For as moche as late by the comau[n]dement of the right hye [and] noble princesse my right redoubted lady my lady Margarete by the grace of god Duchesse of Bourgoyne Brabant [et]c. [...] as to the historie of Iason [...]

¶ Howe the kyng Appollo arryued at the porte of Sta / rille. And how he departed secretly fro the king Serath̄ and arryued at the yle of Colchos & of his deth̄ and how the kyng Serath̄ confessid Appollo to be a god

WHan the kyng Appollo was allone on the see as sayd is· he abandon̄ed him vnto the fortune of the wyndes & of the waters confyeng and trusting in the ḡce of the goddes. And his fortune was suche. that he arry∣ued at the porte of Starille a cite of the royaume of Pyre And there fonde that the kyng Philitenus laye there pas∣sing seek / And then̄e wente to him· and after the Reue∣rences made. recounted to him fro point the poynt all that was befallen to him & his peple / how that they had fonde the yle that the goddes had {pro}mised to him. and how they had made the cite / & how they had made him king & how ze∣chy{us} & his felaws deyde in the yle of colchos / how zethephi{us} had

conspired ayenst him. how he had made his sone pherix king And how he was departed thens allone. The king Phi∣liten{us} had moche meruaile of these thinges. And made grete chere to Appollo after his power· but anon̄ after he deyde & after him succeded in his royame a sone that he had whiche was named Serath̄ / Then̄e whan Appollo sawe that Serath̄ was obeyed king of Pyrre / he cam to him on a daye to take leue for to retorne into his coūtre. but Se∣rath̄ wolde not that he sholde departe / And required him Instantly that he wolde vse the remenaūt of his lyf with him. Appollo excused him and toke leue yet ones. but in no wise serath̄ wolde accorde therto. And whan Apoollo sawe this & felte that he might not long lyue / he departed thens on an euen so secretly that no man knewe til on the morn. and then̄e on the morn they knew it by the report of one of his knightes / whiche certefied him that he hadde mette & recoūtrid him in a place that he named

INcontynent that the king Serath̄ vnderstode these tydinges. he was sore trobled / for he louid parfaitly Appollo / And forth̄with̄ he toke his hors and in enten∣cion to bringe him agayn / he rode after him acompany••d of two goode knightes of his court / but he coude neuer ou∣take him til that he was come into the yle of colchos where he foūde him passing seek and labouring in the extreme draughtes of deth̄. The anoye of kyng Serath̄ redoubled whan he sawe and foūde Appollo in this estate and wept Then̄e the king Appollo defended him that he sholde go no ferther into the yle of Colchos for to conquere the moton or shepe of golde. And syn recom̄anded him to the Goddes

And that don̄ expired his lyf. for whiche deth̄ the king Serath̄ & his knightes were terribly sory· And conclu∣••ed that they wolde bere the body into their coūtrey / & ma∣ke for him a fayr and riche sepulture / and then̄e they gar∣nisshed the body with̄ grete foyson of candellis for to wa∣ke that night / but whan hit was aboute mydnight & that all the lumynaire brende aboute the body of Appollo· Alle wente out & quenchid sodaynly / And then̄e must the king Serath̄ & his knightes wake the remenaūt of the nighte without ony light or clerenes wherof they had grete mer∣uaile· And on the morn whan the daye apperid it happend that they foūde not the body of king Appollo. but in the place where they had left it the daye to fore / they foūde an awter of cristall passing c••ere / vpo•• whiche was an ymage of fyn golde so quikly made after the facōn of Appollo. that it semed {pro}prely his persone. wherfore the king Se∣rath̄ seeyng this My••racle knelid doun on bothe his kne∣es to the erthe to fore him & worshipped it / And then̄e he herde a voys that said to him. Serath̄ seke not Appollo but among the goddes / he hath̄ praid for the & for al them that shal come to th̄is sepulcre / and therfore knowe thou that thou shalt haue goode fortune. and all they that shal come hether by goode deuocion shall haue answere of thyn∣ges that they shal demande / & here with̄ the voys made si∣lence. and the kyng Serath̄ confessid then̄e openly that with̄out errour appollo was a god· after these th̄inges he dide do make in the honour of him a temple en signefieng al that he had seen & herd to ben trew / & fro then̄e forth̄on the grekes were acustomed to come to this temple fro fer coūtre

to worshipe him & diligently demande & enquire of their des∣tinees· And among alle other Peleus wente theder as sayd is. And thus endeth̄ the hystorie of Appollo and his faytes. And now I wyll retorne for to speke of the faytes and vaillyaūces of the noble & preu Iason / for that is our principall matere