Here after folowith the boke callyd the myrroure of Oure Lady very necessary for all relygyous persones.

ON wednesday at ma∣tyns,

¶The Inuitatory. Ortum virginis,

Halowe we the byrthe of the virgyn and mother mary. worshy•• we the lorde cryst her sonne.

¶The Hympne.

ERrorum pleno, Lyghte spryngeth oute to the worlde fulle of darcke¦nesse. whyle mary cometh out of the preuy place•• of her mother•• wombe. Lux lucern, Lyghte is shewed by gettin¦ge lyght•• th•••• y•• mary that begatte Iesu cryste. darckenesse of dethe is put awaye y^e bonde of synne ys losed in the holy virgyn Tu luna, Thow arte the mone wythoute clowde. the beame of the hye sonne•• by whose shynynge the dartes of the enmye. are more warely estewed. Tu cristallinus, Thow arte the cham∣ber of crystall. wherin the mercyfulle kynge of blysse syttyng••, ••athe by the made an ende of oure wretchednesse.

Antempne. Corrige virgo, Uyrgyn moste prudence cor¦recte thow oure vnwyse hertes: that thy sonne lokeynge from he¦uen. mote s•• vs. vnders••••••d••nge and sek••ynge hym.

Antempne. Cepelle•• Ma••y hope of all. putte awaye 〈◊〉〈◊〉 wyckednesse frō oure tabern••••••••s•• for vpon y^t. we caste our cure Antempne. Gloriose, The grace of the gloryouse mo∣ther of god. mote delyuer oure sowles from dethe. and oure ••e••e from slydynge•• that we mote please before god in the lyghte of them that lyue. That ys of aūgels. and of sayntes in heuen. ¶By the fete in thys antempne. is vnderston¦ded the affeccyons of the harte. whyche may full sone

slyde to synne, but yt they be the betetr kepte. Uerse. Al•• initio. Mary was orde••yd the mother of god. from wy∣thoute begynnynge. Responce. Que vere, whyche lo••ed god veryly wyth all her harte aboue all thynges. Benedicciō Nostre tenebras, The vyrgyn mother of wysdome. motely 〈◊〉〈◊〉 the darckenesse. of oure ignoraunce. Amen.

¶The fyrste lesson.

ERrant homines. Thys lesson tellyth. why god gaue a lawe by Moyses. to hys people. and how holy a wedlocke was betwyxte Ioachym and Anne. And how. and why the day of her concepcion ought to be hadde in reuerence. Errant homines, Er then the lawe was gyuen to Moyses. men were longe tyme igno∣raunte. not knowynge how they shulde gouerne thē selfe and theyr dedes in thys lyfe. & therfore they that were feruente in heate of the loue of god. ordeyned be sely theyr dedes and theyr maners. and they trowed to please god. Al•• vero. But other that had not the lo¦ue of god. and dyd what euer them lyste. Hor••̄ igitur, Therfore the goodnesse of god mercyfully condescen∣dynge to theyr ignoraunce. ordeyned a lawe by hys seruante Moyses. by whiche they shulde be gouerned after all the wylle of god. Hec deni{que}, And this lawe taughte how god. and the neybur shulde be loued. and how wedlocke betwyxte man. and woman shulde be kepte after the lawe of god. and of honeste. so that of suche wedlocke they shulde be broughte fourthe who¦me

god wolde make hys owne people. Et vere, And treuly god loued this maner wedlocke so moche. that he ordeyned to take therof. the mooste honeste mother of his manhod. Vnde quemadmo dum•• Therfore as an egle that flyeth on hye in the ayre. and beholdeth ma∣ny woddes, shulde se one tre a far so sewrely rowted•• that yt myghte not be rente vp. wyth eny blastes of wyndes•• and the body of the tree. were so longe and euen. that no man myghte clymbe vp therby. whiche stode also in suche a place. that yt semed vnpossyble that eny thynge shulde falle thervpon from aboue. & the egle bysely beholdynge this tree. shuld make ther¦in hys neste. wherin he wolde reste▪ so god to whome thys egle ys lykened. to whose syghte all thinges pre¦sente and to come. are clere and open▪ whyle he behel¦de all the right wys and honeste wedlockes. that shul¦de be from the fyrste makeynge of man. vnto the last day. he se none lyke in godly charyte and honeste. vn¦to the wedlocke of Ioachym and of Anne. Et id circo And therfore yt plesed hym. that the body of hys mo¦ste honeste mother whiche is vnderstōded by the neste shulde be bygotten of thys holy wedlocke. in whiche body he hymselfe shulde vouche ••afe to reste with all conforte. Congrue, And conuenyently are deuoute wedlockes lykened vnto fayre trees. whereof the rou∣te. ys suche vnyon of tow hartes. that ys to say. that they be wedded togyther. for that onely reason that worshyp and glory come therof to god hymselfe. Couenienter. The wylle also of suche wedded man or woman ys conuenyently lykened vnto fruytefulle braunches. when they kepe so the drede of god in all

