To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
GOd fourmed the world alle rounde. lyke as is a pelette / the whiche is al round / and he made the he∣uen al rounde whiche enuyronneth and goth round abou∣te the erthe on alle parties hooly without ony defaulte /
alle in lyke wise as the shelle of an egge that enuyron∣neth the white al aboute / And so the heuen goth round aboute an ayer / whiche is aboue thayer the whiche in la∣tyn is called hester / this is as moche to saye as pure ayer and clene / ffor it was made of pure and of clere purete / This ayer shyneth nyght and day of resplenduer perpe∣tuel / and is so clere & shynyng / that yf a man were aby∣dyng in that parte / he shold see alle / one thinge and other And alle that is fro on ende to the other also lightly or more / as a man shold doo here bynethe vpon the erthe the only lengthe of a foot or lasse yet yf he had nede / Alle in lyke wise I saye to yow / who that were there / he myght see al aboute hym aswell ferre as nygh̄e / the ayer is so clere and nette / Of this hester thangels taken their bodyes & their wynges / whan our lord god sendeth them in messa∣ge hether lowe in to therthe to his frendes / whan he wyll shewe to them ony thynge / And therfor seme they to be so clere to synful men in this world / that their eyen may not suffre the resplendour ne beholde the grete clerenes / as they that ben ful of obscurte and derknes / that is to saye of synnes and of inyquytees of whiche they ben replenesshid And it happeth oftymes / that whan thangels ben comen to ony man in ony place by the wyll of god for to saye & shewe their message / that whiles thangele speketh to hym He falleth to grounde as he were a slepe or in a traunce / And hym semeth he hereth not the worde of thangele but as he dremed / And is muct without spekyng / vnto the tyme that thangele repayred agayn / Thenne whan he was awaked / and comen agayn to hym self / he remembrid wel
the sayeng of thangele / and what he hadde shewd to hym / Thus I saye you for trouthe that no bodyly man / may not susteyne for to see hym in no manere / for so moche as a man is made of heuy matere Ne no byrde ne fowle be he neuer so stronge ne so well fleyng may not suffre to be there / but that hym behoueth to come doun as sone as a stone / tyl that he come in to thayer where he may repryse his fleyng / yf he were not abasshid to descende / ffor there may nothing abyde / but yf it be thinge espirituel̄ / ne may not lyue there / ffor nomore than the ffysshe may lyue in this ayer where we ben in / ne susteyne hym / but right soo∣ne muste dye / and shortly perisshe / but yf he be contynuel∣ly nourisshid in the water / All in like wyse I say you of vs / ffor we may not meue in this ayer perpetuel ne lyue ne dwelle there as longe as we haue the body mortall /