The true copye of a prolog wrytten about two C. yeres paste by Iohn Wycklife (as maye iustly be gatherid bi that, that Iohn Bale hath writte[n] of him in his boke entitlid the Summarie of famouse writers of the Ile of great Brita[n]) the originall whereof is founde written in an olde English Bible bitwixt the olde Testament and the Newe. Whych Bible remaynith now in ye Kyng hys maiesties chamber.

The. xi. chapiter.

The fyrste boke of Esdras tel tellyth, howe Cirus Kynge of Persys yafe lycence to Iewis, to turn ayen to Ie∣rusalem & Iudee & bylde the tēple of God in Ierusalē. And bade y^t other

me•…•…e in his rewme: shulden helpe to this bildinge, and he yafe the ves∣sellis herto, that Nabugodonosore had taken awaye fro Ierusalem. Than is telde the noumbre of hem that turniden ayen into Iude vnder Iosue the prieste, the sonne of Iose∣deche, and vnder Zorobobell the Duike. And howe they bygunnen to bylde the auter and the Temple, and what lettynge they hadden of enimies, and what conforte of God and of his Prophetes.

Than it is telde what sorowe Es∣dras made, for the Princis and Pri∣stes and commons token Heathen women to wyfes ayens the Lawe. And howe the Princes and the Pu∣ple repentiden mekely and veryly, & maden amēdes to Godde & men.

In the boke of Neemie, whyche is clepyd the Seconde boke of Es∣dras, is toolde howe Neemie▪ gate graunte of the Kynge to bylde the

wallis of Ierusalem. And howe he and other men boeth Priestis and other princis and comins, byldeden the yatis and walles, and lockis and touris aboue: for defence of enimies And howe the enemyes of Iewis purposiden w^t stronge hande to slea Iewis priueli, & distri here wercke. Thā halfe y^e parte of yong mē, made the wercke, & halfe the parte was re die to bataile. Wyth one hande they madē the wercke, & w^t the other they helden the swerde and eche of hem y^• bilded, was gyrde w^t his swerde. Than it suith, howe Neemie Duke of the puple dyd frely hys office: and toke no coostis assignid to the Duke And he dyd thus: for the pouertie of the puple. After thys doing, Esdras rede in the boke of goddys lawe fro the morningtide tylto noone: before the multytude of men and women, And dekenis maden scilence in the puple to heare the lawe.

And Esdras red in the boke of gods lawe: fro the fyrst daye tilto the last.

Than the children of Israel cam∣en togidyr, in fastynge and in sackis either hairis, and earth was •…•…n hem And the seed of the sonnis of Israel, was departid fro eche Alyen sonne: and they stoden byfore the Lorde, and knowlechyden here synne, and the wyckydnes of here fadyrs.

And they rysiden to gidir to st•…•…nd: and they readden in the boke of the lawe of here God. Foure sythys in the daie and foure sithis in the night: they knowlechyden and heriydē here Lorde God. And Dekenis •…•…ryeden wythe greate Uoyce to here Lorde God, and baden the Puple ryse and blesse God.

Than suyth the solemne confessiō of Esdras, howe he knowlechyde fyrste the gloriouse werkes of God: and afterwarde the horrible synnis of all the puple, and of here fadyrs.

And than al the puple made cou•…•…∣naūt & swore to kepe gods law: and to bie not in y^e Sabot & holy daie of hem that broughten vyteilis to sell.

And they byhyghten to paye the fyrste frutis to priestis: and tithis to Dekenys, and to brynge all thys to the temple of God. At the laste Nee∣mie su•…•…eryd neither Iewes neither Strayngars: sell neyther bye in the Sabottis. Not only in Ierusalem: but neither in placis nigh the wal•…•…s.

And he rebukyd and curssyd and beate menne and made hem ballyd: that tokē alien womē to here wyfs. As of Osotus, of Amō, and of Mo∣ab. And chargid hem greately in the Lord: that they shulen not yeue here doughters to the sonnys of heathen mē, & take not of y^e doughters of hea∣thē men to here owne sonis & to hem s•…•…lt. This proces of Esdras & Neemi shuld stir vs to be bysy to bylde ver∣tuis in our soule, after turnyng ayene

fro catiftie o•…•… sinne: & to fyght ayens temptatiōs, and byld faste vertuis, as they foughtē wyth the toon hōde ayens enimies, and bildidē wyth the tother honde. And we shoulden be full bisy to kepe the gostly Sabot in good werks and heriyng of God: si∣then they weren so bisy to kepe the fyguratyse Sabot.