theyre workes. that they loue honestly togyther after the cōmaundemente of god. onely by cause of bryng∣ynge furthe of chyldren to the praysynge of god. Ta∣lium, For the gyleful fende may not atteyne with his myghtes and craftes to the hynesse of suche wedloc∣kes. whan theyre ioye ys not else. but that worshyp and glory be gyuen vnto god. & when also no trybu∣lacyon heuyeth them. but the vnworshypynge and o••ese of god. Tunc autem, Then also seme they to stan¦de in sure place▪ when y^e plente of worldely worshyp¦pes or of rychesses. may not drawe theyr hartes vn∣to loue therof or to pryde. Vnde quia, wherfore for god knew before. that the wedlocke of Ioachym & Anne shulde be suche▪ therfore he ordeyned that hys dwel∣lynge place. that is to say the body of his mother shul¦de be gathered therof. O Anna, O. reuerente mother Anne. how precyous tresure barest thow in thy wō∣be. when mary that shulde be the moder of god rested therin. Vere sine, Treuly yt is to be byleued wythout eny doubte. that god hymselfe loued that matter of whyche mary shulde be formed & made. anon whan yt was conceyued and gathered in the wombe of an¦ne. more then all the bodyes of men and women. by∣gotten and to begotten of man and woman in all the worlde. Vnde venerabilis, wherfore worshypful anne may trewly be called the tresourye of almyghty god for she hydde in her wōbe. his tresoure. louely to hym aboue all thynges. O qm prope, O. how nyghe was the harte of god contynewally vnto hys tresoure. O qm pie, O how benygnely and gladly fastened he his eyne of his maieste vnto his tresoure▪ that sayeth

a••terwarde in 〈◊〉〈◊〉 gospel. Vbi est thesaurus tuus ibi est e••••o•• tuum, That ys. where is thy treasure there is al¦so thy harte. Et ••do•• vere•• And therfore yt is treuly to byleue. that aungels ioyed not alytel of thys treasu∣re. when they knew that theyr maker whome they lo¦ued more then themselfe. loued that treasure so moche Qu••propter. wherfore yt were ful conuenyente & wor¦thy that. that day were had of all in grete reuerence. on whyche. that mater was conceyued and gathered in Annes wombe. of whyche the blessyd body of the mother of god shulde be formed. whiche god hymselfe and all hys aungels loued wyth so moche charyte. ••e••. Beata mater. Blessed mother anne. chest of the en¦delesse kynge. whyche hyd in the. the tresure moste ac¦ceptable to hym. wher wyth he enheryted hys onely begotten sonne. and made nedy folke riche. and dely¦uered wretched prysoners. Uerse. Exulta, Ioye y^u reuerent mother of thy moste reuerent doughter. whi¦che brynge vyrgyn hathe bygotten hym that made al thynges. Benediccion. Stella maria, Moste mercy∣full mary sterre of the see. socoure vs. Amen.

¶The seconde Lesson.

DEinde postquam, Thys lesson tellyth of the puttyng of oure ladyes sowle in to her body. and of her byrthe. And how aungels and men desyred her byrthe for diuerse cau¦ses.

