Here endith a compendiouse treetise dyalogue. of Diues [and] paup[er]. that is to say. the riche [and] the pore fructuously tretyng vpon the x. co[m]man̄mentes ...

The xv chapter.

THāne they that shalbe dā∣ned shal say a sawe of so∣rowe y^t neuir shal haue ende. De fecit gaudiū cordis nti. versus ē in luctū chorus nt. cecidit coro∣na capitis nostri / ve nobis quia peccauimus. The ioye of oure hert is done and past away / to so¦rowe & care is turned oure pleye. the garlonde of oure hede is falle to grounde / that euir we dyd syn welaway the stounde. Treno{rum}. quarto. Therfore leue frende ta∣ke we to vs the tyme of mercy & amende we vs while we may for elles we shal nat whāne we wold And the lēger y^t god suffrith folk to reigne in their synne / & the mo¦re pacience y^t he hath with theym the harder he shal smyt them but they amende them. And therfore the doome of god is lykned. to a bowe For the bowe is made of ii. thinges Of a wronge tree. and a right strynge So the dome of god is made of ii. maner folke Of them y^t ben wronge throughe synne / and lyue wronfully / and do moche wronge / & of them y^t be right & rightful in lyuynge The archer shetīg in this bowe is crist And the more y^t ye bowe is drawe abak / the harder it smyteth whā the archer lousith. So the lenger y^t Crist abideth / & so draweth his dome abake / the harder he shalle smyte but folk amende them And as the archer in his shetinge taketh the wronge tre in his lifte honde / and the righte strynge in his right hōde and drawith them

atwynne / so Crist at the doome. shal sett the wrong lyuers on his left hōde. the rightful lyuers on his right honde / & sette the arowe in his bowe / that shalbe the dred∣ful sētence of his dome / & drawe the rightful from the wronge / the gode from the wycked / whanne he shal say to the rightful. Come ye with me vp into heuene blisse. Withouten ende / and to the wrōg lyuers he shal say. Wende ye hēs fro me downe into helle peyn. W^t outen ende. Of this bowe the {pro}∣phete saith Arcum suū tetendit & parauit illū. God hath bent his bowe / and made it redye / and he hath arrayed or made redy therin tacle of dethe. and hathe maade his arowes hote with brennynge thinges For they that ben brente with synne shal brenne with the fyre of helle withouten ende. Of this bowe dauid also saith Dedi¦sti metuētibus te significationē: vt fugiant a facie arcus. Lord thou hast yeuen a tokenynge to them that drede the / to fle awaye from the face of the bowe.