Though the boke of Tobie is not of bileue, it is full deuout storie and profytable to the symple Puple, to make hem to kepe pacience, & god∣dis heestis, to do workis of mercie, and to teache well here chyldren and to take wyfes in the drede of God, for loue of chyldren, and not all for foule lust of bodi, neither for couetise of the goddis of the worlde. And al∣so childrē moūe learne here by yong Tobie, to be meke and obediente, & redie to serue fadir and modir in her nede. Therfore among all the bokis of the olde Testament: simple men

wyt shoulen read & heare often this boke of Tobie, to be trewe to God in prosperitie and aduersytie, and es∣chewe Idolatrie, glotonnye and co∣uetyse, and to be patient in tribula∣tion & go neuer a waye fro the loue and dreade of God. Thoughe the Seene of Clarkis, eyther generalle gaderynge of clergie, hath taken the boke of Iudith, among the nombre of holy scriptures: netheles it is not of the cannon, eyther feyth of the bi∣ble anentis Hebruis. For they recey uen not the Autorytie of thys boke. Nethelesse it was wryttē in Caldee langage: and it is nounbryd among stories, as Ierom witnesseth on the prologe. But nethelesse, thys boke cōmendith Chastitie, and Abstinēce penaūce and wydewhod of Iudith: and her loue which she hade to dely∣uer Godds puple fro here enimies, and to kepe the fayth and worshyp∣ynge of God amonge hys puple.

Also, thys boke cōmendyth thefeyth and trueth of Achior, that was con∣uertyd to Goddis lawe: by myracle and sleayng of Holofernes, by y^e hō∣dys of the wyddow Iudyth. Than Iudyth repreuide pryestys, for they temptidē God and consentydē to de liuer the Citie to enymies: if Godde sente not helpe to hem wythin Fyue dayes. And good Priestis token mekelie thys repreuing of a womā, and she taught hem how thei shoul∣dē do penaunce for this trespace: and comfortide the puple for to truste in Godde, and abyde hys mercye and helpe at hys owne wyll. Us nedyth not to excuse Iudyth for leasyngys and treason to Holofernes: but we moune fauourablye excuse her fro deadly synne in thys dornge, for the great loue y^t she had to Gods puple, and to sl•…•… Holofernes a blasphemer of God and dystrier of his lawe and puple. And iustlye Godde toke thys

vēgeaūce on Holofernes, for his sin & harinis done to Gods puple, and which he purposid to doi•…•… he might liue lōg. Of this proces, proud war riers shuldē drede God: that made proude Holofernes to be slayne of a womā, & al hys great oost scatteryd & destryed. And christē mē shuldē be comfortyde greatlye, for to haue full tryst to God and in his helpe: that so myghttylly delyuered his puple fro so greate an enimie and strong oost, wythouten perishyng of hys puple. And sythen Iudyth hadde so greate preysynge for her doynge that was medlid w^t many synnis: mych more preysynge shulē they haue in heauen w^touten end, y^t putten forth hem silfe to be martirid for Gods cause, with true meanis of patiēce & of chatitie.

The boke of Hester tellith first, howe the Quene Uasti was for∣saken for hyr pryde: and was de∣partid from the mariage of Kynge

Assuerus. And howe Hester for her meknes, beautye and Goddis grace was made quene in the styd of vasti. Also y^e trewe Mardochee, the father in lawe of adoption of thys woman Hester: taught hyr to loue God and kepe his law. And she was ful meke and obedyen•…•…e to Mardochee: yea whā she was quene, as to hyr father in lawe. Than Aman of the kynryde of Agag, cōspyred bi subtyle malice to dystrye all the puple of Iewis in the lond of Assuerus: and had graūt of the Kynge at hys owne wyll, and the daye of dystriynge and of sleaing of y^e Iewis was publishid through all the rewme. Than Mardochee and the Iewis dydden greate Pe¦naunce and n aden greate Sorowe: and prayden Godde of helpe in that greate nede. And Mardochee sent to Hester: that she shulde do the same, and go to the Kynge in peryle of her lyfe, and to axe grace of hym and re∣uokynge

