationes; at{que} illa in Genes. x. 19. inprimis. Ubi Do∣sitheum haeresiarcham (Hebraicae lectionis apud Samaritas corruptorem) non id solùm fefellit, quòd angustam Cananaeorum acceptionem à latiore, sed etiam quòd Terrae Israëliticae (à Cananaeis olim insessae) terminos ab Imperii Israëlitici finibus nesciverit distinguere. Propria enim Israëlitarum patria erat Canaaena illa latior, in qua tribus quae{que} sedem suam sortitò obtinuit, pulsis inde septem Cananaeorum nationibus (Act. 13. 19.) universi verò po∣puli Israëlitici Imperium, suorum armis Deinceps propagandum, hinc us{que} ad ingressum Aegypti, inde us{que} ad Euphratem protendebatur, quos am∣plissimos imperii hujus limites. 1 Reg. 4. 21. invenimus designatos: ubi in omnia regna, à fluvio us{que} ad limitem Aegypti, imperium Salomon habuisse dicitur, fluvio nimirùm Euphrate, Syriae Zobaeae limite, quem pater illius David subjugaverat (2 Sam. 8. 3. x. 19.)