Deinde postqm. Farthermore after that blessyd matyer had a body formed in the mothers wombe. in couenable tyme as it was semynge yt to haue•• then the kynge of all blysse. mored hys treasure. puttynge in to yt a lyuynge sowle. Et quemadmodum, And as a bee. that flyeth aboute flowry fyldes. serchyth byse¦ly all grasses and herbes that hony may be gatheryd of. for of his naturall knowyng he can discerne. whe¦re the fayrer flowre burgenyth. whyche flowre yf he se yt not yet sprynge oute of the huske. yet he abydeth neuerthelesse delytablely with desyre. the spryngyng therof. that he may vse the swetnesse therof vnto hys pleasaūce▪ & lyke wyse. god of heuen. that beholdeth moste clerely al thinges. with the eyne of his mageste when he se mary yet hyd in the preuy place of her mo¦thers wombe. to whome. he wyste in hys euerlastyn¦ge for knowynge•• that no man of all the worlde. shul¦de be lyke in all verteu▪ abode her byrthe with all cō¦forte and ioye. that by the swetnesse of that maydens charyte. hys moste plenteous godly goodnesse shulde be shewed. O qm clare•• O. how brighte shone that ry¦synge morowe tyde in annes wombe. when the lytel body of mary. was quyckened therin. by comynge of the sowlle. whose byrthe. aūgels and men. desyred to see. wyth so greate desyre. Verumptamen, Nethelesse•• yt ys to marke. that as men that dwelle in tho londes were the sonne lyghtenyth them wyth hys beames as welle on nightes tyme. as on day tyme. desyre not the sprynge of the morowe tyde by cause of lyghte. whyle y^e lyghte of the sonne is moche more clerer then

the lyghte of the morow tyde▪ but for they vnderstō∣de. that the morowe tyde. apperynge. the sonne shall go vp hyer. and theyre fruytes whyche they hope to g••ther in to theyre barnes•• shall the soner and the mo¦re par••ytly waxe rype. of the benefyce of the hete ther of. Illarum autem, And they that dwelle in suche con∣trees as are couered wyth darckenesse of nyghte. are not onely glad for that they knowe the sonne shall a ryse after y^e sprynge of the morewe tyde. but also they are more reioysed. for they vnderstonde. that the mo∣rowe tyde paste. they maye se tho thynges that they haue to do. Consimili modo, An lyke wyse holy aun∣gels that dwelle in the kyngdome of heuen. desire not the sprynge of the morow tyde that ys to say. the byr¦the of mary by cause of lyghte. for the very sōne. that ys god hymselfe. passed neuer from theyr syghte. but therfore they desyred the same vyrgyn to sprynge by her byrthe in thys worlde. for they knew welle. that god whyche ys lykened vnto the sonne. wolde shewe more openly by thys morowe tyde. hys moste chary∣te whyche is vnderstōded by the heate. and that men whyche loued god shulde be made fruitefull by good workes. and that by the stable perseueraunce in good they shulde be made rype. so that aungels myghte ga¦ther them in to euerlastynge barnes. whyche are ly∣kened to heuenly ioy. Homines vero, But men of this darcke worlde. knoweynge before. the byrthe of the mother of god•• ioyed not onely therof for they vnder¦stode that theyr delyuerer shulde be borne of her. but they ioyed also for by cause that they shulde se the mo¦ste honeste maners of thys gloryous vyrgyn. And

for they shulde ••erue of her more playnely. wha•• shul¦de be done ••nd what shulde be fledde. Hec 〈◊〉〈◊〉 virgo•• Thys vyrgyn also. ys that rodde that I saye sayde before. shulde com out of the rowte of Iesse. Florem{que} And prophesyed that a flowre shulde sprynge oute therof. vpon whyche flowre the spyryte of god shul¦de reste. O virgans met••••bilem, O vnspecable rodde. whiche whyle yt grew in Annes wombe▪ the pythe and the meywe therof abode more gloriously in heuen Hec ita{que} virgo, For thys rodde was so smalle. that yt turned lyghtly in the mothers wombe. but the pythe therof was so greate in lengthe and bredeth. that no mynde was suffycyente to thynke the gretenesse ther of. Non enim valuit, Thys rodde myghte not brynge fourthe the flowre. tylle the pythe gaue yt vertew of burgenynge by hys entre. Nec etiam, Nethe vertew of the pythe apperyd not openly. tylle the rodde gaue hys moysture vnto the pythe. Hec deni{que}. Forsothe thys pythe ys the parsone of the sonne of god. who∣me thoughe the father begat before lucyfer▪ yet he ap¦peryd not in the flowre. that ys to say in mannes bo¦dy. tylle by the assente of the vyrgyn. whyche ys vn¦derstonded by the rodde. he toke the matyer of thys flowre of her moste clene blode in her maydenly wō∣be. Et quamuis, And thoughe the blyssed rodde. that ys to saye. gloryous mary. was departed from her mothers body in her byrthe. yet the sōne of god. was nomore departed from the father. when the vyrgyn bare hym bode••y in tyme. then when the father begat hym euerlastyngly w^tout body. Spūs quo{que}, & the holy

