Hier begynneth the book callid the myrrour of the worlde ...

Here after bygynneth the seconde partye of this present book / and declareth how therthe is deuyded and what par∣tye she is enhabyted / capitulo ¶p^o

SYth that the erthe is so lytil as ye haue herd here 〈◊〉〈◊〉 ••••re deuised lytil maye we preyse the goodes therof vnto the regard of heuen / lasse than men do donge ayenst fyn gold / or ayenst precyous stones / how wel that in then∣••e that one and that other shal be of no valewe / But for somoche as we beyng in this world vs semeth that the erthe is moche grete we haue declared to yow as wel the roundenesse as the gretenes to our power and that shortly Syth we haue vnderstande how the erthe is rounde on all partes as an apple / Neuertheles it is not enhabited in alle partyes whiche is wel knowen / of no peple of the world / And it is not enhabited but in one quarter only lyke as the philosophres haue enserched / whiche put for to knowe it grete trauayll and estudye / and therfore we shal deuyse it al aboute in foure partyes / of whiche ye may take ensample by an Apple / whiche shal be parted by the myddle in foure parties right of lengthe and of brede by the core / And pare a quarter / and stratche the parell for to see and vnderstonde the facion in playn erthe or in your hande /

[illustration]

ANd in the ende of this lyne / lyke as she gooth right by ly∣ne / we may see a cyte whiche is cal∣lyd Aaron / it is sette in the myddle of the world / and was made all roūde There was foun∣den first Astrono∣mye by grete studye / by grete maistrye / and by grete dilygence / This place Aaron is named the ryght

mydday as she that is sette in the myd••le of the worlde / that other heed of this lyne / whiche gooth right toward the lyfte syde / is callyd septentryon that is to saye north / and taketh his name of the vij sterres / and torneth toward another sterre that ledeth the maronners by the see / In that other lyne that is in the myddle / whiche the south cutteth in the ende toward the eest / as the Auctours saye is paradys terrestre / where Adam was in somtyme / This place is callyd Oryent / that is to saye cest / ffor fro thens co∣meth

[illustration]

the son∣ne / whiche ma∣keth the day a∣boute the world And that o∣ther heed is cal∣lyd Occydent / that is to saye weste / ffor the∣re the day fayl∣leth and wexith derke / whan the sōne goth doun there / thus and by this reson be named thefou∣re parties of the world /

of whiche the first conteyneth the eest The seconde the wes∣te The therde the south / And the fourthe / the north / And this that we enseygne you / ye may see by this figur•• to fo∣re on that other syde /

THise iiij parties that I haue declared to you / whiche ben sette in a quarter of alle the erthe of the world ought to haue a round fourme / ffor Raison and nature gyue that alle the world be rounde / And therfore vnder∣stande ye of this quarter as it were alle roūde / Now ma∣ke we thenne of

[illustration]

this quarter a cercle that is al round & al hool / and late vs set∣te in the myddle of this lyne that sheweth the ••••st and the weste for to sette the par∣ties in her right as this presente figure that here is represented sheweth to you playnly /

Affter late eche partye be torned toward his name in therthe / of whiche eche shal be the fourth parte / and

this present fy∣gure

[illustration]

is enseyg∣nement and de••monstraūce cer∣tayne and tre∣we without ony variacion ne doubtaunce /