Here begynneth the kalendre of the newe legende of Englande

¶De sancto winwaloco abbate & confessore.

SEynt wynwaloco was borne in Brytayne / And his Fader herynge that ther was a place ī Armo¦ryca now callyd lytell Brytayne y^t the great syke¦nes was not in went thyder nygh by the porte callyd bre∣ste / And when a great Tempest toke theym on the See so that his Fader feryd moche / he bade his fader put his truste in oure Lorde that ruleth bothe See / and Londe addynge therto that he shulde loue hym / and feer nothyn¦ge / And that sayde anon came feyre weder / when he was at Scole where he prophyted moche in lernynge / He he∣lyd one of hys felowys that had brokyn his thyghe / And when he harde any poore man anon he wolde go to hym to do hym some good / & if he had nothynge to gyue hym

he wolde wepe for compassyon / and comforte hym with hope of eternall rewarde / Oon of his felowes that enuy∣ed hym tolde hym that he dyssymylyd hymselfe to haue mercy that he had not in dede / wherfore he thankyd out Lorde & sayde broder veryly thou haste the true Iudge∣ment in me & forthwith he helyd a blynde man that was secretly brought to hym / and when his suster hadde her eye pluckyd out of her heed with a Byrde that had eten it he toke the eye out of the Byrdys bely & put it ī her Heed ageyne and it was hoole / with the sygne of the Crosse he kyllyd a serpent that had venomyd a man / and also ma∣de the man hoole / and it is sayde that by his prayer none of the kynde of that Serpent shall come in that coūtrey He reysyd a chylde fro deth / & with his felowys he wente vppon the see into the place where he nowe lyeth / fro the age of .xxi. yerys / he neuer sate in the Chyrche / he was ne¦uer Heuy / nor Angry / neyther greatly mery / But in oon sobernes / euery daye he sayd thryse fyftye psalmes / he ne¦uer weerlynnen / nor wullen / but clothynge of getysskyn¦nes / He lyued with Barley breed myxte with asshes and dranke water / euery seconde / or thyrde daye / he laye vpō rotys & grauell / with two stonys vnder his heed he was neuer Idell fro some spyrytuell Occupacyon / the Deuyll apperyd to hym as he was in prayer ī a meruaylouse ter¦ryble sykenesse / and when he had suffred hym longe / He rebukyd hym that he soo durste trowble the seruauntys of our Lorde / and tolde hym that he shuld haue the more peyne therfore at the daye of Iudgement / and then anon he vanysshed away when he had on a tyme made a blyn∣woman see an Aūgell apperyd to hym / and shewyd hym that all the company of Heuyn desyryd that he shulde be

delyueryd fro this bodely lyfe & come to the euerlastyng lyfe / and then he bade his brederne be redye / for he sayde the .vi. houre after he had sayd masse / oure Lorde wolde take hym fro this worlde / and so when masse was doon before the hyghe Aulter / as he was holden vp bytwyxte two monkys & was syngynge with theym he yeldyd his soule to our Lorde the .v. nonas of marche about the yere of our Lorde .ix.C. and .lix. clene fro any bodely sykenes as he was clene fro bodely syn / and he lyeth in his Mona¦stery of Canraco where our Lorde shewyth for hym ma∣ny myracles / This blessyd man with seynt Egbyne tou∣chyd our Lorde in lykenesse of a Lepoure as in the Lyfe of Seynt Egbyne apperyth.