goste was vndepartabley in the father. and in the sō∣ne. from wythoute begynnynge. for they are thre per¦sones. and one godhed. Responce. Strips iesse, The kynred of iesse. hathe broughte fourthe a rodde. and the rodde a flowre. and vpon thys flowre restyth the holy goste. Uerse. Virgo, The vyrgyn mother of god. ys the rodde. the flowre ys her sōne. Benedictio Matris cristi, The gloriouse byrthe of the mother of cri¦ste. be to vs euerlastynge gladnesse. Amen.

¶The thyrde Lesson.

IGitur sicuteternali¦ter. Thys lesson tellyth of thre flaum¦••es of charyte of the blyssed trynyte. to the helthe of man shynynge in heuen. And of other thre flaumbes of charyte of oure lady after her byrthe shynynge in erthe. And how men oughte to worshyp her natyuyte in erthe. and to thanke. and to prayse god hartely therfore. Igitur sicut. Therfore as there was endelesly one god∣hed to the father. and the sonne. and the holy goste▪ so was there neuer in them dyuerse wylle. Vnde quem∣admodum, wherfore lyke as thre flaūbes shulde come oute of one burnynge fyre. ryghte so oute of the good¦nesse of goddes wylle. thre flaumbes of charyte. come euenly furthe vnto the parfeccion. & makynge of one worke. Flamma em̄, For the flaumbe of charyte. com∣yng from the father. brente moste bryghtly before aū¦gels. when they knew. that hys wylle was benygne¦ly

to wylle gyue his loued sonne. for the delyuer••nce of the thral seruante. Caritatis flamma, The flaum••e of charite cōynge from the sōne. was not hyd. when he wolde at the fathers wylle▪ sett hymselfe at noughte takynge the forme of a seruaūte. Flamma quo{que}•• And the flaumbe of charyte comyng from the holy goste. was he not lesse feruent. when he gaue hymselfe redy to shew by open warkes. the wylle of the father. & of the sōne. & of hymselfe. Et qmuis, And though y^e moste feruente charyte of thys godly wylle. shone by all he¦uens. geuyng vnspecable cōforte vnto aūgels. of his charite. yet ageyne byeng myghte not come therof to mankynde. after the euerlastynge fore ordenaunce of god▪ tyl mary were begotten. in whome shulde be kē¦deled so feruente a fyre of charyte. that the swete smo¦ke therof styeng vp on hye▪ the fyre that was in god shulde pore yt selfe in to yt. & slyde therby in to thys colde worlde. Hec deni{que}, Forsothe this vyrgyn after her byrthe. was lyke vnto a new lanterne not yet ly∣ghte. & yet it muste be lyghte so. y^t as the charite of god whiche is lykened to thre flaūbes. shynyng in heuēs an lyke wyse this chosen lanterne mary. shulde shyne w^t other thre flaūbes of charite in this darke worlde. Prima quippe•• The fyrste flaūbe of mary shone ful bri¦ghte before god when she behighte to kepe sekerly her maydenhed vndefowled to the worshyp of god vnto her dethe. Hanc vti{que}, For god the father desyred so mo¦che this moste honest maidenhed. that he vouched safe to sende therto hys loued sonne. wyth hys. and the sō¦nes. and the holy gostes godhed. Secunda marie, The seconde flaumbe of charyte of mary. apperyd in that that she bare downe her selfe bysely in all thynges.

