Here endith a compendiouse treetise dyalogue. of Diues [and] paup[er]. that is to say. the riche [and] the pore fructuously tretyng vpon the x. co[m]man̄mentes ...

The nynth chapter.

DIues.

Be al wedded folk bounde by thys precept of god Crescite et multiplicamini: to do ther diligence to byget chil∣dren:

Pauper.

Byfore mankīd was multiplyed: wedded folke were bounde to do ther deligence to brynge forth children / Butte nowe that mankynde is multi∣plyed / the precept byndeth them not so moch to generacion / But they be fre to continēce and kepe them chast: if they be both of one assent therto / For many skyllys god ordeyned that man and wo∣man shulde nott medle to gydre but they were wedded to gydre. For by auoutrye and fornicaci∣on falleth ful oft that ye brother lyeth by hys sustre and the fader by his doughter / And manye an vnlawfulle wedlok is made by

cause of anoutrie / And he y^t doth auoutrye he is a thefe and robbe the man or woman of his bodye y^t is better thā any worldly catel For the wyues bodye is the hus∣bondis body: and his body is hir body / For neyther of theim hath power of his owne body: to yeue it to any other by flesshly luste And he that doth fornicacion he robbeth crist of his right both bo∣dely and goostlye / And therfore saynt poule sayth. that the lech∣oure taketh the membre of criste & maketh it ye membre of ye strū¦pet with whom he medleth .i. ad co{rum}. vi^o Also by auoutrye be ma∣de false eyris: and true eirys tru∣ly bigote put oute of ther eriatcte Also by auoutrye goddes lawe y^t he made so solempnely in the be∣gynnynge of the worde fyrste of al lawes: is broken / And therfor he that breketh it: is an opē trai¦toure / To this accordeth ye wor¦des of the wyse man: where he seyth that the woman which for¦saketh hir husbonde / and take / another: and maketh eritage of another matrimony doth many synnes First she is misbileuynge to goddis law / and brekethe god¦des lawe. Also she trespaseth ayens hir husbond / Also she doth fornicacion in auoutry / and ma¦keth childrē to hir of another mā But hir sōnes shal yeue no rotis and ther braunches shal yeue no frute She shal leeue ther mynde in cursynge and hir shame shalle neu{er} be do a wey. Eccle. xx.iii.c. And therfor seith ye glose y^t auou¦try is as dānable in the man as ī the woman / And therfore in the same chapter he repreueth auou¦trie & fornicacōn ī mā ful highly