Nostōdia In serenissimi, potentissimi, et inuictissimi monarchae, Iacobi Magnæ Britanniæ, Franciæ & Hiberniæ Regis, fidei defensoris, &c. felicem in Scotiam reditum, Academiæ Edinburgiensis congratulatio.
About this Item
Title
Nostōdia In serenissimi, potentissimi, et inuictissimi monarchae, Iacobi Magnæ Britanniæ, Franciæ & Hiberniæ Regis, fidei defensoris, &c. felicem in Scotiam reditum, Academiæ Edinburgiensis congratulatio.
Author
University of Edinburgh.
Publication
Edinburgi :: Excudebat Andreas Hart,
Anno 1617.
Rights/Permissions
To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Cite this Item
"Nostōdia In serenissimi, potentissimi, et inuictissimi monarchae, Iacobi Magnæ Britanniæ, Franciæ & Hiberniæ Regis, fidei defensoris, &c. felicem in Scotiam reditum, Academiæ Edinburgiensis congratulatio." In the digital collection Early English Books Online. https://name.umdl.umich.edu/A21130.0001.001. University of Michigan Library Digital Collections. Accessed May 17, 2024.
Pages
descriptionPage [unnumbered]
[illustration]
AD IACOBVM VI Magnae Britanniae, Franciae & Hiberniae Monarcham, in Scotiam redeuntem EPIBATERION.
EXpectate diu, tandem nos numina votiDamnauêre reos, reducemque dedêre tueriQuem toties exposcitamor: nec vana tuorumSpes, quanquam longis inter suspiria curis,Anxia continuis fouit sua gaudia votis.Iam bis septenas sibi Grampius induit acriConcretas algore niues, totiesque tepentesFrigora laxârunt Zephyri, & genitalibus aurisVere nouant, syluisque comas, pratisque colores▪Orba tuo, ceu luce suâ, dum SCOTIA vultuLanguet, & offusas iam tot suspirat ab annisLuminis erepti tenebras, noctemque morantem.Te fuerit quàm dulce frui gens omnis & aetasSensit, te Proceres, te Plebs Patresque togatiSaepe redonari patriae voluêre: nec vnquamConsensu majore animi caluêre tuorumIn vota, aut studium visendi Principis ardorAcrior accendit: non sic mens aegra pauentemSollicitat matrem, longo cui distinet AusterAequore cunctantem natum, dum grata reposcitDebita depositi, & tardi spem sustinet anni:Vt nos cura tui tot jam tenet anxia lustris:
descriptionPage [unnumbered]
Dum meminisse juuat quantis praesente bearitTe tua nos fortuna bonis; quantoque soleresEloquio mulcere animos, pacemque tueriConsilio; precibus facilè placabilis irasPonere; inoffenso moderari jura tenore.Ipsum etiam natale solum patriique penatesDelitiis caruisse suis, tantaeque querunturTaedia lenta morae: campi collesque ferarumDepasti turmis, & quos indagine cinctosExercere tuis saltus sudoribus, aeuiPlenus adhuc fremituque canum, studiisque sequentumAssueras; gratis desueta laboribus, horrentLustra, suis populata feris, exesaque syluisArbuta, & arcanos nemorum squalere recessus.At nunc incolumem, & sceptris majoribus auctum,Fortunae coelique bonis, pacisque triumphoInsignem, sibi dum reddi & natalibus orisAspiciunt, posito renouant sua gaudia luctuOmnia: pubentes solito se laetiùs ornantFronde nouâ syluae; campi collesque comosoLuxuriant cultu, non sic Iunonius ales,Stellatis varios pennis discriminat orbes;Aut picturatum variat Thaumantias arcum;Multiplices mutat pratis vt Flora colores:Vnde sibi intexant crines, sertisque coronentNympharum choreae; dum te paeane canoroMontibus & syluis resonant; talemque tueriVenantem exposcunt, qualem stupuêre calentem,Lassantemque feras; sudato & puluere semperMajorem: qualem non Ossa aut Pelion ingensPelidem, Idaeus non vidit Oriona saltus.Blanda nec humanis coeli indulgentia votis
descriptionPage [unnumbered]
Concedit, Zephyri aspirant, ducuntque benignoAstra situ, vernis ridet tibi solibus aether.En vt Fortha trahens populares auctior amnesAccurrit, positisque minis, tibi murmure leniCrispat aquas, stratis cui plenior obuiat vndisOceanus, Phorci Tritonumque agmine ducto,Laetumque aequoreo perfusus nectare vultum:Quo ventos hyemesque premit, coelumque serenat.Nec Glotta his cessisse velit, vel Tueda, Taüsve,Vt possint reducem amplecti dominumque mereri.Quid populos vrbesque loquar, Proceresque PatresqueObsequiis certare piis: dum debita redduntMunia: quae magnum est nostro concedere amori;Sed majus meruisse tuum, & voluisse mereri.Cujus amor pietasque fouet, prudentia magnumImperium hoc cura solerti in pace ministrat.Quid memorem haec inter communia gaudia, quo tePriuatim studio & plausu amplexetur EDINVM;Quamque lubenti animo aspiciat, veneretur, ametque,Nascentes cui prima tuae spiracula vitaeExcepisse datum, & toties sensisse fauorem.Hinc amor, hinc justi semper reuerentia sceptri;Et quae supplicibus tibi puluinaria votisVsque colent: dum tu tantâ quos pace tuerisRespicis, & vultu praesens dignaris amico.Quid referat nescit, nisi quam cum ciuibus vrbemIam pridem tibi deuôuit, Regique PatriquePerpetuis sacret obsequiis, & numina votisSollicitet; quae tot sceptris, tantoque bonorumTe cumulo ornârunt, multos feliciùs annosIndulgere velint, & qua pietate tuerisIn terris pacem, dent tandem posse mereri
descriptionPage [unnumbered]
Aeternam coelo placidâ cum pace quietem.Nec causa Aonidum leuior vel cura sororumLaetitiae in partem assumi: quae protinus ortusExcepere tuos, tibi formauêre iuuentamEt plenos fudêre sacro de fonte liquores:Et quem Parnassi natum fouêre sub antris,Iam patrem agnoscant, praeses cui cedat Apollo,Siue modos numerare velis, siue ore solutoDucere quò libeat populos: nec parcior ipsasDextra fouet Musas: non debita praemia desuntVirtuti, aut meritis: sic te foecunda patronoIngenia assurgunt: quae tot miracula mundoFortunae praeclara tuae, non visa priori,Virtutesque aequas fortunae in saecula didant,
FINIS.
[illustration]
descriptionPage [unnumbered]
email
Do you have questions about this content? Need to report a problem?
Please contact us.