Poems, &c. upon several occasions both English and Latin, &c.
Milton, John, 1608-1674.
Antistrophe.
Ergo tu visere lucos
Musarum ibis amoenos,
Diamque Phoebi rursus ibis in domum
Oxoniâ quam valle colit
Delo posthabitâ,
Bifidóque Parnassi jugo:
Ibis honestus,
Postquam egregiam tu quoque sortem
Nactus abis, dextri prece sollicitatus amici.
Illic legéris inter alta nomina
Authorum, Graiae simul & Latinae
Antiqua gentis lumina, & verum decus.