of letteris & powre graūtid to Aman the enimie of Iewes. And After mich fasting, penaūce and pry∣er: Hester betoke hyr selfe to Goddis dysposytyon, and to perylle of here death, and entryd to the Kyng, yea a∣yens the lawe of the lond, whan she was not clepyd: to axe mercye and helpe of the Kynge for her selfe and all her puple. And Godde turned the fiersenes and the cruelty of the King to mekenes, mercie, and benygnitie: ayens Hester and y^e puple of Iews. And than he reuokyd y^e powr graū∣tyd to Aman: and let hange hym as he had purposyd to haue hongeyd the trewe Mardochee, and yafe ge∣neral powr to Ieues, to slea all her enimies in hys Empyre. After these thyngis, the Kyng enhaunsyd Mar∣dochee, and made hym greatest next the Kyng: and yafe greate franches and honour to the Iewes. This sto∣rie of Hester shoulde styre men to be

trewe to Godde and to hys Lawe, and put awaye Pride and Enuye, and euer tryste in God in all perylis: and Tyrauntis shoulden be aferde to conspyre ayens Gods seruauntis le•…•…te God take vengeaunce on hem, as he dydde on thys manne Aman that hadde conspired the death and generall dystriynge of Iewis

The boke of Iob, is full subtyle in vnderstondyng. For Iob arguith ayens hys enimies, y^t wolden bryng hym out of chrysten feyth: and cōclu dyth mani errouris that suen of here false byleue and opynyon. And Iob affirmyth not that allis south that he speakyth ayens hys aduersaries: but concludyth hem in here false by∣leue, that mani errours suen therof. And, for I haue declaryde in partye in the glose howe, harde sentencis of Iob shuldē be vnderstandē: therfore I passe ouyr lyghtlye nowe. Fyrste thys boke telllyth the kynne of Iob

and hys rychesses, and holye lyfe of hym and of his chyldren. And after∣warde it tellyth: what trybulatyon befell to Iob, in his cattel, in his chil dren, and in hys owne body, & how patiently he suff•…•…yd this, and thanc∣kyd Godde in al hys dyseases. That his wife whom the Dyuill reseruid as a specyall instrumente to hym to diseyue Iob by hys wyfe, as he dis∣ceyued Adame by Eue: counsellynge hym to blaspheme God and therby dye. And Iob reprehendid hyr folye and sayd. If we han receiuid goods of Goddis hande: why suffer we not euillis? that is peynes.

And in all these thyngys: Iob synnyd not in hys lyppys.

Than suyth the dysputynge, by∣twyxt Iob and hys frindys: almost tilto the ende of the boke.

Iob helde strongely the trueth of Christen feyth and specially of ri∣syng ayene of bodys at domies daye

And his frēdis seyden many truthis and medlidē falsnes, and euer pur∣posyden an euyll ende and falsed.

For they helden that mede is yeuen onely in thys lyfe for good werkys: and that no man is punnyshed here, no but for synnys passed. And as a man is punished more then an other in thys lyfe: so he hath synnyd more than a nother man, lesse punished.

But al this is false, as Iob priueth and Godde confyrmyth in the ende. For why, reward of Good dedis is mych more in the lyfe comynge, thā in present lyfe. And a vertuouse man is punnyshed here, for to haue mede in heauen. And cōmonlye a iuste man hathe more trybulacion in this lyfe: than a wycked man. As it is open of Chryst y^t suffrid here much dysease: & of tiraūtis, y^• han mich prosperitte in this lyfe, And therfore, Iob telde hys good dedes opēly, to cōfort him selfe ayens dyspeyre: to whyche hys

fryndes wolden brynge hyme. But Iob dyd thys ouer myche and wyth some pryde, and iustyfyede hym selfe ouermich: that his frindis cōceiuidē that he blasphe myde God, and pre∣uyd God vnrygffulle. And of these two poyntys, Iob repentyde in the ende. Than Godde foryafe to hym thys lyttle syne, and appreuyde hys true sentēce: and damnid the errour of his aduersaries. Than Iob prei∣ed and made sacrifice for his aduer∣saries: and God hearde hym and did mercie to hem. And Godde addyde all thyngys duble that Iob hadde. And he had. xiiii. thousande of shepe and. vi. thousande of Camellis, and a thousāde yokis of oxē, and a thou∣sande Femell Asses, and seuen sonis &. iii daughters. And Iob lyued. vii. score yere after hys turmente & sygh his sonnis & the sōnis of hys sonnis tilto the. iiii. generacion. Thys pro∣ces of Iob shuld styr men to be iuste

of lyueyng, and to be patient in Ad∣uersitie, as Iob was and to be stid∣faste in christen feyth, and answere wysely and mekely, to heretikis and aduersaries of ou•…•… fayth as Peter & Poule techen: and euer be meke and full of charitie, and prey for our eni∣mies, and loke after mede in heauen and not in earth, for our good dedis.

