B. ¶Of dyuers meates for ye stomake.
WHā ye body is fat & full of vapours grosse meates is good for it. & of ye nourysshȳg of suche a body / ye dygestyō is grosse / & of grece quātyte for ye great heate / & va∣pours of ye body. And whā the bodye is sklneder & drye / subtyll & moyste meates be good for it. And ye dygestiō therof is of smal quātyte for ye streyt¦nesses of ye cōduytes. And it is grete wysdome & scyen¦ce for a man to vse suche meates as ben good & apper∣tenēt to his cōplex yō / that is to wyte yf he fede hym wt hote meates tēperatly. But yf the heare be to gre∣uous & brēnynge wtin the body by ouer stronge wy∣nes & hote meates / or other accydentes / thā cōtrary meates & drynkes wyl do grete ease & prouffyte yt is to wyte suche as ben colde. ¶Of the stomake.
¶Yf thy stomake be to hote thā hote & cours meates be good. For such a stomake is lyke a myghty fyre for to brēne gret weyght of logges. But whā ye stomake is colde & feble thā it is good to haue lyght & subtyle meates. ¶The sygnes to knowlege ye stomake.
¶The sygnes of a stomake yt is of an yll & weyke dy¦gestyō is whā ye body is vnlusty / heuy / & slouthful / ye face is swollē / & he yaneth oftē / & hath payne in his eyē / & bolketh often & rudely / & ye bolkyng is lowre & vnsauery / watry & stynkīg / & therby is bredde wyn¦des & swellynge of the bely & ye appetyte of mea•••• is marde. Therfore swete sone beware of meates and drynkes yt may hurte or be contrary to thy helth.