Systema cosmicum autore Galilæo Galilæi ... in quo quatuor dialogis, de duobus maximis mundi systematibus, Ptolemaico & Copernicano, utriusque rationibus philosophicis ac naturalibus indefinitè propositis, differitur ; ex Italica lingua Latine conversum, accessit appendix gemina, qua SS. Scripturæ dicta cum terræ mobilitate conciliantur.

INTERPRES LECTORI. S.

ARisparchum Samium ferunt, apud Areopagi∣tas, à Cleanthe sacrilegii postulatum, quod Vestae Sacra sollicitasset. Terram moveri asserens. Ejusmodi Cleanthes nec nostro desunt aevo, qui Coper∣nicanae Hypotheseos assertoribus violatarum religio∣num dicam scribunt, in eamque rem aliqua SS. Scri∣pturae loca male detorta promunt, nescii, Sacros Co∣dices uti sermone hominum, ut intelligi possint, eaque occasione naturalium rerum species visui occurrentes, unde sermo hominum ortus, obiter solùm & aliud agen∣tes attingere: quod facturi nihilominus essent, etsi de visus deceptionibus, hominibus omnibus omnino con∣staret. Sanè cùm nec ipsi Astronomi suam scientiam in id excolant, ut sermonem vulgi mutent unde & sta∣tionis Planetarum, & retrogressionis, & id genus aliarum nomina vocum à re discrepantium ultro re∣tinent: quanto minus exigendum erit à Scripturis divinitus inspiratis, ut repudiata vulgari loquendi consuetudine, verba sua ad scientiae Naturalis amussim appendant, abstrusisque & importunis locutionibus, de rebus ultra captum erudiendorum, populum Dei simpli∣cem perturbant, eaque re viam ipsis ad scopum suum genuinum longe sublimiorem intersepiant?

Porro de popularibus istiusmodi S. Scripturae lucu∣tionibus. Astronomicae Physicaeque Veritati non op∣ponendis,

amplius admonebit adnexa Galilaico scripto duplex haec appendix, prior ê Iohannis Kepleri intro∣ductione ad Martem excerpta: posterior. Epistola Pauli Antonii Foscarini, quam nobilissimus, & omnis exquisitioris doctrine scientissimus juxta sitientissi∣mus{que} DAVIDES LOTAEUS, cùm ab Ita∣lica peregrinatione redux, apud me divertisset, à se Latine conversam liberaliter mecum communicavit. His fruere. Lector benevole, nostrumque Veritatis propagandae studium proba, & qua potes juva. V.