wy•••• vnthynckecable mekenesse. whiche certaynely pleased so moche the blyssed sonne of god. that he vou¦ched safe to take of her mooste meke body. that wor∣shypful body whiche was semly to be enhaūsed euer lastyngely aboue all thynges in heuen and in erthe. T•••••• qun{que}, The thyrde flaumbe was her obedyen∣••e in all wyse praysable. whyche drew so the holy go¦ste vnto her. that by hym she was fulfylled wyth the gyftes of all graces. Et qmuis hec, And though thys blessed new lanterne. were not lyghtened anon after her byrthe. wyth these ••lawmes of charyte: for there was to her as to other lytell enfawntes a lytel body. and a tender vnderstandynge. for whiche she mighte not vnderstande the wylle of god▪ yet god ioyed mo¦re of her. though she had yet ryghte noughte deserued then of all the good dedes of al men and women that were begotten before her in all the worlde. Nam quē∣admodum, For as a good harper shulde loue an harpe not yet redy. whyche he kn•••••• before veryly shulde sowne moste swetely▪ so the maker of all thynges lo¦ued soueraynely the body and sowlle of mary. for he knew before that her wordes. and workes shulde ple¦se hym aboue all melody. Credibile etiam, yt ys also knowen worthy to be byleue••. that as the sonne of mary had parfyt wytte anon as he was bycom man in her wombe. so also mar•• after ••er byrthe receyued wytte and vnderstōdynge in l••sse age then other chyl¦dren. Cum ga••dii deus•• Thefore whyle god and aun∣gel•• ioyed in heuen of her gloryous byrthe•• men also in y^e worlde mote worshyp her byrthe w••th ioye. yel¦dynge praysynge and glory of theyre 〈◊〉〈◊〉 hartes

for her. to the maker of all thinges. whiche 〈…〉〈…〉 aboue all that he made. and ordeyned her to be ••••rne amonge y^e same synners. whyche brought furthe the moste holy. the delyuerer of synners. Responde•• Solem iust••tie, 〈…〉〈…〉 of the see. that shulde brynge 〈◊〉〈◊〉 the son••e of ryghtewesnesse the souerayne kynge•• hathe 〈◊〉〈◊〉 furthe shynynge to b••rthe. ••erse, Gerner•••• 〈…〉〈…〉∣ten men for to se godly 〈◊〉〈◊〉. ¶ where 〈…〉〈…〉 respōce on the wednesday. hathe come furthe 〈◊〉〈◊〉 to byrthe▪ on oure ladyes dayes the 〈…〉〈…〉 concepcyon. and on saynte 〈…〉〈…〉 ye saye thus. Hathe come furthe thys day to byrthe. .v. Hee virgo, Thys vyrgyn was shewed before 〈◊〉〈◊〉 the voyce ••f prophetes. Responce•• Et nobis. And begotten to v•• of the lynage of Dauyd.

¶At Lawdes A••tempne.

NAtiuitas, The byrthe of the Glory∣••ous vyrgy•• mary of the sede of Abraham. 〈◊〉〈◊〉 of the kynred of Iude. ••le∣re of the lynage of ••auy••••

¶The Hympne

TUmiro There ys a star••e cal∣led the shy••••••annes starre. that standeth stable in ••o place of 〈…〉〈…〉 and therby by sh••••••men know in the 〈…〉〈…〉 they drawe. and to this 〈◊〉〈◊〉 out

lady ys lykened. for they that are in tempestes of try¦bulacyon, or in nyghte of temptacyon in thys worl∣de▪ yf they loke. & pray to oure lady▪ she wylle dresse ther wayes to the hauen of helth. farthermore yf eny haue desyre to delyte hym in thynges that are sauory to his taste. or fayre to his syghte. or swete to his smel he may turne to oure gacious lady. and fede all these myttes in her mooste delycyously. And therfore you say. Tu miro, Thow mary shypmannes starre. shy∣nynge wyth a meruelous lyghte•• lede vs frō the swa¦low of dethe. vnto the kyngdome of heuen. Tu nectare Thow arte swetter then py••ment to all that ••aste the thow arte brighter then the lyghte of the sōne. to them that desyre to se the. Tu vero, Thow art veryly a swe¦te smellynge lyllye. by whose odoure god ys drawen vnto the. to haue in the his dwellynge place. Ergo pie Therfore drawe vs wretche•• mercyfully by thy swe¦te sme••le. that we be not drawen in to helle by the lust of the worlde .v. Stella solem, A starre bryngynge furthe the sōne ryseth as the morow tyde .R. Quam•• whome the courte of heuen prayseth w^t fayre pray∣synge. Antempne Natiuitas, Uyrgyn mother of god. thy byrthe hathe shewed ioye to all the worlde. for of the ys rysen the sōne of right wylnesse cryste oure god whyche hathe losed cursynge and gyuen blyssynge. and confounded dethe. and gyuen vs endlesse lyfe. Benedicamus. Blysse we the sone of the e••••elesse kyn¦ge, lorde of heuen and of erthe. & of helles. for the byr∣the of hys mother. Benedicamus, Blysse ••ethe sonne of the endelesse kynge. for the byrthe of 〈◊〉〈◊〉 mother.

