Disertissimi viri Rogeri Aschami, Angli, Regiae maiestati non ita pridem a Latinis epistolis, familiarium epistolarum libri tres magna orationis elegantia conscripti. Quorum primo præfigitur elegantissima epistola de imitatione oratoria. Huc accesserunt eiusdem pauca quædam poëmata. Omnia in studiosorum gratiam collecta, & nunc primum ædita studio & labore Eduardi Grantæ, Schoolæ Westmon. moderatoris. Addita est in fine eiusdem Ed. Gr. oratio, de vita & obitu Rogeri Ashami, ac eius dictionis elegantia, cum adhortatione ad adolescentulos.

AD POTENTISSIMVM PRIN∣cipem Henricum Octauum, Angliae, Francie, et Hibernie Regem.

SIngula priscorum virtus fuit inclita Regum, Illustris singlis singula laus{que} fuit. Jmperij quoddam decus exornauit Atridem, Extulit Aeacidem forma manus{que} trucem. Hostes prudenter cautus praeuertit Ulysses, Consilium fluxit Nestoris ore graue. Sunt qui diuitias iactant, vt Croesus opum vim, Fortuna Caesar nixus vbi{que} sua. Aethiopes nullum Regem signare volebant, Insigni qui non corpore clarus erat. Haec Henrice tibi natura inseuerat vni In te vim cunctam fuderit illa suam. Jmperio digna est maiestas, allinit ora Digna Venus regno, forma{que} digna Deo. Consilio superas maturo quos{que} Lycurgos, Hostes perfregit aurea virga tuos. Siregem, monstret praestantia corporis, vnum, Aethiopes altrum non maluêre ducem. Fortunae nullus locus hîc, for•• exulat omnis, Hîc clauum virtus inclita sola tenet.

Post Christum in terris numen nō sanctius vllum Dignatum humanum est visere triste genus. Auspicijs huius fusa est Babilonica pestis, Quae tua vastârat, Anglia, regna diù. Pontificis fracta est Romani dira potestas. Pulsa perfidiâ, perdite Papa peris. Perdite Papa peris, tua vinclarepellimus omnes, Exhorret nomen Anglia tota tuum, Huius & auspicijs Christi sunt reddita sacra Biblia, quae tenebris delituêre diù. Hinc rectum{que}, fides{que} patent, hinc munera quaeuis Quid Rex, quid Christus, singula quid{que} sient. Nunc sileant prisci, mauortia facta, Tiranni Alcides, Bacchus, caetera turba Ducum. Alcides Iouis est, seruit tua dextera Christo, Auspice sunt Christo cuncta peracta tibi. His, tantum praestant nostri stratagemata regis, Quantum tu praestas optime Christe Joui. Jmperium{que} tuum Christus, tibi singula Christus, In gladio Christus, Christus in ore sedet. Ergò diù viuas decus & tutela Britanni Nominis, ô princeps, praesidiumque soli. Uiuas & Catharina diù, tu diua virago, Et videat Pylij secula vterque senis. Uiuat & Eduardus princeps spes altera regni Henrici patris pignora summa sui. Haec nos, haec Henrice ••••bi, gens tota precatur. Hoc studium populi suscipe quaeso tui.