The Psalter comprehendith al the olde testament and newe, and techith playnely the misteries of the Trini∣tie, & of Christis Incarnation, Pas∣sion, and Riseyng agayne, Stiynge into Heauen, and sendyng downe of the Holygoste, and preachyng of the Gospell, and the commyng of Anti∣christ, & the generall dome of Christ and the glorie of chosen men to blis: and the peynis of hem that shulen be damnid in Hell.

And ofte rehersyth the stories of the olde Testament: and bryngyth in the kepeyng of Godis hestis, and

loue of Enimies. No boke of the olde Testament is harder to vnder∣stondyng to vs Latines: for our let∣ter discordith mych fro the Hebrwe.

And many Doctouris taken lyt∣tle heede to the letter: but all to the gostly vnderstondyng.

Well were hym that coulde well vnderstonde the Psalter, and kepe it in hys lyueyng: and seye it deuoutly and conuicte Iewis thereby.

For many men that seyne it vnde∣uoutely, and lyuen oute of charitie: lyghen foul on hemsylfe to God and blasphemen hym, when they crien it full lowde to mennis Earys in the Chyrche.

Therefore God yeue grace to vs to lyue well in charitie, and s•…•…y it de∣uoutely, and vnderstonde it truely: and to teach it openly to christē men and Iewis, and bryng hem thereby to oure Christen Feyche and bren∣yng Charitie.

The Prouerbis either Parablis of Solomō: teachē men to lyue iust∣ly to God and man.

Ecclesiastes teachith men to forsake and set at nought all goodys in the worlde: and to drede God and kepe his hestis.

The songis of songis, teachē mē to set al here herte in the loue of God & of here neighbours: & to do all here busines to bring men to charitie and saluation, by good ensample & trew preachyng and wylfull sufferyng of peyne and death if nede be.

Prouerbis speaken mych of wis∣dome and kepyng of Gods hests: in cōmondyng trewe teachyng, and in repreuyng false teachyng. And pro∣uerbis teachen mych of ryghtfulnes and iuste domis and gouernaūce: & of punishyng of Adulterie and other falsenessis, and cōmenden mych iust Lords and sogets: & repriuen strōg∣ly wronful Lords & rebel sogettis.

Also Prouerbis teachen derkly, the mysteries of Christe and of holy Chirch: and teachen mych wisdome and prudēce for the soul and the bo∣dye. Therfore Lords and comeners also, and namely priestis, shulen stu∣dy well thys boke: and rule hemsilfe therby to saluatiō of body & of soull.

Ecclesiastes is a full sotill boke. For Solomō speakith in many per∣sons: and concludith here intent and sentēce. Not in appreuing the sentēce of fleshly men, that preisen more bo∣dily goodis and lustis of the body, than heauēly goodis & likyng of ver∣tuis: & damnith many errours of mē, & shewith that al is Uanitie, tyll me come to the dred of God, & keping of his hestis. Therfore, men moten be wel war how thei vnderstōdē Solo mō in this boke: y^t thei appreuē none errour & damnē no truth, for miscō∣ceyuyng of Solomons wordis, and the Holigostis wordis in this boke.

The songis of songis techē derk∣lye, the state of y^e Sinagoge, fro the goyng out of Egypt, tylto Christis incarnation and passion. And than tho songis teachen the state of Chri∣stis chyrch and of the Synagoge in the ende of the worlde: and treaten hyghlye of loue to God and neygh∣bouris also, And thys boke is so so∣tle to vnderstond: that Iewis or∣deyniden that no man should studye it, no but he were of. xxx. yere, and had able wyt to vnderstōd the gostli pryuities of thys boke. For some of the boke semith to fleshly mē, to sow vnclene loue of lecherie: where it tel∣lyth hygh gostly loue, and great pri∣uities of Christe and of hys chyrch.

