De vita et rebus gestis nobilissimi illustrissimique principis, Guilielmi ducis Novo-Castrensis, commentarii ab excellentissima principe, Margareta, ipsius uxore sanctissima conscripti ; et ex Anglico in Latinum conversi.

7. De Educatione Ipsius.

FUit Educatio Domini mei Ortu suo dignissima; Nobilis natus, nobiliter educatus. Ad Scho∣lasticam Eruditionem Animum non magnopere ad∣junxit. Missus enim Cantabrigiam, in Collegio St. Iohannis, temporis aliquantum trivit; ubi Tutores omni diligentia sua parum profecerunt, quin Ille lu∣dis quam libris plus attenderet. Pater itaque, vir sapiens & lenis, eum passus est obsequi Genio suo: Alterum vero Filium, Carolum, cujus perspexit indolem Literis aptiorem, ad studia liberalium Ar∣tium, quantum potuit, excitavit.

Inaudierat forte Carolus Pater, Adolescentem quendam, Novocastrio propinquum, emisse fundum, cum Iste eodem tempore comparasset sibi puerum Citharistam quinquaginta libris, Equum generosum eodem pretio, Canem vero libris duabus. Qua de re, subridens, dixit: Sane, si Guilielmum meum tam

avarum esse scirem, ut pecunias suas fundis emen∣dis collocaret, Illum haud dubie exhaeredare vellem. Verum enimvero Novocastrius, prae caeteris om∣nibus, ad Equos sternaces domandos, atque ad Ar∣ma tractanda ferebatur. In hac pugnandi Arte, a Carolo Patre, peritissimo sui saeculi Magistro, edoctus fuit: in illa Equitandi, diversos habuit praemonstrato∣res, & praecipue Dominum Antonium ab Equite Re∣gis, quo nemo poterat melius. Adeo autem dedi∣tus suit istis Artibus, & assidue exercitatus, ut Ip∣se cito in Magistrum scientissimum evaserit. Quo plurimum delectatus Pater optimus, spem inde con∣cepit magnarum rerum, magisque ac magis aluit: quod Filium suum & Haeredem, in via virtutis He∣roicae quam Ipse praeiisset, progressus facere natali∣bus suis atque indole dignos observabat.