The contemplations upon the history of the New Testament. The second tome now complete : together with divers treatises reduced to the greater volume / by Jos. Exon.

Reverendissimo in Christo Patri, Viro incompa∣rabili [ A] JOSEPHO HALL, Episcopo Exoniensi, GILBERTUS PRIMEROSIUS S. P. D.

HEU quantum potuit terrae pelagíque parari [ B] Hoc quem civiles fuderunt sanguine dextrae

Gallorum? Sed paci intercedit inurbanae frontis homo URBA∣NUS VIII. Pontifex Romanus; qui

Exhalans foedos foedo de pectore ructus,

bullante diro cruore BULLA, ferocibus minaciis venosâ, & saevâ adulatione tumente, optimo Regi, sed praepropero ac fervido in Martem ingenio, in fidissi∣mos cives, qui nisi fuissent non esset ipse, funesta inflat classica; BREVI que grandiloquo & cruento sub Annulo Piscatoris asperrimam studiis belli gentem iterum in brevia & Syrtes civilis, hoc est, creperi & periculosissimi belli, cere∣brosus & imperitus Nauclerus adigit & impingit: nullâ Regis, nullâ Regio∣num [ C] omnium facile Reginae,

Quas Sol exoriens curru fugiente vaporat,

nullâ Religionis majore curâ sed magis ut Regi & Regno anxias & inexplica∣biles sollicitudines conficiat; ut humanissimos cives, non in piscatoria PETRI navicula

—lentos incurvans gurgite remos,

Evangelici hami felici piscatu ex undoso turbarum civilium salo Piscator homi∣num humaniter ducat ad salutem, sed in ANTICHRISTI praetoria navi guber∣nacula tenens, BULLARUM & BREVIUM enormi harpagone Pirata nefarius Christianos inhumaniter praedetur ad caedem. Ut solenni Pontificum Roma∣norum [ D] more, quod in Urbium densis vicis à grassatoribus nocturnis fieri amat, belli facem accensam in vicina Regna conjiciat, ut bonis civibus ad eum re∣stinguendum undique discurrentibus, ille impunè trahat, rapiat, populetur, foedet, conculcet omnia; & ardente Christi Ecclesiâ, immanissimi Neronis de∣cessoris sui instar, laetificum cum Spintriis suis Trojae pereuntis excidium canat:

—sic sua quemque Inscribit facies.— Verum—Ut multos mensésque diésque, Non tamen aetatem tempestate hac scelerosi Laetabuntur.

Nam ecce quàm opportunè Tu, Praesul Amplissime, coelestis & infracti pe∣ctoris [ E] fervente robore, Romanum illum miserandae sortis onagrum in arce Tar∣peiâ stabulantem, & sono intempestivo rudentem, styli tui acumine, veluti cla∣vis & fustibus, compescis: Tu Bestiae bipedis è limo & è fimo erepentis lunata cornua elegantis libelli malleo retundis: Tu rufo Draconi

Aere ciere viros, Martémque accendere cantu

nimis quàm bono, incestum & clamosum os suggillas: Tu Papam superbien∣tem, & sublime caput coelo audaci nisu inferentem, cujus ad nutum

Intereunt, labuntur, eunt rursum omnia vorsum,

modestissimo scripto humilitatem & modestiam doces: Tu marculum, qui duri robora ferri in Orthodoxorum perniciem [ F]

Multorum magnis tuditantium ignibu•• tundit,

Cyclopum Polyphemo extorques, & pausam tuditandi facere jubes: Tutre∣pidantia jampridem BALYLONIS moenia à coenosis magni illius exitialium men∣daciorum architecti congesta caementariis,