¶At Pryme the Hympne.

IGnis ardore, The fayre∣nesse of the worlde was welwed wyth brennyng of threfyres. A welle spronge vp in the myddes of the erthe. by whyche yt flo∣ryshed agayne. O virgo. O vyrgyn welle of myrthe. wete thow ou••e welwed and dayed hartes with the dew of grace. that they be flowred in vertew. ¶These three fyers are these three synnes. Pryde. Couetyse. and flesshely luste. with whyche as saynte Iohn sayeth all the worlde ys fulle. Oure la∣dy ys the welle. that quenchyth these fyres. in her ser¦uaunces. as thys hympne sheweth. Antempne. Natiuitatem, worshyp we the byrthe of the vyrgyn sa¦ynte mary whose gloryous lyfe lyghteneth all chyr¦ches.

¶At Tyer••e Antempne.

REgali, Mary borne of kynges kyn. shyneth bryghtly. by whose prayers we aske moste deuoutly wyth har∣te and tongue to be holpen.

¶At Sexte Antempne.

COrde et animo, Synge we glory to cryste wyth harte. and wylle. in mynde of the byrthe of ma¦ry the hye mother of god.

¶At none Antempne.

DEus et angeli, God and aungels were gladde of the byr••he of the vyrgyn mary. therfore haue we yt in mynde wyth gladnesse Uerse. Regnum dei, The byrth of the mother of cryste gladdeth the kyngdome of god. Response. De qu••, Of whome is sprōge to the worl¦de endelesse gladnesse.

¶At Euensonge Antempne.

GLoriose, Brynge we to mynde the moste worthy byrthe of y^e gloryous vyrgyn mary. whiche hathe got¦ten the worthynesse of motherhed. and not loste the clennesse of maydenhed.

¶The Hympne.

GAude visceribus, In thys Hympne are seuen verses. In the fyrste verse ye calle all holy chyrche. and all heuen & erthe to praysynge of oure lady. In the three verses folowynge with a parte of the fyrste verse▪ ye shewe fourtene thynges. wherein oure lady ys to be praysed. The fyrste is her noble and worthy entre in to the worlde by her concepcyon. and byrthe. The se∣conde ys. her holy conuersacyon in this worlde. The thyrde is. her most worshypful passynge oute of this worlde. The fourthe ys. that beynge vyrgyn she ba∣re a chylde. The fyfte ys. that she abode vyrgyn euer after. The syxte is. that she gaue god so••e••e with her brestes. The .vii. ys. that she bare hym in her armes.

that berysh all thynges. The eyghte ys. that she ys a kynges mother. The .ix. is. that she is the same kyng¦es gate euermore locked. His gate she is, for he tu••••ed in to her holy wōbe. ••amp; toke there a bo•••• of man 〈◊〉〈◊〉de. & wente oute of her when he was borne. And yet she is a gate euermore locked•• for closenes of her vyr¦gynyte. bothe in hys concepciō. & in hys byrthe. The tente is. that she ys the starre of the worlde. as she ys called before in y^e hympne at lawdes. the starre of the see. or the shypmannes starre. The .xi. ys. that she ys plenteous. and large in mercy. For as a flowre that spredeth a brode in hys fayrenesse. & floweth oute in swtenesse of smelle all abowte▪ so our lady ys fayre & cōfortable to all wretches. that loke to her warde. & geueth oute to them as a floudde▪ the swetnes of her mercyes. The .xii. ys that she is. the kynges septer or the kynges rodde. wherof yt is redde in scripture of a kynge that no man durstene myghte come to vncal∣led at certeyne tymes vnder payne of deth. but yf the kynge, {pro}fered hym hys rodde or hys septer to towche Thys kynge is oure lorde god almyghty. to whome neuer ma•• ne woman myghte come. after the synne of Adam. but by meane of this rodde. y^t is our blyssed lady. The .xiii. ys. that she is the mother of god. And the .xiiii. is. that she is y^e spowse of the endelesse kynge. ¶Then in the tother parte of the fyfte verse. & in the syxte verse▪ ye aske thre thynges. One. to be defended frō yuels. not by youre meryte. but by her mylde gyf¦te. A nother. to haue by her prayers. peace lōge endu∣rynge. And the thyrde. to haue endelesse ioy of y^• blys of heuen. And in the seuente verse. ye pray the blyssed ••••

