The history of Great Britanie from the first peopling of this island to this present raigne of or [sic] happy and peacefull monarke K: Iames, by Will: Slatyer.

〈 in non-Latin alphabet 〉〈 in non-Latin alphabet 〉.

Fergusij magni Scotorum Regis natalitia, vt & gesta ac soboles.

HIs quo{que} temporibus, cum praedabundus, Hybernes Littore Scotus adest, Latio tamen agmine turbas Italus amborum Pictûm{que} Scotûm{que} repressit, Reuda venit, testante Bedâ; qui primus in oris Imperium Scoticum, firmat Scotus aduena nostris. At Scotici Annales referunt, multò antè Gathelum, Aegypti generum Pharaonis, Iberica quondam Sceptra, eius{que} Symone Brecho regnante, nepotes

Scoto-Hyberna manu tenuisse, illo{que} creatum Sanguine Fergusium; illustrem modò candida partû Rocha, suo sobolem tulit Ercho, Daca, Marito, Fergusium! satus Erchus erat de stemmate Regum Albaniae; & Gothis Romam populantibus, armis, Fergusius, quo nomen habet Knok-Fergus Hybernis, Alarico Comes vnus erat; fatalia secum Saxa ferens, Scotiam{que} petens, insignia rubrum Regia, aiunt, portat soboles{que} secuta Leonem, Scoto-Britannorum Rex primus; vt indè nepotes. Reuthero{que}, (is Reuda Bedae) socijs{que} fugatis, Reutherum at redijsse ferunt, reditum{que} fuisse Reutheri, aduentum minimè, Reudam{que} secutos, Eugenium primum, citò, Fergusium{que} secundum, Eugenium{que} eius gnatum; Dongardus at olli, Praeliaquem perimunt contra suscepta Britannos; Constantinus ei successit filius, illum Foedere Saxonico detentum, numinis almi Palladio suadente fidem, redijsse Britannis, Sanctiùs ac perhibent sumptis communibus armis Saxonicos contra Christiani nominis hosteis; Congallus{que} ex fratre nepos, illi{que} Goranus, Tertius Eugenius, Conuallo, Anitellus & illis Aidanus, Cheneth, Eugenius, Ferquarra, Donaldus, Maldonus, Eugenijs{que} duo, Ambercletus ab hoste Picto interfectus, dein Eugenius{que}, satus{que} Mordacus Ambercleto, Etsinus, vitijs{que} notati Eugenius cum Fergusio, Soluatus Achaius{que} Etsini Gnatus, Caroli qui foedera Magni, Primus auet, Francis{que} manum dedit, vndè perennis Forsan & inuiolata fides, per saecula multa Inter eas mansit genteis! cumulatus & omni Laude ferunt, dignus{que} fuit cui Gallia dextram Porrigeret; Conuallus, ei, Dongallus, & olli Alpinus Pictis captus, nullo{que} verendae Maiestatis honore habito simulat{que} peremptus, Chennetho patris vlturo miserabile bustum, Pictorum, omnino crudelia fasta dederunt Ansam extirpandae sobolis; caedis{que} cruentae Pictorum, portenta quasi, casum{que} minati, Aetherei crebris implent hinnitibus auras Solis Equi, Zephyris Cauris{que} parentibus orti, Arma sonant, resonat plangoribus igneus aer.

Notes

• & Historiae,
• Fergusius Rex Scotorum fa∣mosissimus,
• eiusqu•• successores, & eorum acta, & ordo,
• adusque Pictos pen••tus ex Scotiâ de∣letos;