Therfore, men moten be full well ware: to conceyue weil the wordis of the Holygoste in thys boke, and knowe whan Christ speakyth to the chyrch either to the Synagoge, and whā the Sinagog speakith to God

and whanne the chyrche speaketh to Chryste. And whan God speakyth to Angelis, Patriarkis, & prophets and Apostles: & whan these persons speaken to y^e synagoge, eyther to the chyrche, either ayen warde.

The boke of wisdome, though it be not a boke of bileue: teachith miche rightfulnes & preysyth wysdome, & repreuyth fleshlye men for here false byleue and euyllyuyng, and cōmen∣dyth mych iust men, sadde in byleue & vertuouse liuinge. And it toucheth mych of Chrystys incarnacion, hys manhede and godhede togither: and damneth greatli Idolatrie and false worshypynge of Idolles and false goddis

Thoughe Ecclesiasticus be no boke of beleue: it teacheth mich wysdome and prudence for Soule and body, & hath mich y^e sentence of prouetbis And cōmaūdyth men to thynke and speake of gods hestis: & for to dread

God and loue hym, and euer haue mynde of death & of the great dome, to kepe men out of synne, and in per∣fecte loue to God and man. Also it preisith mych almese and good prei∣er, and repreuith greatly extortions and wrong, and false othis and false measuris, and false weyghtis, and al fraude priuie and aparte.

At the last it cōmendith good men, and heriyth God, that deliuerith fro all perilis. If thys boke be well vn∣derstōd: it is profitable both to gost ly gouernouris, and bodily Lordis and Iusticis, and Comins also. The Prophetis han a general Pro∣log for all. And for I declarid some dell the great Prophets and in par∣tie the smal Prophetis: and thyncke sone to make an ende (with Godes helpe) of the Glose of the smal Pro∣phetis: I thynke now to passe ouir wythouten any tariyng.

The first boke of Machabeis, tel∣lith

howe greate dystructyon and crueltie Antioke the noble, dyd a∣yen the Iews, and how mani thou∣sandis he kyllyd of hem, that woldē holde Goddys lawe. And brent the bokes of Gods lawe: and defoulid the temple of Ierusalem, and com∣pellyd men for dreade of death to do Idolatrie, and forsake God and his Lawe. And he toke vesseles and tre∣sourys in the temple: and bare into hys lo•…•…de. And he brente the Citye of Ierusalem: and dystried the hou∣sis therof and the wals therof in cō∣passe. And he toke the hygh toure of Dauid and set men of armis therin, to lette men come to Ierusalem, and they dydden mych harme to the pu∣ple of Israell▪ And who euer helde the boke of Goddis testamente, and kepte hys Lawe: was slayne by cō∣maundement of Antioke the Kyng.

And women that circū•…•…ididen here chyldren: weren slayne by cōmaūde∣ment

of Antioke the Kyng. And thei hangiden chyldren by the neckis, by all the houses of men of Israell, and kyllyden hem that circūcididen chyl∣drē. Than arose Matathias y^• pryst and fled fro Ierusalem into Modin and byweilede greatly thys distry∣ynge of the puple, of the temple and citie, and of al the lond. And he ayene stode the Kynge and hys ministers: and kyllid the Kingis ministres that cōpelliden men to do Idolatry. And he killid a man that did Idolatri on the auter: & dystried the auter wher∣on Idolatrie was done. Than Ma∣tathias and hys sonnys fledden into hyllis: and leften all thyngis whych they hadden in the Cittie. And mani men that soughtē dome & ryghtfulnes: and woldē kepe Gods Lawe: camen to hem into deserte. Heathen men made wars on hem in Sabates: and manye dieden in here simplenes, for thei nolden make bat∣tel

in Sabatis. Than manie Iewis weren gaderyd to hym and maden a greate Ooste, and weren redye to fyght in Sabattis and thei kylliden synnars in greate wrath.

And Matathias and hys fryndes compassiden and dystrieden auters, and circumcididen chyldren, whych they founden in al the coastis of Is∣raell. And they pursuiden the chyl∣dren of pryde: and the werke hadde prosperitie in his hondis.

And they gotten the law fro the honds of heathen men and of kyngs: & yeauē not strēgth to the sinful mā.

