¶To vttre secretes.
IN one maner onely thou ought to shew thy secretes / that is to wyte to almyghty god that knoweth al thyng / that is to be vnder¦stande / to his lyeftenaūt in erth / and other wyse not. For yf thou dyscouer it to thy frē¦de. And yf thy frēde be but lewde / & hath another frē¦de yt he loueth / to whome he telleth thy secrete / and his frende hath another frende that telleth hym the same / and so frome one to another tyll a grete meyny do knowe it / & so thy secrete may come out to thy gre¦te shame and rebuke. For whyles thou kepest thy se¦crete within the / it is sure. For thou mayst shew thy secrete to suche one that whan he knoweth it wyl do the some wrōge / and for feare that thou hast of hym yt dare not gaynsay hym leest he bewrey the. And yf thou can none otherwyse but that thou must vttre it by thy foly / and that thy stomake wyl swell for to tel it / go out of company and tell it to thy selfe as yf thou wolde tell it to another man / and thy hert wyll coole and thy stomake swage. And for ony nede that thou hast to dyscouer it / take hede to whom / but yf it be to suche one that for ony anger that thou doost to hym wyll not rebuke the wt it. And neuer lete thy neygh∣boure knowe thy nede / for therby thou mayst be the lesse set by in places where thou dwellest.