Here after folowith the boke callyd the myrroure of Oure Lady very necessary for all relygyous persones.

¶The Hympne.

PEr se lucens, Thys hympne tellyth how god almyghty beynge suffycyente in all ioye. in hymselfe. was moued onely of hys owne goodnesse to make aungels. to that ende that they shulde be parteners of his ioy And how sōme of tho aungels dispysed hym. & felle to mystyef and how other abode in praysyng of god. knowyng that the falle of theyr felowes shulde be reparelyd by oure lady. ¶There is a precyous stone that is called a carboncle. whyche shyneth bryghte as fyre. of hys owne kynde. so that no darkenesse may blemysshe yt ne no moysture quenche yt. And to thys stone ye ly∣ken oure lorde god. when ye saye. Per se lucens, The carboncle shynynge by yt selfe nedeth none other lyghte. so god alone endelesly suffycyente to hymselfe. Claros creauir, Made bryghte aungels of hys owne goodn̄esse. wyllynge that they shulde be made parteners of hys glory. Exercitus, Anon as the hoste of aungels se them selfe made•• sōme of them waxte prowde. and dyspyfed theyre maker. H•• ruunt, They felle downe in to wretchednesse. the tother praysynge god. knewe that theyre brekynge shulde be redressed by the. marye. ¶Antempne. Benedictus, Blyssed be the lorde. whome we hope. to here the voyce of oure prayer. for the moste worthy prayers. of hys mother. ¶Antempne. Filu hominum Sonnes of men brynge ye glory and worshyp to the vyrgyns

sonne. that ye may be made the sonnes of god. Antiphona. Conuerte domina, Lady mother of ioye. turne oure sorowe in to ioye. and close vs all aboute with ioye. that we ioyenge mo¦te shew the trouye of god. Uerse. Angelorum, Moste my¦ghty lady of all aungels. Responce. Esto nobis, Be to vs a defender from the gyle of wycked. Benedictio. Ad so cietatem, The quene of aungels mote lede vs to the felyshyp of the hyghe cytezyns Amen.