A perfect copy of all summons of the nobility to the great councils and parliaments of this realm from the XLIX of King Henry the IIId until these present times with catalogues of such noblemen as have been summoned to Parliament in right of their wives, and of such other noblemen as derive their titles of honour from the heirs-female from whom they are descended, and of such noblemens eldest sons as have been summoned to Parliament by some of their fathers titles / extracted from publick records by Sir William Dugdale, Kt. ...

REX venerabili in Christo Patri Th. eâdem gratiâ Archiepiscopo * 1.1 Cantuariensi, totius Angliae Primati, Salutem. Licèt nuper pro quibusdam arduis & urgentibus negotiis nos, statum & defensionem Regni nostri Angliae, ac Ecclesiae Anglicanae contingentibus; & prae∣sertim pro eo quod nobis videbatur, quod Charissimo Filio nostro Principi Walliae versûs partes Walliae ad rebelles nostros inibi punien∣dos destinato, tantò successus prosperior in praemissis agendis arrideret, quantò nos cum Consilio, posse, & sufficientiâ Dominorum, Proce∣rum, & Magnatum, ac Communitatis dicti Regni, ejusdem Filij no∣stri & suorum gubernationi & praesidio foremus propriores, quoddam Parliamentum nostrum apud Gloucestriam quinto decimo die Februarij proximò futuro teneri ordinaverimus & haberi. Quia tamen suffici∣enter informamur; quod nonnulli inimici nostri Franciae, & alij sibi adhaerentes, cum non modicâ armatâ Navium, & grandi posse homi∣num ad arma, super Mare, quasi in ore Thamisiae existunt; & quam plures Naves ligeorum nostrorum de die in diem insequuntur, quos∣dam eorundem hostiliter capiendo & fugando, & indies capere & fu∣gare non desistendo, etiam tam ligeos & amicos nostros de partibus Vasconiae cum eorum Navibus, Vinis, Bonis, & Mercandizis jam ve∣nientes, aliosque ligeos & amicos nostros in aliis partibus exteris cum eorum Bonis & Mercandizis existentes, quò minùs ipsi idem Regnum nostrum cum hujusmodi Navibus, Bonis & Mercandizis suis ingredi; quàm alios ligeos nostros in eodem Regno nostro existentes, ne ipsi extra idem Regnum nostrum cum Navibus, Bonis, & Merchandizis suis ad commodum suum inde faciendum egredi valeant, impediunt, & perturbant perperam & iniquè; & tam Regno nostro Angliae, quàm Villae & Marchiis Callesiae mala quae poterunt, nisi eorum maliciae ce∣lerius resistatur, inferre, & facere proponunt & intendunt: unde ex parte Mercatorum dicti Regni nostri nobis est cum maximâ instantiâ requisitum; ut pro eorum defensione & succursu in hâc parte, ne ipsi finaliter pereant & destruantur, velimus celeriter providere: Nos prae∣missa debitè ponderantes; ac considerantes damna & pericula, quae, per absentiam & elongationem propriae personae nostrae, ac Dominorum & Magnatum dicti Regni nostri, à partibus istis verisimiliter evenire possent (quod absit) & insuper qualiter praedictus filius noster cum e∣jus retinentiâ ac posse Comitatuum dictis partibus Walliae adjacentium, de quorum fidelitate plenam fiduciam optinemus, ad dictos rebelles nostros Walliae castigandum, puniendum, & (favente Domino) con∣questandum satis suffultus & munitus existit; volentes pro salva∣tione & defensione Regni nostri praedicti, ac ligeorum & amicorum nostrorum praedictorum contra maliciam inimicorum nostrorum circumquâque providere; ac pro eo quod tam nobis, quàm Praela∣tis, Magnatibus, & aliis de Consilio nostro nobis assistentibus vide∣tur, quòd pro praemissis ac pro commodo nostro & Regni nostri, nec∣non

pro commodo, & quiete Dominorum & Communitatis Regni nostri praedicti, nullus locus pro Parliamento istâ vice tenendo, quàm apud Westm’, ubi circumquâque tam victualia, quàm alia necessaria prae caeteris aliis locis magis habundant & obtinentur, melior seu ap∣tior reperitur; maximè cùm nos, ad resistendum maliciae inimicorum nostrorum praedictorum pro eorundem celeriori expugnatione & de∣structione, in propriâ personâ nostrâ intendimus proficisci; dictum Parliamentum nostrum, ex causis praedictis, usque diem Lunae in primâ Septimanâ Quadragesimae proximò futurum, de avisamento Consilij no∣stri praedicti, duximus prorogandum, & idem Parliamentum nostrum apud Westm’ eodem die Lunae teneri volumus & haberi; Et ideo vo∣bis in fide & dilectione, quibus nobis tenemini, firmiter injungendo mandamus; quòd, consideratis dictorum negotiorum arduitate & pe∣riculis iminentibus, cessante quâcunque excusatione, dictis die & loco personaliter intersitis nobiscum, ac cum caeteris Praelatis, Magnatibus, & Proceribus praedictis, super dictis negotiis tractaturi, vestrúmque Consilium impensuri: Et hoc, sicut nos & honorem nostrum, ac sal∣vationem & defensionem Regni & Ecclesiae praedictorum, expedi∣tionémque dictorum negotiorum diligitis, nullatenus omittatis: Praemunientes Priorem & Capitulum Ecclesiae vestrae Cantuariensis; ac Archidiaconos, totúmque Clerum vestrae Diocesis; quòd iidem Prior & Archidiaconi in propriis personis suis; ac dictum Capitulum per unum, idémque Clerus per duos Procuratores idoneos plenam & sufficientem potestatem ab ipsis Capitulo & Clero divisim habentes, dictis die & loco personaliter intersint, ad consentiendum hiis, quae tunc ibidem de Communi Consilio ipsius Regni nostri (Divinâ favente clementiâ) contigerit ordinari. Teste Rege apud Westm’ 9. die Fe∣bruarij.

Notes

• * 1.1

  De prorogatio∣ne praedicti Parliamenti ad Westmonasteri∣um.