Hier begynneth the book callid the myrrour of the worlde ...

How the mone receyueth dyuersly her lyght and clere∣nesse capitulo ¶iiij^o

SYth that ye haue vnderstond what it is of the daye and of the nyght / wille ye thenne after see the fait of the mone / And how she receyuyth lyght of the sonne / She receyueth lyght in suche maner that she is contynu∣elly half full in what someuer place she be / And whan we see her round / thenne we calle her full / But how moche the ferther she is fro the sonne so moche the more we see of her apparayl / and whan she is right vnder the sonne / Thenne she apperithe not to vs / ffor thenne she is bytwene ther / the and the sonne & thenne she shyneth toward the sonne and toward vs she is alle derke / And therfore we see her not / But whan she is passed the poynt and is remeuid fro the sonne / thenne begynneth her cl••renesse to appere to vs as she were horned / and so moche as she withdraweth her fro the sonne somoche more apperith she shynyng / and thenne whan she apperith to be half ful of lyght / thenne hath she gon a quarter of her cercle / whiche is the fourthe parte of her torne and cours that she goeth euery moneth and thus alleway her clernesse encreacyng and growyng she goth til she be alle rounde fayre and clere in semblaū∣ce of a rolle / and that we calle the ful mone / Thenne is

she right vnder the sonne as she may be right ayenst the sight in suche wyse that alle her lyght is torned toward vs / Thenne is therthe bytwene the sonne & the mone / so that we may not see them bothe vpon therthe / but right li∣til / but one of them may be seen / ffor whan that one goth doun in the west / that other ariseth in the eest / & soo at euen or morn may bothe be seen but not longe / ffor that one goth vnder therthe & that other cometh aboue / Thenne the mone whiche hath ben opposite of the sonne & hath goon half her cours thēne she goth on that other side approchyng the sonne / & begynneth to lasse her light & mynusshe it til it be but half agayn / & thenne hath she gon thre quarters of her cercle / & is thenne as nygh̄ the sonne on that syde / as she was at the first quarter on that other syde / & so ap∣procheth ner & ner til she appere horned as to fore / & thus

[illustration]

she goth til she be al failled that we may see nomore thēne of her / ffor thēne is she vn∣der the sōne as ye may see by thys present fygure / & I saye nomore herof / but that she is thēne bytwene y^e sonne & therthe