—Qui nihil amplius unquam

[ A] Quàm commune lutum è paleis, coenúmque aceratum Rugosi passique senes eadem omnia quaerunt,

variorum librorum multis vigiliis feliciter elucubratorum, velut oscillo penduli impetus hactenus arietasti, vexasti, dissipasti: Tandem, optimae notae libello, non ad ostentationem sed ad utilitatem composito, & mitissima responsione, sulphareas omnium calamitatum fornaces, quas NEBUCHADNETSAR Roma∣nus adversus Christi Confessores immitissimo edicto accendi jubet, pro virili tua parte à Christi Ecclesia prohibes & depellis: Tu Leonum famelicorum dentes, quos indomitae illius belluae consiliarii atque administri in Danielis no∣stros exacuunt, Verbi Divini forfice comprehendis, concutis, & confringis;

[ B] —Quos ille indocilis pacísque boníque,

omnium malorum Fecialis & Pater Patratus, Principes rerum potentes in arma feralia exequiali & tragico carmine movet & protrudit: Tu pacis aeternae prae∣co ab armis discordibus revocas, & ad piam Christi pacem, Christianaeque Charitatis tranquillum portum fortiter occupandum, suavissimae scriptionis dulci & docto celeusmate fidus celeustes provocas.

Frustra omnia, illum si spectes qui,

Nequam & magnus homo, laniorum immane' canes ut,

distento & fulmineo rictu Christianorum sanguini inhiat, cuique cibus cada∣vera, potus cruor est: quibus dum se ingurgitat, toto orbe Christiano tristibus [ C] ululante plangoribus, ille laetis ululat triumphis, Io Paean, Io Triumphe nobis obganniens, velut

Gallinaceu' cum victor se gallus honestè Sustulit in digitos, primorésque erigit ungues,

Coquelico canorâ voce in fimeto occinit. Ut illa Meretrix purpurata, Marty∣rum sanguine ebria, quae Reges quos philtris suis intoxicavit, BULLARUM acu∣leatarum majoribus stimulis in cruda adversum Christum praelia suscitat; ut ille desperatae salutis homo, peccati & per ditionis Filius, tuum illud RESIPI∣SCE discat, spes nulla superest.

Nam si TU hos fluctus undásque è gurgite salso [ D] Tollere decrêris, ventum prius haematicum TU, Ventum, inquam, tollas.

Illi enim neque est cor quo paveat, neque jecur quo amet, neque fel quo sibi irascatur, neque frons quâ erubescat: Illi Ganeae, illis ingluviosis quibus cin∣gitur raso capite ministris,

—solis vivere fas est Occipite caeco,—

& edictis vetare,

—ne quisquam hic faxit oletum,

& sacra capita reprehendat.

Nam vos Romulidae vobis ignoscitis, & quae [ E] Turpia Cerdoni, Papam sacrósque decebunt Presbyteros.

At Tu, Antistes Dignissime, eos liberâ ad URBANUM responsione liberas doces audire voces, & ingratiis discere, in Anglia & mutire fas esse, & sine scrobe altâ voce exclamare, Auriculas Asini Papam & Cardinales habere.

Quantum autem ego fideli erga me amicitiae tuae debeam, Reverende Pater, quod mihi homini privato tantus Eruditione, Pietate, Dignitate Praesul, Re∣sponsionem illam inscribere voluisti, nec rudi calamo exprimere, nec linguâ inexplanatâ expromere, nec impari mente consequi possum: Scilicet, ut Epi∣scopum decet, tui semper similis es, id est optimus; Honores novos adeptus ve∣terem [ F] amicitiam non deponis, & magnus licet sis, omniumque bonorum votis minor, ad minima te demittis.

Quod verò electissimum Scriptum meo arbitrio stare aut cadere, prodire aut latere, malignâ ignis flammâ extingui, aut praeclarâ doctorum luce frui, publici juris, aut in mei solius bonis esse jubes; id verò Modestiae est tuae, quae inter mul∣tas & claras Virtutes quae in te maximae sunt & clarissimae, in scriptis, in voce,

in vultu, in oculis, in composito mentis habitu, in tota vita tua fulgentibus [ A] micat radiis, velut inter ignes Luna minores. Macte istâ morum suavitate, quâ operto vivens ostio, facta tua omnia ad Pietatis & rectae Rationis obrussam exigis: Macte isto viri boni charactere, qui

Index ipse sui totum se explorat ad unguem, Quid proceres, vanique ferat quid opinio vulgi Securus.

