The coppy of a letter written by the Lord of Themines, Seneschall of Quercy to the lord marshall Matignon, the kings lieuetenant generall in Guyenne, concerning the battaile at Villemure, and the victory atchieued against the ennemies of his maiesty. Also, a decree of the court of parliament sittinge at Chaalons, against a rescript in forme of a bull, directed to the Cardinal of Plaisance, and published by the rebels in Paris, in October last. Faithfully done into English by E.A. Hereunto are adioyned, the reportes of certiane letters, of newes out of France, and Sauoya.

ARREST DELA COVR DE PARLE∣ment seant a Chaalons contre le Rescrit en forme de Bule, adresse au Cardinal de Plaisance, publié par les rebelles de Paris, au mois a Octobre dernier.

SVR ce que le Procureur general du Roy a remonstré à la Cour, queles rebelles & seditieux pour executer les meschans & malheureux desseings qu'ils ont de longue main proiettez pour vsurper ceste Cou∣ronne sur les vrais & legitimes successeurs d'icelle, non contens d'auoir remply le Royaume de meur∣tres, massacres, brigandages, & pilleries, & auoir d'abondant introduit l'Espagnol trescruel & trespernicieux ennemy de la France, voyans que les habitans des villes rebelles cō∣mencoient comme d'vne longue lethargie & pamoison à retourner à soy & reprendre le chemin de l'obeissance dont Dieu & Nature les obligent enuers leur Roy legiti∣me pour du tour amortir & reboucher les pointes & aigul∣lions de la charité vers leur Patrie, qui se reueilloient en eux & remettrece Royaume en plus grand trouble & diuision que deuant, se disposent de proceder à l'eslection d'vn Roy. Pour à laquelle donner quelque couleur, ils ont fait publier certain escrit en forme de Bule portant pouuoir & mande∣ment au Cardinal de Plaisance d'assister & authoriser la∣dite pretendue eslection. En quoy lesdits rebelles & sediti∣eux descouurent apertement ce qu'ils ont iusques icy tenu cachè, & qu'ils n'ont fait que prendre le pretexte de la reli∣gion pour couurir leur malheureuse & damnable enter∣prise & coniuration. Chose que tout bon Francois & Ca∣tholique doit detester & abhorrer comme directement con traire ā la parole de Dieu, aux saincts decrets, conciles & li∣bertez

de l'Eglise Gallicane, & qui ouure la porte à l'entiere ruine & euersion de toutes polices & societez humaines instituees de Dieu, mesmement de ceste tant renommee & florissante Monarchie, la loy fondamētale de laquelle con∣siste principalement en l'ordre de la succession legitime de nos Rois, pour la conseruation de laquelle tout homme de bien & vray François, doit exposer savie plustost que souf∣frir qu'elle soit alteree & viollee, comme le gond sur lequel tourne toute la certitude & repos de l'Estat requerant y estre pourueu.

LA COVR en entherinant larequeste faicte par le Pro∣cureur general du Roy, l'a receu & reçoit, appellant comme d'abus de l'octroy & impetration de ladicte Bule, & pouuoir y cō∣tenu publication, execution d'icelle, & tout ce qui s'en est ensuiui, l'à tenu & tient pour bien releué, ordonne que Philippes du titre de S. Onuphre Cardinal de Plaisance, ser a assigné en icelle, pour defendre audit appel, & vaudrōt les exploits faits en ceste ville de Chaalons, à cry public, & seront de tel effect & valeur comme si faits estoient à personne ou domicile. Et cependant exhorte ladicte Cout tous Prelats, Euesques, Princes, Seigneurs, Gentilshom∣mes, Officiers & subiets du Roy, de quelque estat, condition & qualité qu'ils soient, de ne se laisser aller ou gagner aux poisons & ensorcellemens de tels rebelles & seditieux, ains demourer au de∣uoir de bons & naturels François, retenir tousiours l'affection & charité qu'ils doiuent à leur Roy & Patrie, sans adherer aux ar∣tifices de ceulx qui soubs couleur de religiō veuillent enuahir l'E∣stat, & y introduire les barbares espagnols & autres vsurpateurs, faict tresexpresses inhibitions & deffences à toutes personnes, de te nir ny auoir chez soy ladite Bule, icelle publier, s'en aider, ou fa∣uoriser lesdits rebelles, ny se transporter aux villes & lieux qui pourroient estre assignez pour ladite pretēdue election, Sur peine

aux Nobles d'estre degradez de Noblesse, & declarez insames & roturiers eux & leur posterite, & aux Ecclesiastiques d'estre de∣cheuz du possessoire de leurs benefices, & punis ensemble tous con∣treuenans, comme criminels de leze Maiesté, & perturbateurs du repos public, deserteurs & traistres à leur pays, sans esperance de pouuoir obtenir à l'aduenir pardon, remission ou abolition, & à toutes Villes de receuoir lesdits rebelles & seditieux, pour faire ladicte assemblee, les loger, retirer, ou heberger.

Ordonne ladicte Cour que le lieu ou la deliberation aur a esté prise, ensemble la Ville ou ladicte assemblee se fera, seront rasez de fonds en comble, sans esperance d'estre redifiez, pour perpetuelle memoire à la posterité de leur trahison, perfidie, & infidelité, enioinct à toutes personnes de courir sus à son de toxain, contre ceux qui se transporteront en ladicte ville, pour assister à icelle as∣semblee, & sera commission deliuree audict Procureur general, pour informer contre ceux qui ont esté autheurs & promotheurs de tels monopoles & coniurations faictes contre l'Estat, & qui leur ont aidé ou fauorisé. Et sera le present arrest publié a son de trompe & cry public par les carefours de cest Ville, & envoyé par tous les sieges de ce ressort, pour y estre leu, publié, & enregistré à la diligence des substituds du Procureur general, dont ils certifie∣ront la Cour dans vn mois, à peine de suspension de leurs estats.

Faict en Parlement le XVIII. Nouembre M. D. XCII. A Chaalons.