Clievelandi Vindiciæ, or, Clieveland's genuine poems, orations, epistles, &c. purged from the many false and spurious ones which had usurped his name, and from innumerable errours and corruptions in the true copies : to which are added many never printed before, with an account of the author's life.

Oratio Salutatoria in Adventum Il∣lustrissimi Principis Palatini.

Serenissime Comes Palatine.

SI Archetypam corporis vestri elegantiam possem transcribere, & Orationem meam tanquam venustatis Metaphoram à vestro vul∣tu deducere, ita Imaginem vestram aemulis encomiis exprimerem, ut qui spectatum ve∣nias, venires spectandus, & unicum esset Io∣hannense spectaculum teipsum tibi ostentare. Sed quoniam ad hosce solares radios caligat penitus Atheniensis Noctua, gratulor mihi me∣am inertiam, stuporem jacto: ita enim cum Sacratissimo Principe in trutinâ quadam col∣locatus sum, ut in quantum me deprimit mea humilis facultas, in tantum sursum nititur vestra sublimitas. Salve igitur, desideratis∣sime Princeps, hujus Collegii Anima, vel po∣tius omnium animarum Collegium; ita tibi singuli devoti sumus, & in obsequium ve∣strum juncta phalange omnes ruimus. Ecce tibi Majorum tuorum Monumenta! Marga∣retae coct a maenia, quae Semiramis invideat Margaretae! Henrici Septimi, & nostrûm omnium Matris; quae uno partu enixa est quot Herculem fabulantur genuisse, quinqua∣ginta Socios. Nec Tibi, Stemmatique ve∣stro

solam Margaretam debemus, quin & pa∣ternae gloriae haeres esto; Fredericum volo be∣atissimae memoriae, qui viginti abhinc plus mi∣nus annis, una cum Augustissimo Carolo tunc temporis surgente Iulo, ad hanc Margaretae Sobolem, quasi Compatres duo & Susceptores accesserunt. O quam laeti meditamur istum natalem nostrum diemque adeo festum, ut muros hosce sacro quodam minio pinxisse vi∣deatur! Ecquid huic foelicitati superesse pos∣sit? Possit, ut quod Patris splendore semel tin∣ctum▪ vestro olim foret Dibaphum; Sequeris∣que Patrem jam passibus aequis. Euge specio∣sum Principem! in quo omnium legimus Si∣mulachra Autographa; Margaretae nostrae Palladium Frederici Patris Numisma aure∣um & Matris Corneliae Ornamentum, Eli∣zabethae dulcissimae, & in vestro vuliu to∣tam Deam confessae; cujus laudes ut hodier∣num saeculum effundit, ita Posteritatis Echo reparabit: cujus mascula anima jam sexu vestitur masculo, Elizabetha Carolo. Ca∣rolo! O quam luxuriat dicendi Seges! Quam decies repetitus placebit Carolus! Carolus Caroli Sobrinus & Caroli Avunculus. O Beatissima Carolorum Climax! Macte esto gradibus Carolina scala, ut cum prae altitu∣dine suâ supremus Rex Carolus Coelos scan∣dat, novi subinde succrescant Caroli, quibus, quasi internodiis, distincta ejus aeternitas

usque & usque floreat; sic ipse sibi super∣stes Carolus, non hominum (parum illud Nestoris) sed Carolorum tres aetates vivat, Filii, Sobrini, utriusque Caroli.