Than is there an other yle ye men call Dodye

Than is there an other yle y^e men call Dody & it is a grete yle / In this yle are many dy¦uerse maner of men & haue euyll maners for the

[illustration]

fader eteth the sone / and the sone the fader / the hus¦bande his wyfe / and the••wyf her husbonde. And yf it so be y^e the fader be seke or the moder or ony fren¦de the sone gooth as soone to the preest of the lawe and prayeth hym y^• he wyll aske of the ydoll yf his fader shall deye of that syknesse or not. And than the preest & the sone kneledowne before the ydoll de••outly & asketh hym / & he answereth to theym / & yf he sayth y^t he shall lyue / than they kepe hym wel / & yf he say that he shal dye than come y^e preest with the sone or with the wyf or what frende y^• it be vnto hym that is seke. & they leye ther hondes ouer his mouthe to stoke his brethe / & so they slee hym /

and than they smyte all the body in to pyeces and prayeth all his frendes for to come and ••te of hym that is dede / and they make a grete feste therof and haue many mynstrelles there and ete hym with gre¦te melody. And so whan they haue eten all the fles¦she / than they take the bones and burye theym all syngynge with grete worshyppe / and all those that are of his frendes that were not there at the etyn∣ge of hym hath grete shame and velonye soo that they shal neuer more be holden as frendes. And the kynge of this yle is a grete lorde and myghty / and he hath vnder hym .li••ij grete yles & eche of theym hath a kynge / & in one of thise yles are men that

[illustration]

hath but one eye / & that is in the myddes of theyr fronte / and they ete not but flesshe & fysshe rawe / And in an other yle dwell men that haue no hedes

[illustration]

& theyr eyen are in theyr sholders & theyr mouth is on theyr breste / In an other yle are men y^• haue no hede ne eyen & theyr mouth is in theyr sholders.

[illustration]

And in an other yle are men that haue platte faces without nose and without eyen / but they haue two small rounde holes in stede of eyen / and they haue a platte mouthe withoute lyppes. ¶And in an o∣yle are men also that haue theyr faces all platte w^t out eyen and withoute mouthe and without nose / but they haue theyr eyen and theyr mouthe behyn∣de on theyr sholdres. And in another yle are floue

[illustration]

men that haue the lyppe aboue the mouthe so gre∣te that whan they slepe in the sonne they couer all theyr face with the lyppe. And in an other yle are ly lytell men as dwarfes & haue no mouthe but a lytell rounde hole & thrughe that hole they ete theyr mete with a pype / and they haue noo tonge & they speke not but they blowe & whysple and so make sygnes one to an other. And in as other yle are men with

hangynge eeres vnto theyr knees. And in an other yle are wylde men with hangynge eeres and haue feete lyke an hors & may renne faste / and they take wylde bestes & ete theym. And in an other yle are men that go on theyr hondes & feet lyke beestes / & are all roughe & wyll leepe vpon a tree lyke cattes / or apes. And in an other yle are men that goo euer vpon theyr knees meruayllously and haue on eue∣ry fote / viij toos. And in an other yle is folke that

[illustration]

is bothe men & women & haue membres of bothe for to engender with / and whan they wyll they vse bothe on a tyme & the other an other tyme / & they gete chyldren whan they vse the membre of man∣& they bere chyldren whan they vse the membre of womā. many other maner of folke is thise in yles therabout of whome it were to longe to tell all.