VIRO Ornatiss. Literatiss. Amiciss.
T. F.
In Sphaeram pro Xenio Missam 〈 in non-Latin alphabet 〉〈 in non-Latin alphabet 〉.Hē tēs anthologias anthologia Florilegium epigrammatum græcorum, eorumque latino versu à varijs redditorum / authore Tho. Farnabio.
About this Item
- Title
- Hē tēs anthologias anthologia Florilegium epigrammatum græcorum, eorumque latino versu à varijs redditorum / authore Tho. Farnabio.
- Publication
- Londini :: Apud A.M. pro Christophero Meredith ...,
- 1650.
- Rights/Permissions
-
To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
- Subject terms
- Epigrams, Greek.
- Cite this Item
-
"Hē tēs anthologias anthologia Florilegium epigrammatum græcorum, eorumque latino versu à varijs redditorum / authore Tho. Farnabio." In the digital collection Early English Books Online. https://name.umdl.umich.edu/A40902.0001.001. University of Michigan Library Digital Collections. Accessed May 16, 2024.
Pages
IAnus recurrens, temporum mutat vices,
Nascentis anni cardinem & pulsat novum.
En Farnabaeus non sinit frustra diem
Labi (secundus nulli amore, aut artibus)
Sed dona donis, versibus versus manu
Addens amicâ, celebrat & festum; & suos
Officio abundè munerum grato colit.
Page 63
Jam quartus agitur annus, ut fructus tui
Percepi amoris: copiam primùm herbulae,
Accensa fumo quae caput purget grave;
Pretiosa pellis tum decorabat manus;
Ornabat aurum tertio articulum loco.
Nunc Sphaera varias Solis ostendit vias:
Et Musa semper docta muneribus praeest.
Verbis rotundis, sensa dum mentis studet
Exprimere amicae; spargit eximias notas,
Quae quémque proprio circulum gyro indicent.
Utrinque frigent punctulis suis Poli,
Quos arctiori circinus claudit pede;
Tum spatia Solis lata panduntur vagi
Quâ ridet aestas, bruma quâ glacie riget:
AEquator altâ medius arbiter it vîâ.
Obliquo & illum tramite Zodiacus secat.
Ars mira certe; nescias dignus magis
Sit laude, primus circulos qui prodidit,
An linearum tale qui addidit decus.
Callere numeros hunc scias coeli & modum.
Dat cuncta, qui dat tanta; nec mundus tenet
Majora: restat, quod rependatur nihil.
Zonam at remitto; Sphaera nam plures dedit:
Quâ temperatâ cupio te semper frui.
Accinge te, lux clara vatum, flos togae,
Mentesque fidas vinculum hoc certum liget.
Sin rete mavis dicier; tu me capis:
Hoc rete tendens, capere te lubens volo.