cum caulibus gignuntur, exiguis aut parvis pediculis innitentes: succedente capitulo exiguo, oblongo, grano Hordei paulo majore, per medium transversim horizontaliter secto, her∣bacei ac virentis coloris; in cujus gremio circa stilum nutritivum, capsulae superiore parte de∣ciduâ, conspiciuntur plurima semina, pusilla, nigra: radix fibras habet satis crassas.
2. Portulaca angustifolia sive silvestris, C. B. P. Portulaca silvestris, Trag. Matth. Fuch. Dod. ut. Ad. Lob. Lugd. Ger. Park. Portulaca arvensis, Tab. Portulaca sponte nascens, Cord. Hist. Portulaca minor, Gesn. Hort. Cam. Portulaca silvestris minor seu spontanea, J. B. Chabr. Pas∣sim in hortis & vineis per Galliam nascitur spontanea & silvestris Portulaca, multis numeris mi∣nor quam sativa prior, tota caulibus suis terrae appressa, nec humo surgens: radice est crassiuscula sicut & ramis succulentis, multisidis: folia ungui digiti minimi fere paria, succulenta, crassa, pariter atrovirentia: flores pusilli, lutei, pentapetali, in medio muscosi: quibus singulis singulae capsulae succedunt, oblongae, per medium transversim horizontaliter sectae: quibus ablatis aut sponte cadentibus conspiciuntur plurima, pusilla semina, nigra, circastilum nutritivum. Huc per∣tinet Portulaca arvensis, C. B. P. Portulaca exigua, Cam. quae mihi videtur varietas prioris in steriliore solo nascens.
3. Portulaca minima flore albo, nobis. Haec plantula est uncialis aut biuncialis: in humidis arvis ineunte Vere foliola spissa satis pro exiguitate plantae per terram strata producit, exigua, angusta: flosculos ad nodos producit albos, pentapetalos, mense Martio & Aprili; quibus de∣ciduis succedunt minutila semina Portulacae seminibus omnino conformia & nigra itidem. Vi∣de Icones harum in Appendice hujus Sectionis.
TEMPERAMENTUM & VIRES.
Portulaca vim habet, ut author est Dioscorides, astrictoriam 〈 in non-Latin alphabet 〉〈 in non-Latin alphabet 〉 refrigeratoriam, Lob. Imposita cum polenta cum capitis, tum oculorum doloribus, ac caeteris quoque inflammationibus, itemque stomachi ardoribus & erysipelatis ac vesicae denique cruciatibus auxilio est. Succus con∣densatus cum gummi Tragachanthae & Arabico pulverisatis & in pilulas redactus plurimum con∣fert in urina cruenta. Pro cibo porro sumpta dentium stuporem & stomachi ac intestinorum ae∣stuationem fluxionemque demulcet. Erosione tentatos renes & vesicam adjuvat, ac veneris im∣petus exsolvit; simili effectu prodest ejus succus epotus, etiam in febribus efficax: valet & diu multumque cocta contra teretes lumbricos, cruentam etiam excreationem ac dysenteriam: itemque ad haemorrhoidas & sanguinis eruptiones nec non adversus sepis morsus, oculorum medicamentis utiliter admiscetur, ac intestinorum fluxione laborantibus, erosisve vulvis infunditur; quin & ad capitis dolores ab aestu ortos cum rosaceo aut simplici oleo irrigatur, eminentes quoque in capite papulas cum vino exterit. Vulneribus denique, quae ad syderationem spectant, cum polenta im∣ponitur. Vide caeteras vires apud Johannem Bauhinum pag. 679. & Dodenaeum pag. 661.