De secretione animali cogitata authore Gulielmo Cole, M.D.

PRAEFATIO.

SEcretionum theoriam vel pede sicco transiliunt authores, vel per transennam solummodo, & generaliore sermone leviter attingunt; saltem nemo palam ex professo de na∣turae in iis peragendis methodo disse∣ruit: quanquam inter ea inter eximia, quae in humano corpore praestat, oper a nullum, me judice, occurrit cognitu dignum magis, immo necessarium. Nec enim sanitatem conservari, nec morbos, vel sat is intelligi, vel artis ope averruncari posse mihi videtur, nisi quâ arte separentur succi aliquatenus exploratum fuerit; quandoquidem illa à debitâ, horum vero maxima pars à prohibitâ, vel inidoneâ, isto∣rum segregatione pendeant. Quin haud ullum aliud invenire datur, quod vel magis familiare est, vel naturae

mathesin plus prodit. Nisi enim pe∣renni opera nervis suus suppeditaretur liquor, brevi de animalibus muniis actum foret: nisi assidue sanguinis recrementa demerentur, crasis ejus horum redundantiâ usque adeo vitia∣retur, ut lampadi vitali sustinendae haud par esse possit: nisi secretionis ope iis jugiter subveniatur, cito pes∣sundarentur coctiones prae fermento∣rum defectu, quae nisi à sanguine, aliisve ex eo paratis succis, suppedi∣tentur, idque hujus ministerio, haud facile explicari potest unde suam tra∣hant originem. At ex materiae secre∣tae contemplatione, quae variis in par∣tibus tam varia cernitur, at ad de∣signatos usus exacte proportionata, quin & placidissime, & facillimo ne∣gotio, ut nulla oeconomiae animalis per∣turbatio senttatur, secedit, satis patet, cuncta huc spectantia ad matheseos

regulas exquisite concinnata esse; cum nisi vasorum structura ad has qua∣dret, atque agentia eodem ritu vires suas exerant, tales nequaquam pro∣duci possint effectus.

Hinc apud me statui penitius, si quà liceret, istorum mysteriorum ra∣tiones scrutari; quanquam vereor an satis fausto omine, cum absterrere me∣rito possent tantorum quos, ut superio∣ra sileam, hoc seculum protulit, viro∣rum silentium, densaeque, quibus in∣volvuntur hujusmodi speculationes, tenebrae; cum neminem lateat, & quam in profundo res ista transigatur, & in quantam minutiem redacta sint vasa, in quibus celebratur, ut omnem vel perspicacissimorum, & quantâcun∣que arte adjutorum, oculorum aciem effugiant. Quo vero securius in tam praepeditâ viâ dirigantur gressus, haec mihi, ut potui, servanda proposui.

Primo, Naturae methodum simpli∣cissimam esse, & simili prorsus ritu institui, ubi similia designat opera. Quod exinde elucet, quod nullam re∣rum, quae sub sensum cadunt, speciem invenire datur, quin singula ejusdem individua (nisi impedimentum ali∣quod interveniat) pari constituen∣tium partium structurd fruantur. Quodque pleniorem fidem facere pote∣rit, Animalium (perfectiorum sal∣tem) utcunque specie distinctorum pauca (fortasse nulla) occurrunt, quae non quoad internam mechanicen cete∣ris omnibus (quantum distincta, ad quae fabricantur, munera patiuntur) quam maximam analogiam gerunt. Nec enim voluit summus ille Naturae, & simplicissimus, Architectus alias, operibus suis moderandis, sancire le∣ges, quam quae originem suam refer∣rent, Archetypumque indigitarent.

Secundo, Corpus humanum, non secus ac cunctorum animantium, me∣chanico plane more construi, singulas∣que, quae in eodem peraguntur, actio∣nes (exceptis iis quae ad animam im∣mediatius spectant) mechanice omni∣no praestari. Id quod nemo non sibi facile persuadebit, qui fabricam cor∣poris (qualis tum ex veteribus, tum praesertim nuperis, inventis Anato∣micis apparet) variamque succorum lustrationem pensitaverit; unde & de ceteris, quae sub sensum non cadunt, conjecturam ferre pronum est, illi maxime, cujus mentem sanioris Phi∣losophiae (quae tam claro jubare hoc aevo renidet) praeceptainbuerunt.

Tertio, nil asserendum, quod in∣dubitatis Naturae Phaenomenis adver∣satur, nec ullos, vel partibus, vel li∣quoribus, usus assignandos, qui non to∣tius corporis oeconomiae respondeant;

ne vel stat as naturae leges reseindere, vel novas ipsi indicere velle censea∣mur.

Dum ad hanc Cynosuram conceptu•• meos dirigere conor, si forte minus fe∣liciter rem explicavero, caepti veniam tamen ab aequis rerum aestimatoribus habiturum me non despero, quandoqui∣dem hinc forsan altioribus ingeniis ad negotium hoc solidius excolendum an∣sa dabitur: quam quidem eo fiden∣tius mihi spondeo, quoniam praefracte nihil, aut pertinaciter, hac in re assero, sed Hypothesin tantum, à longo sane tempore à me animo volutatam, lima∣tioribus aliorum judiciis trutinandam propono. Neque enim hanc meam, sive hypothesin, sive opinionem, tam perdi∣te depereo, quin eam mehercule repu∣diaturus sim, aliamque lubens merito vel superinducturus, vel à quocunque allatam amplexurus, modo ejusmodi

sit, quae magis Naturae legibus con∣sentaneam, & ad Phaenomena solven∣da accommodatiorem sese exhibuerit.

Interea monendus Lector est, tra∣ctatulum hunc, parum omnino immu∣tatum, ante biennium prelo destina∣tum fuisse, id quod complures non me∣diocris notae & famae, juxta ac doctri∣nae, viri testari possunt, qui sub illo tempore perlegerunt: Cujus rei ideo mentionem facio, ne, si forte aliqua ex iis quae tanquam (mihi) nova hic tradita sunt, ab aliis post illud tempus typis mandata fuerint, plagii, quod horreo, notam ••ihi quis inurat.

At redarguent, auguror, nonnulli, inter alia censuram forsitan motura, quod Philosophico hoc aevo, in quo tan∣topere experimentis statur, scribens, aliorum fere solummodo observatis Anatomicis insistam, conjecturis vero aliquanto liberius hic illic utar. Ve∣rum

his reponere liceat, eo evectam esse stupendâ Anatomen hoc seculo exercentium industrià, corporis cogni∣tionem, ut quamvis multa adhuc de∣tegenda superesse haud inficias ive∣ro, nec proinde prorsus dogmatice a∣gendum esse censeam; licere tamen putem tales ex iis quae jamjam reper∣ta sunt, deductiones elicere, quae ad aliqualem operationum naturae expli∣cationem faciant. Quod cum à ne∣mine, quod ad praesens subjectum, ex professo factitatum observaverim; haud prorsus ingratum, quibusdam saltem, opus praestiturum sensi, si meas hâc basi licet nixas, super isthac re proponerem conjecturas, aliasque af∣fines (at cunctas rationibus ubique, quales quales eae sint, stipatas, nec prorsus, confido, probabilitate omni destitutas) quandoque attexerem, in∣que methodum, quanquam minus forte

accuratam, utpote meam, redigerem. Interea si haec arrisisse comperero, for∣san imposterum, ubi per negotia li∣cuerit, daturus sum operam, ut cultio∣ra & experimentis auctior a prodeant, fortassis & alia subsequantur. Sin errasse me quis ostenderit, sicut me non ingratum monstranti praebebo, sic saltem aliquid solaminis attulerit, Magnis ausis excidisse.