Teque ipsum semper verens, omnium quotquot te novere, quique tuos in scriptis & nitida oratione pellucentes mores vidêre, amorem tibi conciliasti. Macte iterum atque iterum praeclarae Eruditionis gloriâ, altissimâ rerum Divi∣narum & Humanarum scientiâ, literatissimis variarum disciplinarum monumen∣tis, [ B] quibus tibi jure merito jucundi & nervosi Oratoris, Christiani Senecae, cla∣rissimi & doctissimi Theologi nomen comparasti;

Quod vivet seclis innumerabilibus.

Sed age, eat

Qui dono meus est bonus libellus, Qui Auro est carior aureus libellus:

Eat pedibus celer per Alpium aeternis horrentium nivibus invias rupes, per Apennini ardua & praerupta juga viam sibi faciat, Arcem Sanctangeli velox conscendat; Angelo Satanae, Urbi 〈 in non-Latin alphabet 〉〈 in non-Latin alphabet 〉 securè procul extra teli jactum incubanti in faciem narret, esse in Anglia Episcopos haud paucos, qui inhumanae [ C] & infestae pecori lupae, sub ovina pelle Regibus & populo Christiano Romae horrendae lac ferinum immulgenti, personam alienam detrahere, bestiam ovium sanguinis sitientem à Christi caulis arcere; Ecclesiae laeta & pura pascua à turpi spumantium Aprorum dente, & foedo lutulentarum Suum rostro pura & inte∣merata conservare; Aesopicam corniculam PETRI & PAULI plumis in∣solescentem furtivis coloribus nudare; Cuculi Romani, qui Christianos omnes pro Currucis habet, ova in ipso Dei Templo posita pertundere; Meretricem Babylonicam Christiani nominis cerussâ & minio fucatam traducere, & possint, quia Doctissimi, & velint, quia Integerrimi, & faciant, quia Vigilantissimi. Atque ut odor illa morte in mortem sit quia RESIPISCERE dedidicit, [ D] denuncietut tota men te atque omnibus artubus contremiscat, appetente jam die illo decretorio quo ardebit BABYLON, Meretricis magnae negotiatores & adulteri omnes lugebunt, Diabolus mundi seductor, Bestia & Pseudoprophe••a in stagnum ignis & sulphuris praecipites abibunt, aeternas justè irato Numini poenas daturi; Filiumque perditionis

Dignus principio exitus exodiumque sequetur.

Interea temporis, veni, Domine Jesu, veni: Antichristum se truci in unctos tuos rabie efferentem comprime: Hostibus tuis, qui asperum paternae castiga∣tionis tuae vinum nobis plenis cyathis educendum dedêre, acinosas & pannosas indignationis tuae faeces plenis doliis exhauriendas invitis & reluctantibus por∣rige: [ E] Captivam Sionis Filiam ferreo Aagyptiacae servitutis jugo oppressam libe∣rali causa manu assere: LUDOVICI Regis fulgentes hastas, coruscantes enses, arma mortali fulgore crispantia, tormentorum bellicorum horrisona ful∣mina in ipsum Pseudoprophetam & lutosos BABYLONIS muros converte, ut fatidicum vatem veri, nescium, sua sibi mala laevâ mente verè profatum esse pudeat & poeniteat: Ecclesiis transmarinis solidam pacem subdolis ereptamar∣tibus restitue: Damna nos voti, & hanc quâ Major Britannia tuo solius benefi∣cio fruitur pacem & tranquillitatem nobis fidam, posteris verò nostris perpe∣tuam praesta: Huic autem aureo libello da ut vivat vigeatque Antichristo Principum invidiam conflaturus, Ecclesiae tuae almam pacem coagmentaturus: [ F] Ejusque autori largire beneficus, ut vitâ honestissimè & sanctissimè in terris actà, coelo potiatur, ubi tecum

Immortali aevo summa cum pace fruatur.

AMEN.