Clievelandi Vindiciæ, or, Clieveland's genuine poems, orations, epistles, &c. purged from the many false and spurious ones which had usurped his name, and from innumerable errours and corruptions in the true copies : to which are added many never printed before, with an account of the author's life.

Oratio habita in Scholis Theologicis, cùm Moderatoris partes ageret.

QVae cum ita sint, Auditores, liceat tan∣dem perorare, Piladi dabo ut bodie in∣saniam, & tum finitus Orestes. Quod Reges solent, ubi satietas illos mundi ceperit, Coe∣nobium intrare ut seipsos dediscant; per∣inde de nostro ingressu in hasce Scholas judi∣cate. Penitet nostrae nugacis facundiae, & in severiori hujus loci genio remedium quaero. Nec tamen sum ex illorum numero qui sapiunt in gratiis, qui gravitatem complectuntur, ut continentiam Senes, qui cum ulterius peccaere nequeunt, resipiscunt. Spadonum est haec vir∣tus; ingenia casta, quoniam non mascula; ac si Statuta nostra, sicut Turcarum Mulieres, non alios agnoscerent Custodes praeter Eunu∣chos. Pudet haec opprobria nobis dici. Sunt qui ingenio ingenium debellant, qui ex ferra∣tis Stymphalidum pennis desumunt spicula, quibus ipsas aves, vivas illas pharetras, in∣terficiunt. Hujusmodi cum audiam Tripodum Oracula, & ambiguos Vates, exemplo praeeun∣tes ingenium, quod Orationibus insectantur. Video Catonem sui ipsius lacerantem viscera; Video Demosthenem proprio Calamo pereun∣tem. Ad quid autem, dicit aliquis, hispida

haec rerum facies? Ergóne defluet comptior Eloquentia, ut barbae squallor dominetur? Absit omen! Regnet quidem Gravitas, sed citra striatam frontem & Vultûs Tyranni∣dem, nè sit instar Sileni Alcibiadis, ita in∣tùs Numen ut extùs appareat Demogorgon. Qui in Oratore odit foeminae mollitiem, fasti∣dit magis agrestes villos; qui denudat aures Rhetoricis cincinnis, extirpat radicitus gena∣rum sentes: Neque enim illi accedo, qui con∣sultus de optimo Rhetore respondit Statuta A∣cademiae. Liber noster non stat in catenis reus eloquentis criminis, sed tanquam Tyri∣us Apollo ideo constringitur, nè suam gra∣vatus servitutem mutaret Dominum. Faci∣lis à libro ad Respondentem transitio, quos cum ambos simul cogitem, nescio an gemellos rectè nominarem. Gemelli; corpora si respi∣cias sunt unius Divortium, si animas unio duorum, quasi vulnus à Natura factum amore mutuo erat coiturum. O quam studet illam Naturae Diaeresin resarcire, qui cum libro non indulserit Nasum; prohibere tamen nequit quin typis mandetur! ea enim est ejus cum literis communio, ut literato ejus cumulo vel hunc unicum librum addere, erant qui superfluum credidere. Vultis omnia? tam e∣ruditus est noster Respondens, ut vereor ne tanquam Cataphractus miles, onustus potius, quàm munitus literis videatur. Sed incas∣sum

ego molior; surge tui ipsius Encomium; ego enim (tanquam pictum velum, aut ex∣pansum carbasum) spectaculum policeo••; tuum est, Scaligeri verbo, monstrum perfectionis ostendere.