father and sonne and holy goste. to graunte youre as∣kynges. Therfore ye begynne & say. Gaude visceribus 〈…〉〈…〉 blyssed mode•• holy chyrche. in the yndrost 〈◊〉〈◊〉 of 〈◊〉〈◊〉. that often h••ly west the holy feastes of saynte mary. And aūgels. erthe. and see mote ioye. 〈◊〉〈◊〉 whose generacyō. ys glorious. whose lyfe. shy¦r••th wyth holy dedes. whose ende. hathe souerayne wor••hyp wythout ende. Quo virgo, whyche beynge 〈◊〉〈◊〉 broughte furthe a chylde. and vyrgyn she a∣byd••th. she gaue god s••u••ke wyth her owne ••eates. & ••he ••are mekely in ferful armes. hym that ••eryth her and all thynges. Felix. The kynges mother. blyssed 〈◊〉〈◊〉 manyfolde praysynge. his gate endelesly close. s••ar of the worlde. the kynges rodde of flowynge flowre T•• nanc•• Now holy mother of god. and spowse of the rudeles kyng•• we pray the mekely. that thow defen¦de vs alway•• in euery place by thy mylde gyfte. Sanc¦tis, And that ••how vyrgyn gette vs by thy holy pray¦••••••. the swete helpe of longe peace. and the endeles gyf¦tes of the blyssed kyngdome. Presta, Graunte yt be so thow h•••• father. and thow onely sōne of the father. & graunte yt also thow spyryte of bothe•• that lyuest & raynest one god. all the tyme of the worlde. that ys to say wythout ende. Amen. Antempne. Quando na∣ta es, when thow arte borne moste holy vyrgyn. then ys the worlde lyghtened. A blyssed begynnynge. an holy rowte. And blyssed be the fruite of thy wombe.

¶At Complyn Antempne.

CAstitatem, Alytell tender mayden vowed cha¦styte to hym that ys hyest. ledynge amongest men an aungels lyfe. whose maydenhed god hathe worshypfully made fruytefull.

¶The Hympne.

FIt porta cristi, She 〈◊〉〈◊〉 ys fulfyl∣led ful of grace, ys made the open gate of cryste, and the kynge goeth thorugh yt. and yt abydeth close as yt was al∣way before. Genus superni. The begin¦nynge of the lyghte aboue. hathe gone oute of the uyrgyns halle. The spowse, the age••byer the maker. the gyaunte of hys chyrche. Honor, ¶〈◊〉〈◊〉 worshyp. & toye of hys mother, the greate hope of all that byleue. hathe losed our synnes by the bytterd a••¦kenesse of dethe. Antempne. O mulicrum, O mo∣ste blyssed of women. socoure vs vnblyssed synners. and thow whome the verteu of the hyest hathe made grete wyth chylde▪ lyfte them mercyfully vp agay∣ne. whome the burden of synnes beryth downe. Antempne. O florens rosa, O florysshynge rose, fay∣re mother of god. o mylde vyrgyn, o moste plenteous vyne. thow that arte bryghter then the morow tyde. pray besyly for vs.

¶Here endyth the story of the Wednesday And begynneth the Story of the Thursday.

Notes

• ••ath. vi.
• Isaie. xi.
• Psal. 109.
• Ioannis. iii.
• Philipp. ii.
• Pri. Ioan .2.
• Ezech. xxiiii.
• ••este••. iiii.