Vindiciæ Ecclesiæ Anglicanæ; siue De legitimo eiusdem ministerio id est, de episcoporum successione, consecratione, electione & confirmatione; item, de presbyterorum, & diaconorum ordinatione, libri V. In quibus Ecclesia Anglicana à Bellarmini, Sanderi, Bristoi, Hardingi, Alani, Stapletoni, Parsonij, Kellisoni, Eudæmonis, Becani, aliorúmque romanistarum calumnijs, & contumelijs vindicatur. Editio secunda, priori Anglicanâ longè auctior, & emendatior. Cui inter alia accesserunt ad Fitzherberti presbyteri, Fitz-Simonis Iesuitæ, D. Kellisoni, Champnæi Sorbonistæ, Fluddi, & nescio cujus anonymi exceptiones suis quæque locis intertextæ responsiones. Opus ex idiomate Anglicano traductum, & locupletatum ab ipso authore Franc. Masono, in S. Theologia Bacchal. Archidiacono Norfolc. et socio Colleg. Mertonensis apud Oxonienses.

CAP. XI. De Episcoporum Hispanorum electione.

• Quam à Rege factam fuisse testatur
  • Concilium Toletanum
    • 16^•m, 1
    • 12, 2
  • Regum Gothorum praxis. 3

ORTH.

IN Concilio Toletano decimo sexto sic le∣gimus: a 1.1 Quicunque antistes huiusmodi nefas (Idololatriam intelligunt, & superstitionem diabolicam) agi permiserit, vel peractum in sua Dioecesi protinus abolere distulerit, à loci sui offi∣cio pulsus, vnius anni excursu sub poenitentiae ma∣neat religatus lamento, alio tamen principali ele∣ctione ibidem instituto. Hoc autem Concili∣um indictum est anno 693. annis scilicet ante inuestituras Carolo ab Hadriano concessas octuaginta.

PHIL.

Verba allata Regis sunt, non Concilij.

ORTH.

A Concilio tamen sunt approbata, sanciente vt, vno pulso Episcopo, b 1.2 alius specialiter à Principe eligatur. Praeterea idem▪ c 1.3 Concilium, Foelicem, Episcopum Hispalensem, in sedem Tole∣tanam Regis Egicae praeelectione & authoritate traductum esse his verbis memorat: Secundum praeelectionem atque authoritatem toti∣es dicti Domini nostri Regis, per quam in praeteritis iussit venerabilem Pa∣trem nostrum Foelicem, Hispalensis sedis Episcopum, de praedictà sede To∣letanâ curam ferre, nostro eum in postmodum reseruans, ibidem decreto confirmandum; ob id nos, cum consensu Cleri & populi ad saepè dictam sedem Toletanam pertinentis, praedictum venerabilem Fratrem nostrum Foelicem Episcopum de Hispalensi sede, quam vsque hactenus rexit, in To∣letanam sedem canonicè traducimus.

Et ante hoc tempus, in Concilio Toletano 12^o. sic sancitum* 1.4 est: d 1.5 Placuit omnibus Pontificibus Hispaniae atque Galliciae, vt saluo••∣mus cuiusque prouinciae priuilegio, licitum maneat deinceps Toletano Pon∣tifici quoscunque regalis potestas elegerit, & iam dicti Toletani Episcopi iudicio dignos esse probauerit, in quibuslibet Prouincijs praecedentium sedi∣bus praeficere praesules, & decedentibus eligere successores, &c. Hoc Con∣cilium celebratum est anno 681, centum ferè annis ante priuilegi∣um ab Hadriano concessum.

Hispaniarum tamen Reges vel ante hoc Concilium hoc iure* 1.6 potiti sunt, teste a 1.7 Baronio: Non ignorandum (inquit) Gothorum Re∣ges in Hispaniâ nominationem sibi vendicâsse creandorum Episcoporum, quorum nominatio ferebatur ad Concilium, vt de personâ, qualis esset, inquireret, dignáne sede haberetur Episcopali. Constant haec veterum Scriptorum monumentis. Quoniam autem longae morae solerent interce∣dere in his omnibus curandis atque perficiendis, ob idque contingere, va∣cantes sedes diutiùs absque Episcopo permanere, ideoque sancitum est in hoc Concilio, vt quem Rex nominaret, vnus Toletanus Episcopus possit (de personâ habitâ inuestigatione solitâ) ordinare, &c. Ita Concilij authoritas ad Archiepiscopū translata est, Regis verò eadem quae tea permansit.

PHIL.

b 1.8 Studium & labor eligendi viros Episcopatibus praeficiondos penes Reges tempore Gothorum erat, quod vsque Romanorum Pontificum indulgentiâ ad nostra tempora penes Hispaniae Reges resedit. Constat id ex Epistola Braulionis ad Isodorum Hispalensem Episcopum.

ORTH.

Antiqui Gothorum in Hispaniâ Reges, Ariani erant & hostes Christi. Num & illi quoque Episcopos elegerunt indul∣gentiâ Pontificum?

PHIL.

Imò per tyrannidem. An vos Arianos & Tyrannos imitandos proponitis?

ORTH.

c 1.9 Gothi Ariani, in Hispaniâ degentes, Anno 589. con∣aersi sunt, fidémque Orthodoxam in 3. Concilio Toletano pro∣••ssi. Quam autem in eligendis Episcopis habuerunt authoritatem Reges Ariani, eandem subsequentes Orthodoxi Reges exercue∣rūt. Num sibi Tyrānos, aut Arianos imitandos proposuerunt? Nō ergo tenentur Principes Orthodoxi à suo iure discedere, quia eo∣dem haeretici abutebantur. Hoc enim ius Regale est perantiquum, quod nec Papis, nec Arianis acceptum ferunt, sed Regi Salomo∣ni, qui Sadocum in locum Abiatharis euexit plus mille annis, ante∣quam aut Arianus, aut Papista lucem conspexissent. Verùm de Hispania hactenus.

PHIL.

De Hispanis non adeo contendam; sed in Gallicanis res longè videtur certior & exploratior.

Notes

• a 1.1

  Apud Bin. 10. 3. p. 157.
• b 1.2

  Ibid. pa. 160.
• c 1.3

  Ibid. pa. 163.
• * 1.4

  2
• d 1.5

  Conc. Toll. 12. decr. 6. Bin. ••. 3. pa. 104.
• * 1.6

  3
• a 1.7

  An. 681. n. 6••.
• b 1.8

  Iob. Garsias ir∣notis in Conc. Tol. 12.
• c 1.9

  Bar. an. 589. n. 9. Bin. t. 2. p. 706.