Publii Terentii Carthaginiensis Afris poëtae lepidissimi comoediae sex Anglo-Latinae in usum ludi-discipulorum, quo Feliciùs venustatem linguae Latinae ad sermonem quotidianum exercendum assequantur / a Carolo Hoole ... = Six comedies of that excellent poet Publius Terentius, an African of Carthage, in English and Latine : for the use of young scholars, that they may the more readily attain the purity of the Latine tongue for common discourse / by Charles Hoole ...

Actus V. Scen. 3.

Pamphilus, Simo, Chremes.

P.

QUis me vult? perii, pater est.

S.

Quid ais, omnium?

Ch.

Ah, Rem potius ipsam dic; ac mitte malè loqui.

S.

Quasi quicquam in hunc gravius dici possit. Ain' tandem, civis Glycerium est?

P.

Ita praedicant.

D.

[line 5] Ita praedicant, ò ingentem confidentiam! Num cogitat, quid dicat? num facti piget? Vide num ejus color pudoris signum usquam indicat? Adeon' impotenti esse animo, ut praeter civium Morem at{que} legem, & sui voluntatem patris, [line 10] Tamen hanc habere cupiat cum summo probro?

P.

Me miserum!

S.

Hem: modóne id demum sensistj, Pamphile? Olim istuc olim cùm ita animum induxisti tuum, Quod cuperes aliquo pacto efficiundum tibi; Eodem die istuc verbum vere in te accidit. [line 15] Sed quid ago? cur me excrucio? cur me macero? Cur meam senectam hujus solicito amentiâ? An ut pro hujus peccatis ego supplicium sufferam? Immò habeat; valeat; vivat cum illâ.

P.

Mi pater?

S.

Quid, mi pater? quasi tu hujus indige as patris. [line 20]

Demus, uxor, liberi inventi, invito patre. Adducti qui illam civem hinc dicant: viceris.

P.

Pater, licétne pauca?

S.

Quid dices mihi?

Ch.

Tamèn, Simo, audi.

S.

Ego audiam? Quid ego audiam, Chreme?

Ch.

Attamen, dicat, fine.

S.

Age, dicat, sino.

P.

[line 25] Ego me amare hanc fateor; si id peccare est, fateor id quoque; Tibi, pater, me dedo; quidvis oneris impende, impera. Visne uxorem ducere, hanc vis amittere? ut potero, feram: Hoc modò te obsecro, ut ne credas à me allegatum hunc senem. Sine me expurgem, atque illum huc coràm adducam.

S.

Addu∣cas?

P.

[line 30] Sine, pater.

Ch.

Aequum postulat, da veniam.

P.

Sine te exorem.

S.

Sino. Quidvis cupio, dum ne ab hoc me falli comperiam, Chreme.

Ch.

Pro peccato magno paululum supplicii satis est patri.