In Obitum Serenissimae
Principis & omnium virtutum genere Cumulatissimae Annae Dei gratia Magnae Britaniae, Franciae & Hiberniae Reginae, Dominaeque suae longè gratiosissimae, carmen funebre.
Ad Potentissimum Serenissimae Annae Maritum Iacobum, Dei gratia, Magnae Britanniae Regem fidei defensorem &c.
Annus & Anna in se redit, hic novus, illa perennis: Cujus vir pa••er & frater Rex, Regia proles, In Coelo Aeternos Regina est Anna per Annos. Floreat illa suis in prole aeterna Britannis, Inque suo vigeat feliciter Anna Iacobo. Inclite Rex Britonum, veniam da vera loquenti. Iacobus caret Anna, & non caret Anna Iacobo: Maxime Rex Regum, Regem solare Iacobum.
Ad Invictissimum Christianum Quartum Dei Gratia Daniae, Norwegiae, Gothorum, Vandolorumque Regem, &c.
Pondere pressa, suo sub pondere, Palma Resurgit: Marmore pressa soror tua, Fertur ad Aethera victrix. Sanguinolenta olim, inter Danos atque Britannos, Pugna, nihil potuit, nostro conjuncta Iacobo, Absque cruore, omnes vicit Dana Anna Britannos, Aeterneque suis conjunxit Foedere Danis. Orbis, Danorum Pacis, Britonumque sit idem Terminus, & Reges Rex protegat orbis utrosque.
Ad Foelicissimam Iacobi & Annae prolem Carolum Walliae Principem, Elizabetham, Frederici Electoris Comitis Palatini Vxorem, Regalemque eorum Progeniem quae nunc est, vel Dei gratia erit in Posterum.