[Thus endeth the secrete of secretes of Arystotle]

¶The maner of angre.

THou oughtest not to be angry though thy brother or frēde shew the heuy chere som∣tyme / for peraduenture he hath some cau¦se wherfore he can shew the / nor other no fayre semblaunt. And this thou mayst cō¦sydre in thy selfe. For yf thou were angry thou coude shewe hym / nor none other good chere or countenaū∣ce / and so it is with hym. And yf thou hast had ony wordes with ony man / and he shewe the yll counte∣naūce / therfore yet thou ought not to be angry with hym. For perchaunce he is ••oo lewde or vnwytty of hymselfe that he can do no better / and yet he weneth that he doth wel / for euer the lewdest sheweth moost anger. For whan a wyse man is angry / he sheweth it not outwarde by his reason. A man ought more to feare the anger of a wyse man than of a foole / for the wyse man can better reuenge his angre than a foole /

howbeit that a foles angre is often comberous.