And whan Matathias was in poynte of Death: he comfortyd hys sonnis to put here lyues for the law of God, bi ensample of Abrahā and other holy mē byfore goyng. And he ordeynid Iudas Machabe∣us to be Duke of bateyl: and ordey∣nid Simont hys sonne to be Fadyr and priest to hem, for he was a man

of counsell. Than bene tolde manye batteylys of Iudas Machabeus a∣yens heathen men: and of great vyc torie bi Goddis help. Than Iudas Machabeus made frendshyp wyth Romaynis for her prudence, ryght∣fulnes & powre. And whan Iudas was deade in batteyle: the puple or∣deined Ionathas hys brother theyr prynce and Duke for to hollde war ayens heathen men. Than ben telde many bateils of Ionathas & vycto∣ries: whyche he had ayens heathen men. Than Ionathas after many vyctories: sente to renulle frenshy pe wyth Romayns and Sparcyatys that weren of the Kynne of Iewis. And Ionathas and hys sonnis we∣ren slayne at the laste bi treasonne of Trifon, that was an heathē manne and myghtie Duke. Than Simont was made Duke of the Puple: and in the styd of Iudas Machabeus & of Ionathas, and he dyd many bat

teylis and strong, & had great victo∣ries ayens heathen men. And Iewis hadden much reste vnder hym: and he made stronge holdys and cy•…•…yes in Iuda. And he renullyde frendship wyth Romaynis and Sparciatys, and hade mych glorye of hys folke and of heathen Kyngys. And at the laste Symont and his sonnis werē slayne by treasone: and Iohn hys sonne was Prynce of priestys after hys fathe•…•…ys dayes, and dyd manye bateyls ayens heathen men.

The seconde Boke of Machabeys: tellyth mych the same sentence of the fyrste boke, and hath a fewe speciall poynts of Eliodorus and of Eliaza∣rus, and of the noble Wydo we and hyr seuen sonnis. Eliodorus was sente of the Kynge to take awaie the treasuris of the Temple of Ierusa∣lem, and bere tho to the Kynge. And thoughe the treasourys weren kepte for the lyfelode of Wyddowes and

fatherlesse chyldren, and some weren another manys goodis. Eliodorus wolde algate beare al to the Kynge. But God made hym & hys felowis sore aferd, And Elidorus was bea∣ten almost to death, of a ferdful one sytynge on an horsse, that hade two younge men aboute him. And Elio dorus was cast downe to the groūd and was borne out on a bere and ley doumb•…•….

And whan the hyghste Prieste offrid sacrifice and preied for y^e helth of Eliodorus: God grauntyd lyfe to hym. And he thankyde God and the hygheste priste: and yede to the King and tolde hym howe it stode. And he wytnessid to al men the greate wer∣kis of God: whych he had sene with hys iyen.

Than is tolde of the curssyd de∣dys of Iason the prieste, that came in by Simonie, and woulde brynge the Iewis to Idolatrie and Sodo∣mitie,

and to forsake God and hys Lawe.

Than is tolde of the greate crueltye of Antiochus whych he dyde ayens the Iewes and the holie place of Ie rusalem: and God suffrede thys for the synnes of y^e puple, for why God chees not folke for the place, but the place for the folke. Than Eleazarus cheese to dye a sharpe Death: rather that he woulde breke Goddys lawe in a litle pointe to eatte porke, yea to feyne to eate porke.

After thys it sueth howe the blyssyd wyde we and hyr. vii. sonnys weren martyryd for they noldenne breake Goddis lawe: and howe gloriously the blessede mother comforted hein, to take Death with ioye for the law of God.

Thys story of Machabeys shoulde styr Christen men to holde Goddys law to life & to death. And if knights shulē vse y^e swerd ayens any curssyd

men they shouldē vse it ayens lords and pryestis principally, that woldē compel men for drede of prisone and death to forsake the trueth and fre∣dome of Christis gospel. But God for hys greate mercie, yeue verye re∣pētaūce to hem that thus pursuē tru men: and graunte patience, mekenes and charitie to hem that benne thus pursuyd.

Amen.

Notes

• Neemie.
• Iob •…•…▪
• Iudith
• Hester.
• Iob.
• •…•…salter.
• Prouer∣bis.
• Ecclesia∣stes.
• Songis of songis.
• Ecclesia∣stes.
• Wysdom
• Ecclest•…•….
• Machab.