¶How kynge knoght sente kynge Ed∣mondes sones both in to Denmarke to be slayne / & how they were saued.
SO it befell soone after that kyn¦ge knoght had all ye londe in his honde / & spowsed the quene Emme tho∣rugh consente of his baronage. For she was a fayre woman / the whiche was El¦dredes wyf and the dukes syster of Nor∣mandy / & they lyued togyder with mo∣che loue as reason wolde. The kynge axed vpon a daye counseyll of the quene what was best to do wt the sones yt were Edmonde Irensydes. Syr sayd she. they ben the ryght heyres of the londe / & yf they lyue they wyll do moche sorowe wt warre / & therfore lete sende them in to a strange londe a ferre to some man that may them defoyle & destroy. The kyng anone lete call a dane yt was called Wal¦gar / & cōmaūded hȳ yt he sholde lede tho two childern in Denmark / & so to do & ordeyne for them / y• he sholde neuer here more of theym. Syr sayd this Walgar / gladly your cōmaūdement shall be done & anone tho two childern he toke & lad them in to Denmark. And for as moche as he sawe that the childern were wond fayre & also meke / he had of them grete pyte & ruche / & wolde them not slee / but lad them to the kyng of Hungry for to nourysshe / for this Walgar was well be∣knowen with the kynge & well beloued. Anone the kyng axed whens the childn were / & Walgar tolde hym & sayd / that they were the ryght heyres of Englond & therfore men wolde destroye theym / And therfore syr vnto you they be come mercy & helpe for to seke. And forsothe yf they may lyue / your men they shall become / and of you they shall holde all theyr londe. The kynge of Hungry re∣ceyued them with moche honour / & lete them worthely be kepte. ¶And thus it befell afterwarde yt Edwyne the yonger brother deyed / & Edwarde the elder bro¦ther lyued / a fayre man & a stronge & a large of body & gentyll / and curters of condycyons / so that all men hym loued And this Edwarde in the Cronycles is called amonge the Englysshmen Ed¦warde the outlawe. ¶And whan as he was made knyght / the kynges dough∣ter of Hungry hym moche loued for his goodnes and his fayrnes / that she hym called her derlynge. The kyng that was her fader perceyued well the loue that was betwixt them two / and had no hey∣re but only that doughter / and the kyn∣ge vowchesauf his doughter to no man so well / as he dyde to hym that she lo∣ued so well & he her / and yaue her vnto hym with a good wyll / & Edwarde her spowsed with moche honour. The kyn∣ge of Hungry sente after all his barona∣ge / and made a solempne feest & a ryche weddynge. And made all men to vnder¦stande / that this Edwarde sholde be kynge of that londe after the decesse of hym. And of that tydyng{is} they were all full gladde. This Edwarde begate vp∣pon his lady a sone that was called Ed¦gar Helynge / & afterwarde a doughter that was called Margarete yt afterwar∣de was quene of Scotlonde. And by the