¶How Mempris slewe his brother Maulyn.
THis Mempris and his brother Maulyn stroue fast for the londe And Mempris began to regne the .xxxv yere of Dauyd. And for by cause that he was the eldest sone / he wolde haue hads all the londe / & Maulyn wolde not suf∣fre hym / so that they toke a daye of lo∣ue & accorde. And at this daye Mempris lete kylle his brother thorugh treason / & hymself afterwarde helde y• londe. And anone lete crowne hym kynge & regned And after became so lyther a man that he destroyed within a whyle all the men of his londe. And at the laste he became so wycked and so lecherous / that he for∣soke his owne wyfe and vsed the synne of Sodomy. Wherfore almyghty god was gretely dyspleased and sore wrothe with hum. And vpon hym toke vengaū¦ce for by cause of his wyckednesse. For on a daye as he wente forth on huntyn∣ge in a forest / there he loste all his men that were with hym and wyst not what he sholde do / and so he wente vp & dow∣ne hymself alone / & cryed after his men but they were gone. And there camen ••ulues anone and all to drewe hym in peces whan he had regned .xxiiij. yere. Whan his people herde that he was so deed / they made Ioye & myrthe ynough and anone made E••rac his sone kynge and he regned with moche honour.