Centuria epistolarum Anglo-Latinarum ex tritissimis classicis authoribus, viz. Cicerone, Plinio & Textore, selectarum : quibus imitandis ludi-discipuli stylum epistolis familiarem facilius assequantur / a Carolo Hoolo ... = A century of epistles, English and Latine : selected out of the most used school-authors, viz. Tullie, Plinie and Textor ... / by Charles Hool ...

33. C. Plinius Pompeio Falconi suo S.

1. COnsulis an existimem te in Tribunatu causas agere decere.

2. Plurimum refert, quid esse Tribunatum putes; ina∣nem•• ••bram, & sine honore nomen, an potestatem sacro∣sanctam, & quàm in ordinem cogi ut à nullo, ita ne à se deceat.

3. Ipse cùm Tribunus essem, erraverim fortasse, qui me esse aliquid putavi, sed tanquam essem, abstinui causis agendis: primùm, quòd deforme arbitrabar, cui assurgere, cui loco cedere omnes oporteret, hunc omnibus sedenti∣bus stare; & qui jubere posset tacere quemcunque, huic silentium clepsydrâ indici; & quem interfari nefas esset, hunc etiam convitia audire; & si inulta pateretur, iner∣tem;

si ulcisceretur, insolentem videre.

4. Erat hic quoque aestus ante oculos, si forte me ap∣pellâsset, vel ille cui adessem, vel ille quem contra inter∣cederem, auxilium ferrem, an quiescerem, sileremque, & quasi ejurato magistratu privatum ipse me facerem.

5. His ràtionibus motus, malui me tribunum omnibus exhibere, quàm paucis advocatum.

6. Sed tu (iterum dicam) plurimum interest, quid esse tribunatum putes; quam personam tibi imponas, quae sapi∣enti viro ita aptanda est, ut perferatur.